You are here: සන්නස පුවත්

සන්නස පුවත්

සාමවිනිසුරු පදවියෙන් ව්‍යාපාර කරන පුද්ගලයින්ට එරෙහිව දැඩි පියවර

රාජ්‍ය  ආයතන ඉදිරිපිට අහිංසක ජනතාවගෙන් මුදල් ලබා ගන්නා ව්‍යාපාරික සාම විනිසුරුවරුන් වැටලීම ඉදිරි දිනවලදී ආරම්භ කරන බව
අධිකරණ අමාත්‍යාංශය සඳහන් කරයි.

ප්‍රජාවේ උන්නතිය සඳහා පුළුල් සමාජ මෙහෙවරක් ඉටු කිරීමට හැකියාව තිබියදී සාමවිනිසුරු පදවි ලැබු අතලෝස්සක් එම වගකීම්වලින් බැහැරව කටයුතු කරමින් රාජ්‍ය ආයතන ඉදිරිපිට ප්‍රසිද්ධියේ ව්‍යාපාරික අරමුණු මත රැඳි සිටිමින් අහිංසක ජනතාවගෙන් මුදල් අය කරමින් සාමවිනිසුරු පදවිය භාවිතා කර සිදු කරන මෙම නීති විරෝධි ක්‍රියා වහාම නතර කළ යුතු බව අධිකරණ අමාත්‍යාංශය අවධාරණය කරයි.

එසේ සිදුකරන සාම විනිසුරුවරුන්ගේ තනතුරු අහෝසි කිරීමට පියවර ගන්නා අතර එවැනි සාම විනිසුරුවරුන් පි‍ළිබඳව ලැබෙන තොරතුරු මත අධිකරණ අමාත්‍යාංශය විසින් ඉදිරියේ වැටලීම් සිදු කිරිමට ද කටයුතු කරන බව අමාත්‍යාංශය පෙන්වා දෙයි.

සමාජයේ ගරු සේවාවක් ලෙස ප්‍රජාවේ ජීවත්වන ජනතාවට ප්‍රශංසනීය සේවාවක් ඉටු කිරීම සඳහා අධිකරණ සංවිධාන පනතේ 82වගන්තිය යටතේ අධිකරණ අමාත්‍යරයාට පැවරී ඇති බලතල අනුව ප්‍රජාවේ උන්නතිය සඳහා ගරු කටයුතු තනතුරක් ලෙස ලබා දී තිබෙන සාමදාන විනිශ්චකාර පදවිය එහි අරමුණු හා පරමාරවලට පටහැනිව කටයුතු කරමින් අහිංසක ජනතාවගෙන් මුදල් උපයා ගැනීමේ අරමුණු ඇතිව කටයුතු කරන සාම විනිසුරුවරුන්ට එරෙහිව දැඩි පියවර ගන්නා ලෙස අධිකරණ අමාත්‍ය විජයදාස රාජපක්ෂ මහතා අධිකරණ අමාත්‍යාංශ නිලධාරීන්ට උපදෙස් ඇත.

වසර 200කට අධික ඉතිහාසයක් පවතින සාම විනිසුරු භූමිකාව අතීතයේ ගරු සේවාවක් ලෙස විපරිත වු සමාජය  යළි ගොඩනැගීම සඳහා දායක විය හැකි ප්‍රභුන් වෙත මෙම තනතුරු ප්‍රදානය කළ අතර 1889 වර්ෂයේදී අධිකරණ සංවිධාන ආඥා පනත සංශෝධනය කරමින් ගරු පත්වීම් හා නිල පත්වීම් ලෙස වර්ගීකරණය කර තිබේ. මෙහි ගරු පත්වීම් පිරිනමා  ඇත්තේ සමාජයට පුළුල් සේවාවක් ඉටු කළ හැකි සමාජ සේවාවට දායක වු පුරවැසියන් වෙනුවෙන් වන අතර නිල බලයෙන් සාමවිනිසුරු පදවි අග්‍රවිනිශ්චයකාර පදවියේ සිට කම්කරු විනිශ්චය සභාවල ලේකම්වරුන් දක්වා රාජ්‍ය නිලධාරීන්ට හිමිවේ.
1978 අංක 2 දරණ අධිකරණ සංවිධාන පනතේ 45 වගන්තිය ප්‍රකාරව පිරිනැමෙන සාම විනිසුරු පදවිය ප්‍රජාවේ උන්නතිය සඳහා පුළුල් සේවාවක් ඉටු කිරීම සඳහා පිරිනමන නමුත් වර්තමානයේදී මෙම තනතුර උපයෝගි කරගනිමින් දිවුරුම් පෙත්සම් සහ ඒ හා සමාන ලිපි ලේඛන සහතික කිරීමට පමණක් සීමා වී ඇති බව දක්නට ඇත. එහෙත් සාමදාන විනිශ්චයකාර පදවිය උපයෝගි කරගන්මින් සමාජයේ යහපාලනය ශක්තිමත් කිරිම සඳහා බිම් මට්ටමේ සිට දායක විය හැකි අතර විශේෂයෙන් ග්‍රාමීය මට්ටමේ ව්‍යාප්ත වි තිබෙන සමාජ විෂමාචාර ක්‍රියා මැඩ පැවැත්වීමට, පොලීසිය ඇතුළු අදාළ ආයතනවලට සහයෝගය ලබා දිම මත්ද්‍රව්‍ය හා නිති විරෝධි  මත්පැන් භාවිතයට එරෙහිව කටයුතු කිරිම, ළමා හා කාන්තා අපචාර ක්‍රියා මැඩලීමට සහයෝගය ලබාදීම ඇතුළු සමාජ විෂමාචාර ක්‍රියාවන් පිළිබඳව දැඩි විමසිල්ලෙන් කටයුතු කර අදාළ තොරතුරු පොලීසිය ඇතුළු රාජ්‍ය ආයතනවලට ලබාදීම යුගයේ අවශ්‍යවක් බව සාමවිනිසුරුවරුන් වටහාගත යුතු බව අධිකරණ අමාත්‍යාංශය අවරධාරණය කරයි.

රජයේ නිල පුවත් වෙබ් අඩවියෙන්

ලලිත් හා කුගන් වහා නිදහස් කරන්නැයි ඉල්ලා පෙරටුගාමී සමාජවාදී පක්ෂය යාපනයේදී විරෝධතාවක

අතුරුදන්ව සිටින ලලිත් හා කුගන් වහා නිදහස් කරන්නැයි ඉල්ලා පෙරටුගාමී සමාජවාදී පක්ෂය අද යාපනයේදී විරෝධතාවක නිරත වු බව වාර්තා වන අතර විවිධ සටන් පාඨ සහිත පොස්ටර් සහ බැනර් ප‍්‍රදර්ශනය කරමින් ඔවුන් මෙම විරෝධතාවයේ නිරත වූ බව වැඩිදුරටත් සදහන් වේ.

ජනපති සිව්දින චීන නිල සංචාරය අරඹයි

decrease font sizeචීන මහජන සමූහාණ්ඩුවේ විශේෂ ආරාධනාවක් අනුව චීනයේ සිව් දින නිල සංචාරයක් සදහා ජනාධිපති මෛත්‍රිපාල සිරිසේන මැතිතුමා අද (25) දහවල් දිවයිනෙන් පිටත්ව ගියේය.

ශ්‍රී ලංකන් ගුවන් සේවයට අයත් යූඑල් 868 සාමාන්‍ය ගුවන් යානයෙන් අද දහවල් 1.20 ට පමණ ජනාධිපති මෛත්‍රිපාල සිරිසේන මැතිතුමා, ජයන්ති සිරිසේන මැතිණිය ඇතුළු දූත පිරිස දිවයිනෙන් පිටත්ව ගියහ.

විදේශ කටයුතු අමාත්‍ය මංගල සමරවීර, අමාත්‍යවරුන් වන පාඨලී චම්පික රණවක, රාජිත සේනාරත්න, රවී කරුණානායක, රවුෆ් හකිම්, විජයදාස රාජපක්ෂ යන මහත්වරුන්ද ෆීල්ඩ් මාෂල් සරත් ෆොන්සේකා මහතා ඇතුළු පිරිසක්ද ජනාධිපතිතුමා සමග මෙම සංචාරයට එක්ව සිටිති.

 

 

රජයේ නිල පුවත් වෙබ් අඩවියෙන්

ජනපති පිළිගන්න චීනය සූදානමින්

චීන මහජන සමුහාණ්ඩුවේ ජනාධිපති ෂී ජින්පින් මහතාගේ විශේෂ ආරාධනාවක් අනුව අද (25) සිවු දින චීන නිල සංචාරය අරඹන ජනාධිපති මෛත්‍රිපාල සිරිසේන මැතිතුමා ඇතුළු දූත පිරිස පිළිගැනීමට චීන ගුවන් තොටුපළේ අභිමානවත් උත්සවයක් සූදානම් කර ඇත.

චීනයේ බීජිං නුවර දී හෙට (26) චීන ජනාධිපති ෂී ජින්පින් මහතාගේ ප්‍රධාත්වයෙන් චීන මහජන ශා‍ලාවේ දී පැවැත්වෙන රාජ්‍ය උත්සවයට මෛත්‍රිපාල සිරිසේන ජනාධිපතිවරයා එක් වෙයි . එසේම එහිදී දෙරටේ නායකයන් විසින් ශ්‍රි ලංකාවට ඉතා වැදගත් ද්විපාර්ශවික ගිවිසුම් කිහිපයකට අත්සන් තැබීමට නියමිතය .

අනතුරුව චින ජනාධිපතිවරයාගේ විශේෂ හමුවකට සහ දිවා භෝජන සංග්‍රහයකටත් ජනාධිපතිවරයා එක් වෙයි.

චීන ජාතික මහා කොංග්‍රසයේ ස්ථාවර කමිටු‍ සභාපති ෂහන්ඩ් රජීන්ඩ් (zhand rajirnd)මහතා සමඟ ද සාකච්ඡා කිරීමට නියමිත ජනාධිපතිවරයා චීන අගමැති Li Keqiang මහතා සහ පාර්ලිමේන්තු කණ්ඩායම සමඟ විශේෂ සාකච්ඡාවකට එක්වීමට ද නියමිතය.
විදේශ ඇමැති මංගල සමරවීර එම අමාත්‍යාංයේ ලේකම් චිත්‍රාංගනී වාගීශ්වර , ජනාධිපති ලේකම් පී.බී අ‍බේකෝන් යන මහත්ම මහත්මීහු ඇතුළු නිලධාරින් 20දෙනෙකුට අඩු පිරිසක් මෙම සංචාරය සඳහා එක් වෙති .

මෛත්‍රීපාල සිරිසේන මැතිතුමා ජනාධිපති ධුරයට පත් වීමෙන් පසු නිරත වන තෙවන නිල විදේශ සංචාරය මෙය වේ.
රජයේ නිල පුවත් වෙබ් අඩවියෙන්

උඩරට දුම්රිය මාර්ගයේ ගමනාගමන කටයුතු තාවකාලිකව ඇණහිටී

ඉන්ධන සහ මගීන් ප්‍රවාහනය කළ දුම්රියක් පීලි පැනීමෙන් උඩරට දුම්රිය මාර්ගයේ ගමනාගමන කටයුතු තාවකාලිකව ඇණහිට ඇති බව නාවලපිටි දුම්රිය පාලක මැදිරිය සදහන් කරයි.

ඉහළ වටවල සහ රොසැල්ල දුම්රිය ස්ථාන දෙක අතර 102 1/4 සැතපුම් කණුව අසලදී අද සවස 4.10 ට පමණ එම දුම්රියේ ඞීසල් ලීටර පන්දහස් අටසියයක් (5800) සහිත ඉන්ධන ටැංකියක් පීලිපැන ඇති බව පාලක මැදිරිය සදහන් කරන අතර දුම්රිය පීලිගත කිරීමේ කටයුතු කඩිනමින් ආරම්භකරන බව දුම්රිය පාලක මැදිරිය වැඩිදුරටත් සඳහන් කළේය.

ජනපති හෙට චීනයට

සිව් දින නිල සංචාරයක් සඳහා ජනාධිපති මෛත්‍රීපාල සිරිසේන මැතිතුමා හෙට (25) චීනය බලා පිටත්ව යාමට නියමිතය.

මෙම සංචාරය අතරවාරයේ දී චීන ජනපති ෂි ජින් පිං මැතිතුමා ඇතුළු චීන රජයේ නියෝජිතයන් සමග ද්විපාර්ශ්වීය සාකච්ඡා පැවැත්වීමට ජනාධිපති මෛත්‍රීපාල සිරිසේන මැතිතුමා බලා‍පොරොත්තු වේ.

චීන රජය විසින් ශ්‍රී ලංකාවේ ක්‍රියාත්මක කරන ව්‍යාපෘති පිළිබඳ ව මෙහිදී දෙරටේ රාජ්‍ය නායකයන්ගේ විශේෂ අවධානය යොමුකරනු ඇත.

 

 

රජයේ නිල පුවත් වෙබ් අඩවියෙන්

19 වන ආණ්ඩුක්‍රම ව්‍යවස්ථා සංශෝධන පනත් කෙටුම්පත පාර්ලිමේන්තුවට

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාව සංශෝධනය කිරීම සඳහා වූ පනත් කෙටුම්පත වන 19 වන ආණ්ඩුක්‍රම ව්‍යවස්ථා සංශෝධනය අද (24) පාර්ලිමේන්තුවට ඉදිරිපත් කළේ ය.

අග්‍රාමාත්‍ය සහ ප්‍රතිපත්ති සම්පාදන, ආර්ථික කටයුතු, ළමා, තරුණ හා සංස්කෘතික කටයුතු අමාත්‍ය රනිල් වික්‍රමසිංහ මහතා විසින් පනත් කෙටුම්පත පාර්ලිමේන්තුවට ඉදිරිපත් කළේ ය.

 

 

රජයේ නිල පුවත් වෙබ් අඩවියෙන්

කටාර් රාජ්‍ය නායකයාගේ පැමිණීම නිසා අද විශේෂ රථවාහන සැලැස්මක්

කටාර් රාජ්‍ය නායක ෂීක් තමිම් බින් හමාඩ් අල් තානි (Shaikh Tamim Bin Hamad Al Thani) එමීර්වරයාගේ ශ්‍රී ලංකා ගමනය හේතුවෙන් විශේෂ රථවාහන වැඩපිළිවෙළක් ක්‍රියාත්මක කිරීමට ශ්‍රී ලංකා පොලිසිය කටයුතු යොදා ඇත.

ඒ අනුව පස්වරු 1.30 සිට පස්වරු 2.30දක්වා කටුනායක ජාත්‍යන්තර ගුවන් තොටුපළේ සිට කොළඹට ඇතුළුවන මාර්ගයේ අධිවේගී පෙදෙස, බේස්ලයින් පාර, ඩී.එස්. විදුලි සංඥා, හෝර්ටන් පෙදෙස, නෙළුම් පොකුණ ඉදිරිපිට මාර්ගය, කොල්ලුපිටිය ලිබර්ඩ් වටරවුම, ශාන්ත මයිකල් වටරවුම, කොල්ලුපිටිය ගාලු පාර, ගාලු මුවදොර වටරවුම ඔසේ එන්.එස්.ඒ. වටරවුම දක්වා වූ කොටස වසා තැබේ.

පස්වරු 3.45සිට 4.45දක්වා එන්.එස්.ඒ. වටරවුමේ සිට ගාලු මුවදොර වට රවුම ඔස්සේ කොල්ලුපිටිය, ශාන්ත මයිකල් වටරවුම, කොල්ලුපිටිය ලිබර්ඩ් වටරවුම, නෙළුම් පොකුණ ඉදිරිපිට මාර්ගය, හෝර්ටන් පෙදෙස, ඩී.එස්. විදුලි සංඥා,  බොරැල්ල හරහා ඔරුගොඩවත්ත, බේස්ලයින් පාර, අධිවේගී මාර්ගයේ කොළඹින් පිටවන කොටසේ කටුනායක ජාත්‍යන්තර ගුවන් තොටුපළ දක්වා වූ කොටස වසා තැබේ.

ඉහත වේලාවන් මාර්ගයේ අධික රථවාහන තදබදයක් පවතින වේලාවන් බැවින් හැකිතාක් දුරට විකල්ප මාර්ග භාවිතා කරන ලෙස පොලිසිය මහජනතාවගෙන් ඉල්ලා සිටී.
රජයේ නිල පුවත් වෙබ් අඩවියෙන්

සිමෙන්ති කොට්ටයකට රුපියල් 870ක උපරිම විකිණුම් මිලක් ක‍්‍රියාත්මකයි

අද සිට සිමෙන්ති කොට්ටයකට රුපියල් 870ක උපරිම විකිණුම් මිලක් ක‍්‍රියාත්මක වන බව   මුදල් අමාත්‍ය රවී කරුණානායක මහතා පවසයි. අද සිමෙන්ති නිෂ්පාදන සමාගම් සමග පැවති සාකච්ඡාවකදි මේ සම්බන්ධයෙන් එකඟතා පළවු බව අමාත්‍යවරයා වැඩිදුරටත් සඳහන් කළේය.

අයවැය මගින් සිමෙන්ති ආනයන තීරුබදු ඉවත් කිරීමත් සමග සිමෙන්ති මිල පහත දමන ලෙස ආණ්ඩුව සිමෙන්ති සමාගම්වලින් ඉල්ලීම් කළ ද ඉකුත් කාලසීමාව තුළ සිමෙන්ති මිල අඩු කිරිමක් සිදුනොවු බවට විවිධ පාර්ශ්වවලින් චෝදනා විය.

JPAGE_CURRENT_OF_TOTAL