ශ්රී ලංකාවේ පවතින සාමකාමී වාතාවරණය හේතුවෙන් ඉන්දියාවේ අවතැන් කඳවුරුවල සිටි ශ්රී ලාංකික දෙමළ සරණාගතයන් 1000ක පමණ පිරිසක් මේ වන විට මෙරටට පැමිණ ඇති බව එක්සත් ජාතීන්ගේ සරණාගතයන් පිළිබඳ මහකොමසාරිස් කාර්යාලය සඳහන් කරයි.
මෙම පිරිස පසුගිය ජනවාරී සිට පැමිණ තිබෙන අතර ඉදිරියේදී ශ්රී ලංකාවට පැමිණීමට අපේක්ෂා කරන සරණාගතයන්ට අවශ්ය පහසුකම් සැලසීමට කටයුතු කරන බව මහකොමසාරිස් කාර්යාල පවසයි.
ශ්රී ලංකාව, මියන්මාරය, ඇෆ්ගනිස්ථානය වැනි රටවලින් ඉන්දියාවට පැමිණෙන සරණාගතයන්ට යහපත් මට්ටමින් සෞඛ්ය හා අධ්යාපන පහසුකම් ලබාදීමට කටයුතු කරන අතර කිසිදු අවස්ථාව සරණාගතයන්ට සිය රටින් පිටවන ලෙස බලකර නැති බව මහකොමසාරිස් කාර්යාලය පෙන්වා දී තිබේ.
ඉන්දියාව සරණාගතයන් පිළිබඳ ජාත්යන්තර සම්මුතියක් මේ වන විට අත්සන් කර නැති නිසා සරණාගතයන් පිළිබඳ ක්රියාත්මක වන නීති පද්ධතියක් නොමැති වීම අඩු පාඩුවක් බව ද මෙම මහකොමසාරිස් කාර්යාලය වැඩිදුරටත් සඳහන් කරයි.
Thursday, Feb 09th
Last update:02:23:49 PM GMT
Headlines:
