ජීවිතය අතර මැද
නැවතී ඇතැයි ඉව දැන
උඩු බුරන මුරකරුව ඔබ
සතර පා ඇතිව
ඉපිද කා ඉඳුල් ටික
ණය ගෙවා දිවි පුදා
මා රකින සුනඛ රජ ඔබ
දැනෙයි මා හට සෙනෙහස
ඔබේ ලෙන්ගතු ඇසුර ගැන
නොකර වර්ජන නොගෙන වැටුපක්
විසි හතර පැය මුර දේවතා ඉව අල්ලන
මා නිසා උපන්
සුනඛ රජ ඔබ
ඔබ දනී මා සිත
විඩා විඳ ඇති බව
බුරා උඩු නුඹත් දුක ගෙන
මගේ තනියට ලඟින් දැවටෙන
මගේ මුර දෙවි
සුනඛ රජ ඔබ
නිරෝෂිනී පීරිස් ගේ නුවර සඳ තරුණයි කෘතියෙන් උපුටා ගැණුනි.
