මහපොළවේ හෙට දවස| 24/03/2013 - ඉරිදා ලංකාදීප | |
|
පොදු ජනතාව ජීවන වියදම ගැන මැසිවිලි නගමින් සිටී. ඉදිරියේ දී එළැඹෙන උත්සව සමයේ එය තවත් ගැටලූකාරී විය හැකි බව ඔවුහු සිතන බව පෙනේ. අත්යවශ්ය භාණ්ඩ මිළ ඉහල යමින් තිබේ. එදිනෙදා අදායමින් ජීවිතය ගැටගසා ගන්නා දුප්පත් ජනතාව පත්ව ඇත්තේ මහත් පීඩාවකටය. ලැබෙන තොරතුරු වලට අනුව ජනතාව ශ්රී ලංකාවේ ආර්ථිකය ගැන දක්වන අවධානය වැඩිවී ඇත. ආර්ථික පර්යේෂකයන් පෙන්වන කරුණු වලට අනුව අධ්යාපනය හෝ සෞඛ්ය වැනි අංශ වලට වඩා ආර්ථිකය ගැන උනන්දුවෙන් හිතන්නට ජනතාව නැඹුරු වී තිබේ. සමාජයක් දියුණුවන විට මිත්යාවෙන් රැවටිය නොහැකිය. ලෝකයේ නොයෙක් රටවල සිදුවන දේ සම්බන්ධ අලූත් තොරතුරු නිතිපතා තමන් අතට ලැබෙන ආකාරයට ජනතාව තාක්ෂණයෙන් පොහොසත්ය. තවත් රටක් දියුණු වන විට තමන්ගේ මවුබිම තුළ ඇති ප්රශ්න ගැන පොදු ජනතාව ප්රශ්න කරන්නට පටන්ගනී. අධ්යාපනය හා සෞඛ්ය වැනි අංශ වල විකල්ප අවස්ථා ජනතාවට තිබේ. ආර්ථිකයට විකල්පයක් නැත. උනන්දුව වැඩිවන්නේ එහෙයින් විය හැකිය. ජනතාවට දැනෙන ආකාරයට බඩු මිල වැඩි වෙන්නේ ඇයි? උද්ධමනයේ බලපෑම එයට බලපාන ප්රධානම හේතුවයි. වැඩිවන උද්ධමනය පාලනය කෘතීමව කිරීම අවදානමකි. කෘත්රීමව බඩු මිල පාලනය කිරීම දිය යට රබර් බෝලයක් බලයෙන් තෙරපාගෙන සිටීමට හා සමානය. තෙරපීම ඉවත්වූ වහා රබර් බෝලය දිය මතු පිටට පැමිණෙනවා පමණක් නොව ජල මට්ටමටත් වඩා ඉහලට පැන ජලතලාවේ කැළඹිල්ලකුත් ඇති කරයි. බලහත්කාරයේ රදවා ගන්නා උද්ධමනය රබර් බෝලයක් නම් එය පාලනය කර ගත නොහැකි වූ දින මහජනතාවට සිදුවන්නේ ජලතලයේ ඇතිවූ කැළඹිල්ලට සමාන අර්බුදයකට මුහුණ දෙන්නටය. උද්ධමනයට විසදුම් දෙන බවට නිදහස ලැබූ වකවානුවේ සිට මහත් ආඩම්බරයෙන් කතා කරන ආණ්ඩු හැමවිටම කරන්නේ තමන්ගේ නිල කාලය අවසන් වනතෙක් උද්ධමන රබර් බෝලය දිය යට සගවා තැබීමයි. ඡන්දයක් ලග එනවිට එය බොහෝවිට සිදුවෙයි. යහපත් ආර්ථිකයක ප්රමුඛ ලක්ෂණය විය යුත්තේ උද්ධමනයට මුහුණ දිය හැකි ආකාරයට මහජනතාවගේ ආදායම වැඩි කිරීමයි. ආදායම වැඩි කළ හැක්කේ ජනතාවට ආදායම උපයන අවස්ථා නැංවීමෙන් විනා පවතින සුථ සම්පත් ප්රමාණය තම තමන්ට හැකි පමණින් සමාජය තුළ බෙදාගැනීමෙන් නොවේ. සාමාන්යයෙන් ඕනෑම ආණ්ඩුවක් කරන්නේ රජයේ ආදායම හා වියදම ගලපා ගැනීමයි. ආදායම අඩුවන විට තම ආදායම නංවා ගැනීමට තව තවත් බදු පනවන්නට සිදුවෙයි. බදු පැනවීම නිසා භාණ්ඩ මිල තවත් වටයකින් ඉහල නැගේ. දෙස් විදෙස් ආයතන වලින් ණය ගනී. එවිට පොලියක් ගෙවන්නට සිදුවෙයි. එය උද්ධමනය තවත් වැඩි කරන කාරණයකි. නිෂ්පාදනය වැඩි නොවී, කාර්යක්ෂමතාවය, ඵලදායකත්වය හා තරගකාරීත්වය ගැන තීන්දු නොගෙන කි්රයාකිරීම නිසා උද්ධමනය පාලනය කිරීම අසීරු අවධියක් කරා අද ගමන් කරමින් සිටී. මේ නිසා රටක් වශයෙන් අප කළ යුතු වන්නේ විකල්පය සොයා ගැනීමයි. ඉන්දියාව, ඇමරිකාව හෝ තායිලන්තය මෙරටට වඩා අඩු මිලට භාණ්ඩ නිපදවන්නේ කෙසේ ද යන ප්රශ්නය අප අපෙන්ම විමසීමයි. ඉතාම වැදගත්වන්නේ මෙම තරගකාරීත්වය ඇතිකිරීමයි. වෙනත් රටකට වඩා තත්ත්වයෙන් උසස් අඩු මිල භාණ්ඩ නිපදවා ගැනීමට ප්රයත්න දැරීමයි. චීන ආර්ථිකය සමග තරගකරන්නට නම් යුද බිමේ තීරණ ගන්නා ආකාරයට ඉක්මනින් ක්රියා කිරීම වැදගත් බව බි්රතාන්ය අගමැති ඬේවිඞ් කැමරන් මෑතක දී ප්රකාශ කළේය. එයින් පෙනෙන්නේ තරගකාරීව ඉක්මන් තිරණ ගැනීමේ වැදගත්කමයි. එයින් නිෂ්පාදනයේ තත්ත්වය දියුණුවෙයි. ඵලදායීතාවය වැඩිවෙයි. මේ නිසා කර්මාන්තයක හෝ සේවාවක නිපැයුම නිතැතින්ම වැඩිකර ගත හැකි අතර එකම යෙදවුම් වලින් වැඩි නිෂ්පාදනයක් ලැබීම නිසා මූලික වියදම පහත වැටේ. එවිට බඩු මිල අඩු කළ හැකිය. නිස්පාදනය වැඩි කරන්නට නම් රට වැසියන් සියලූ දෙනා තුළ ව්යවසායකත්වය සම්බන්ධ ආකල්ප ඇති කළ යුතුය. සෑම පුද්ගලයෙකුම යමක් නිපදවන කෙනෙකු බවට පත් කිරීම අපගේ වගකීමකි. රජයෙන් යැපෙන රජයේ සේවකයන් නොව ව්යාපාරයක්, කර්මාන්තයක් කරන අයෙකු බවට මේ රටේ හැම දෙනෙකුම පත්කිරීමෙන් නිපදවන ප්රමාණය නැංවිය හැකිිය. එයට අවශ්ය පසුබිම සකස් කළ හැක්කේ ආකල්ප වෙනසකින් පමණකි. උපාධිධරයා ගොවිපලට යවන, ධීවර වෘත්තියට යොමු කරන සහ එයින් ව්යවසායකයෙකු වී යමක් නිපදවන පුද්ගලයෙකු බවට පත්කිරීමේ අධ්යාපන ක්රමයක් රටට අවශ්යය. කම්හල හා ගොවිපල ආශ්රිතව ලක්ෂ ගණන් රැකියා හිගයක් මේ රටේ ඇත. තාක්ෂණයෙන් සපිරි පුහුණු වෘත්තිකයන් හිගවීම නිසා ඇගලූම් කම්හල් වැසී යයි. තේ හා රබර් කර්මාන්තයේ පැවැත්මට අවශ්ය ශ්රමය නැත. ඉදිකිරීම් ආශ්රිත වඩු හා පෙදරේරු ශිල්පීන්ගේ බරපතල හිගයක් ඇති හෙයින් මෙරට සංවර්ධන යෝජනා ක්රමවල විදේශ ශ්රමිකයෝ වැඩ කරති. නමුත් මේ රටේ තරුණන් රැකියා දෙන්නැයි රජයට බල කරමින් සිටිති. ඔවුන් ඉල්ලන්නේ රජයේ රැකියාය. උපාධියක් යනු දැනුම ලැබෙන අධ්යාපනය මිස රජයේ සේවයට ප්රවේශවෙන වත්කමක් නොවේ යැයි සිතන්නේ නැත. මේ නිසා ආකල්ප වෙනසක් තුළික් ධනය නිපදවන, නිෂ්පාදනයක නිරතවන පරපුරක් ශ්රී ලංකාවේ බිහිවිය යුතුය. අදරට පුරා යටිතල පහසුකම් නිසි ලෙස වේගවත්ව සැපයෙන බව පෙනේ. එයට දරන වියදම විශාලය. ක්රමය මගින් සාධාරණ අවස්ථා ඇති බව පෙනෙන විට මහජනතාව අලූත් අලූත් දේ නිපදවන්නට පටන් ගනී. වර්තමානයේ මහජනතාවට නිෂ්පාදනය කරන්නට හා ධනය නිපදවන්නට පෙළඹවූවත් එහි පළමු අවස්ථාව ඇති කළ යුත්තේ රජය විසින් ඒ වෙනුවෙන් විශ්වාස කළ හැකි සමාජ ආර්ථීක වටපිටාවක් ඇතිකිරීම බවද අවධාරණය කළ යුතුය. පුද්ගලයෙකු ව්යාපාරයක් ආරම්භ කරන විටම එයට කඩා පැන බදු අයකරගන්නටත්, විවිධ අණ පණත් මගින් අවසර ගන්නට බල කරන විටත් කිසිවෙකු තමන් ඇති මුදල අලූතින් ආයෝජනය කරන්නේ නැත. තමන්ට වෙළද පොළ තුළ අවස්ථාව නොදෙන බව සිතන විට ව්යාපාර අලූතින් ඇතිවන්නේ නැත. ආණ්ඩු බලාසිටින්නේ තමන් මුදල් යොදවන විටම එයින් කොටසක් උදුරාගෙන පාලනය කරන්නටය යන ආකල්පය ඇති විට බිහිවන්නේ කලූ ආර්ථිකයයි. අවසර ගැනීම්, බදු ගෙවීම් නැති ව්යාපාර ආර්ථීක වර්ධනයක් ඇති කරන්නේ නැත. ශ්රී ලංකාවේ මූල්ය හා බදු ක්රමය ගැන විශේෂ අවධානය යොමු කළ යුතුය. පවතින බැංකු හා මූල්ය ක්රම සියවසකට වඩා පැරණිය. එයින් ඉටුකරන්නේ ව්යවසායකයන්ගේ අරමුණ නොවේ. අධිරාජ්යවාදීන්ගේ කාලයේ වතු පාලනයට අවශ්ය මූල්ය රාමුව සකස් කළ බැංකු රටේ ව්යවසායකත්වයට සාධාරණ ඉඩක් දෙන්නේ නැත. බැංකු පොලිය හා පවතින මූල්ය ප්රතිපත්ති මත මෙරට වානිජ බැංකු විශාල ලාභ උපයයි. රට තුළ බදු අයකිරිම ආසියාවේ සෙසු රටවලට වඩා ඉහළ බව පෙනේ. බැංකු වලින් වැඩි පොලියට ප්රාග්ධනය ගෙන විශාල ප්රතිශත වලින් බදු ගෙවමින් යමක් නිෂ්පාදනය කරන ව්යවසායකයෙකුට එම නිපැයුම් ලෝකයේ කොතැනකටවත් අලෙවි කර ගත නොහැකිය. පවතින දේශපාලන සහ ආර්ථික ක්රමය හෙයින් තමන්ට අවස්ථාව නැති වන බව සිතන පිරිසක් මෙයින් ඇති වේ. එය සමාජ බෙදීමකි. අනුග්රහය නැතිව යමක් කරන්නට ඉඩ නැති බව සිතන සමාජය විසින් ඇති කරන්නේ පරිහානියයි. නිදහසින් පසු මේ දක්වා ගමන් කර ඇති ගමන තුළ අප විසින් බිහි කර ඇත්තේ එවැනි පරිසරයකි. ජීවන වියදම වැඩිවන බව පෙනෙන විට තාවකාලික සහන දී මහජනතාව තවදුරටත් රැවටීම වෙනුවට ඔවුනගේ අතට ධනය නිපදවන අවස්ථාව ලබාදීම කෙරෙහි සැලකිලිමත්වීම අවශ්යය. ඒ වෙනුවෙන් දැක්මක් ඇතිව අවශ්ය ආර්ථික ප්රතිසංස්කරණ රටට හදුන්වා දිය යුතුය. අද රටට අවශ්ය මතු පරම්පරාවට ගැලපෙන ආර්ථිකයක් ඇති රටක් බිහි කිරිමයි. දරුවන් වෙනුවෙන් යහපත් ආර්ථිකයක් ඇති කරන්නට නමි දීර්ඝ කාලීනව බලා යහපත් තීන්දු වලට වහා එළැඹෙන්නට සිදුවෙයි. මැතිවරණයක් පාසා දේශපාලන වේදිකාවේ දී දේශපලනඥයන් දෙන පොරොන්දු මහජනතාවට මතක ඇති බව නිසැකය. නමුත් නුදුරු මැතිවරණයක දී ද, යළිත් දේශපාලනඥයන් ඉදිරියේ රැවටෙන්නට ඇතමුන් සමත්වනු නිසැකය. රජයේ සහන, නිදහස් අධ්යාපනය, නොමිලේ රෝහල දෙන බවට පොරොන්දු දෙන විට මේවා ඉටු කළ හැකි දැයි ප්රශ්න කරන්නේ නැත. අද ජනතාව ආර්ථිකය ගැන දක්වන උනන්දුව වැඩිවන බව මගින් පෙන්වන්නේ ඔවුන් තුළ ඇති පීඩනයයි. ආර්ථික සහ සමාජ තත්ත්වය සම්බන්ධව ආකල්පමය යම් ප්රතිසංස්කරණයකින් තොරව ගමන් කිරීම තවත් ගැටලූකාරී වනු ඇත. මේ ගැන ඔබගේ අදහස මෙම ඊ-තැපැල් ලිපිනය spambots ගෙන් සුරක්ෂිත කොට ඇත. මෙය බැලීම සදහා ඔබට JavaScript සක්රීය කිරීම අවශ්යවේ මගින් සංවාදයට යොමු කළ හැකිය. |
මහපොළවේ හෙට දවස
ජීවන වියදම අඩුකිරීමට වෙනුවට ජනතාවගේ ආදායම නැංවීම - මිලින්ද මොරගොඩ
අලූත් පරපුර අලූතින් සොයන කොන්ෆියුසියස් දර්ශනය
චීනයේ විසූ කොන්ෆියුසියස් තුමා සමාජ වටිනාකම් හා විනය වෙනුවෙන් දර්ශනයක් ඉදිරිපත් කළේය. අවුරුදු දෙදහසකට පමණ පෙර වකවානුවකය. චීන විප්ලවයට ද කලින්ය. තම දර්ශනය අනුගමනය කරන්න. නමුත් තමන්ගේ ජීවිත කාලය තුළ හෝ මරණයෙන් පසුව එය අදහන්නට එපා යැයි හෙතෙම ඉල්ලීමක් කළේය. ඔහුගේ නමට පන්සලක්, පල්ලියක් හෝ දේවාලයක් තැනුණේ නැත. ජනී ජනයා එකතුව සංවාද කරන පරුත ජා ශාලා ඉදිකෙරිණි. ජීවත් විය යුතු අරමුණ මැනවින් විගර නරහයට ලක් කරන කරුණු පහක් කොන්ෆියුසියස් දර්ශනයෙහි ඇතුලත්ය. කාරුණිකත්වය එහි පළමුවැන්නයි. යුක්තිය සහ ශීලාචාරබව දෙවැන්නයි. සුසිරිතට අනුව විශ්වාසවන්ත විය යුතු බව තුන්වැනිව කියැවේ. හතරවැන්න දැනුමෙන් සියුම් අවබෝධය ඇතිකර ගැනීමයි. අවංකව යහපත් පරිපූර්ණත්වයකට පත්වීම අවසන් කරුණයි. ඔබට යමෙකුගෙන් විය යුතුයැයි අපේක්ෂා කරන නිසි ආකාරයට ම අන්යනනයන්ට යමක් කරන විට ඉටුකරන්න යන පණිවිඩය රත්රන් අදහසක් වශයෙන් සලකන දර්ශනය එහි පදනම විය.
චීනයේ මහජන විප්ලවයට සිදුවන විට එයට සමගාමීව අලූත් පරෙන්බෝධයක් එරට ඇතිවිය. පැරණි අදහස් පරනය තික්ෂේප විය. කොන්ෆියුසියස් දර්ශනය ද එයට අනුකූලව යටපත්ව ගියේය. පරම්පරා ගණනකට පසු චීන ආර්ථිකය නැගී වැඩෙමින් තිබේ. අද එරට සමාජය වෙනත් පරකූ වේශයකය. එම පරණනකවේශය තුළ කොන්ෆියුසියස් දර්ශනයට නව පිළිගැනීමක් ඇති වෙමින් තිබේ. විවෘත ආර්ථිකය සහ එයින් නැගෙන අලූත් සමාජ චර්යාවන්ට කොන්ෆියුසියස් දර්ශනය ගලපා ගන්නට එරට අලූත් පරම්පරාව උත්සාහ කරන බව පෙනේ. එපමණක් නොවේ. ජාත්යඑන්තර සමාජය ද තම ජීවිත සාක්ෂාත් කරගත හැකි මග දක්වන විවිධ දාර්ශනිකයන්ගේ සංකල්ප අධ්ය්යනය කරමින් සිටී. කොන්ෆියුසියස් දර්ශනය එයින් එකක් බවට තෝරා ගෙන ඇති කණ්ඩායම සැලකිය යුතු තරම් බව නිරීක්ෂණය කළ හැකිය. බුද්ධ දර්ශනය, තාවෝ පණිවුඩය හා කොන්ෆියුසියස් දර්ශනය ඇසුරු කරගෙන නියෝ කොන්ෆියුනිසම් යන නව ලිබරල් කතිකාවතක් ද තරුණ සමාජය අතර පැතිරෙන්නට පටන්ගෙන තිබේ. දියුණු වන සමාජය වියවුල් පරාජය කරන්නට හික්මීම හා විනය ඉල්ලා සිටින අතර මෙවැනි සංකල්ප එයට යම් පදනමක් සපයන්නට සමත්ව ඇත.
වේගවත් තරගකාරී සංවර්ධන රටාව තුළ ජන ජීවිත වල යම් පරිවර්තනයක් වන බව ඇත්තකි. පුද්ගලයන්ට එයින් සිදුවන බලපෑම සියුම්ය. සමස්ථ සමාජයම එහි පරප. තිඵලයට වග කියයි. ධනයෙන්, බලයෙන් සහ තාක්ෂණයෙන් නැගෙන විට හදවතට හිමි වන තැන පිළිබ`දව පරඑහිශ්න ඇතිවන්නට පටන්ගෙන තිබේ. බුද්ධිය වර්ධනය වී එය සංකීර්ණව මෙහෙයවන තරමට පොදු ධර්මතා ආරක්ෂා නොවන බව අවබෝධ වෙමින් ඇත. මිනිසුන් කෘතීරමෙ මව සහ විකෘතියට නැඹුරු කරන ඉඩ විවර වන තරමට ස්වභාවික යුක්තිය, පර්ධ කෘතිය සහ විශ්ව සාධාරණත්වය ද අසරණ වන බවට හඩ පැතිරෙයි. එවැනි සමාජ තලයක හෘද සාක්ෂිය මානව සම්බන්ධතා වලට ගරු කරන දාර්ශනික අදහස් නැවත පිබිදෙයි. සිදුවෙමින් පවතින්නේ එයයි.
ඇමෙරිකන් සෙන්ටර්, බිරන්නතාන්ය් කවුන්සිලය හා ජර්මනියේ ගර්නර් මධ්යිස්ථාන වශයෙන් ලෝකයේ පරෙර බල රටවල් ස්වකීය දැක්ම පතුරවන තැන් ලොවපුරා ස්ථාපනය කෙරෙන යුගයකි. ආසියානු වටිනාකම් නැවත පැතිරෙන සමයක චීන භාෂාව හා දර්ශනයට ඉඩ පාදා ගැනෙන කොන්ෆියුසියස් මධ්යනස්ථාන ද බිහිවෙමින් තිබේ. කොන්ෆිසුයියස් තුමා ඉතා කෙටි කාලයක් දේශපාලනය කළ, එතැනට නොගැලපී චීනයේ ගමින් ගම යමින් තමන් අදහන්නට එපා යැයි දේශනා පැවැත්වූ දාර්ශනිකයෙකි. ජීවත්විය යුතු ආකාරය ගවේශනය කරමින් සිටින සමාජයක් තුළ මෙම පරේශනභව ගැන යම් අවබෝධයක් ඇති කර ගැනීම ද වැදගත්ය.
ලෝකය වෙනස් කරන්නට මුල් විය හැකි කරුණු හයක්
| 03/03/2013 - ඉරිදා ලංකාදීප | |
| - මිලින්ද මොරගොඩ | |
|
ඇල්බර්ට් ආර්නෝල්ඞ් ඇල් ගෝ Albert Arnold "Al" Gore ඇමෙරිකාවේ උප ජනාධිපති ධුරය බිල් ක්ලින්ටන් යටතේ හෙබවූ අතර වසර 2000 එරට ජනාධිපති ධුරයට තරග කළ බව ජාත්යන්තරයට එතරම් මතක නැත. එනමුත් අවුරුදු දොළහකට පසු ජගත් ප්රජාව ඔහුගේ වත්මන් මෙහෙවර විවිධ ආකාරයට අගය කරන්නට පටන්ගෙන තිබේ. හෙතෙම පරිසරය සහ කාලගුණ විපර්යාස කෙරෙහි ක්රියා කරන ලාභ නොලබන ස්වේච්ඡා සංවිධානයක් පිහිටුවීය. එයින් කරන ලද මෙහෙවර උදෙසා 2007 වසරේ ඔහුට නොබෙල් තැග්ග හිමිවී ඇත. ලියන ලද කෘතියකට ග්රැමී සාහිත්ය සම්මානය ද, එයින් නිර්මාණය කරන ලද සිනමා පටයකට ඔස්කා සම්මානය ද හිමිවීම විශේෂත්වයකි. පසුගියදා ඇල් ගෝ තවත් ග්රන්ථයක් The Future: Six Drivers of Global Change නමින් පළ කරමින් ලෝකය වෙනස් කරන ධාවකයන් හයක් ඇතැයි අනාවරණය කළේය. ජාත්යන්තර සමාජය වේගයෙන් වෙනස් වෙමින් තිබේ. සිය වසරකට වැඩි කාලයක් ගත විය හැකිව තිබූ වෙනස්කම් ඇති කරන්නට පසුගිය දශකය තුළ හැකියාව ලැබී ඇත. අද පවතින ස්වභාවයට වඩා ඉතා සංකීර්ණ මෙවලම් සහිත යුගයකට අප ගේ ඉදිරි පරම්පරාව ප්රවේශවන බවට සැකයක් නැත. මෙම දියුණුව සම්බන්ධයෙන් අනාවැකි ප්රකාශ කිරිමට පවා කාලයක් නැති තරමට ඉක්මනින් වෙනස සිදුවෙමින් පවතී. මෙම වෙනස්කම් සමග ජන සමාජය ගෝලීයකරණයට ලක්වන අතර රටවල් හා දේශ සීමා රහිත ගෝලීයකරණ සමාජයක් බිහිවෙමින් තිබේ. ශ්රී ලංකාවට එවැනි පසුබිමකින් ඈත් විය නොහැකිය. මෙරට ජනගහනයෙන් සියයට දහයකට වැඩි කොටසක් ලෝකය පුරා විහිදී විසිරී සිටිති. එක රටක සිදුවන දේ අනෙක් සමාජය තුළට එකතුවන ආකාරය කැපී පෙනෙයි. එවැනි පසුබිමක ඇල් ගෝ මතු කරන ලෝකය වෙනස් කරන අලූත් ආකාර හය කුමක් දැයි විමසා බැලිම වැදගත්ය. ඔහුට අනුව ආර්ථික ගෝලීයකරණය එයින් ප්රධානය. අද පවතින ආර්ථික රාමුව ලෝකය පරිවර්තනයකට ලක්කරන ප්රබල සාධකයකි. වර්තමානය එකම සැපයුම් ජාලයකි. නිෂ්පාදනය සිදුවන්නේ රටවල දේශ සීමා පදනම් කරගෙන නොවේ. මතක ඇති කාලයේ රටක යම් දෙයක් නිපදවන විට අමු ද්රව්ය, තාක්ෂණය සහ සේවා අංශ එක තැනක පිහිටුවා තිබිණ. දැන් එක් එක් තැන එකලස් කරන කොටස් සම්පූර්ණයෙන් නිම කරන ලද ඒකකයක් බවට පත් කරන්නේ තවත් රටකය. නිෂ්පාදනයක අයිතිය එක රටකට සීමා නොවේ. වාහනයක් නිපදවන විට එහි කොටස් එකිනෙක සකස් වන්නේ ඒ සදහා සම්පත් ඇති සහ අඩුම වියදමකින් එය කළ හැකි තැනෙකය. විකිණෙන්නේ වෙන රටකය. නිපදවන සමාගමේ අයිතිය තවත් රටක වන අතර අවශ්ය ප්රාග්ධනය රටවල් කිහිපයක බැංකු වලින් සපයා ගෙන ඇති බව පෙනේ. මෙවැනි ගෝලීය ආර්ථිකයක් ලෝකය පවතින ස්වභාවයෙන් වෙනස් කරන බව අවබෝධ කර ගැනීම අපහසු නොවේ. ජාතිකත්වය නොඑසේනම් රටවල අනන්ය ලක්ෂණ මෙ මගින් පාලනයකට ලක්වෙයි. දෙවනුව ලෝකය වෙනස් කිරීමට බලපා ඇත්තේ ක්ෂණික තොරතුරු හුවමාරුවයි. රටවල් අතර පණිවුඩයක් යවන්නට දුම් නැව එකම අවස්ථාව වූ යුගය වැඩි ඈතක නොවේ. ගුවන් යානයකින් හෝ ඉන් පසුව ටෙලි ග්රාෆ් වැනි ක්රමයකින් සිදුවූ පණිවුඩ හුවමාරුව වැඩි පහසුකම් නැති දුරකථනයකට පැවරුණ කාලය ඉතා මෑතක විය. දැන් අන්තර් ජාලය හා විද්යුත් තැපෑල තොරතුරු හුවමාරුව ඉතා වේගවත් කර තිබේ. පණිවුඩයක් ලැබෙන තෙක් මාස ගණන් බලා සිටි පුද්ගලයෙකුට ලෝකයේ කෙළවරක සිට තොරතුරක් හුවමාරු කරගන්නට වැඩි වේලාවක් ගතවන්නේ නැත. එය ලෝකය පරිවර්තනය කළ විප්ලවයකි. ඇල් ගෝ දක්වන ආකාරයට ලෝකය වෙනස් කරන්නට බලපෑ තුන් වැනි කාරණය ලෝක බල තුලනයේ වෙනස්කමයි. අමෙරිකාව ලෝක බලවතා බවට පිළිගැනීමක් තිබිණ. ලෝකයේ හැඩරුව අනුව බටහිර කලාපය ප්රමුඛ තැනෙක් ගත්තේය. නමුත් දැන් ලෝකයේ බලවත් බව ආසියාවට පැතිරෙමින් තිබේ. ආර්ථිකය සහ වෙළද පොල අතින් ඇමෙරිකාව තවමත් ප්රධාන තැනෙක සිටින නමුත් ඉන්දියාව හා චීනය ඇතුළු නැගෙනහිර කලාපය ක්රමයෙන් එය අත්පත් කර ගනිමින් සිටී. පවතින රාමුව වෙනස් කරන්නට එය විශාල සාධකයකි. හතර වැනිව දක්වන්නේ වර්ධනය යන සාධකයයි. ආර්ථිකය සහ දේශපාලනය විශාල වර්ධනයක් දක්වා තිබේ. ජනගහනය ද එසේය. කවර ආකාරයෙන් තක්සේරු කළත් මෑත කාලය තුළ ලෝකයේ සෑම රටක්ම වේගවත් වර්ධනයක් දක්වා තිබේ. ඇතැම් රටවල ආර්ථිකය දෙගුණ වන්නට ගතවී ඇත්තේ ඉතා කෙටි කාලයකි. දේශපාලන වශයෙන් ද එම වර්ධනය කැපී පෙනෙයි. ආර්ථිකය වෙනස්වන විට පාලන ක්රමය ද එයට සමාන්තරව දියුණු වී තිබේ. ජනගහනය ද වර්ධනයකි. මෙම වර්ධනය හමුවේ සම්පත් සොයා ගැනීම හා ප්රයෝජනයට ගැනීම ද තරගකාරී ලෙස දියුණුවන බව පෙනේ. තරගකාරීත්වය වර්ධනයවීම හමුවේ ජගත් ප්රජාවට අලූත් අවස්ථා ද බිහිවන්නට පටන්ගෙන ඇත. පවතින සම්පත් උපරිම ආකාරයට ප්රයෝජනයට ගැනෙන ආකාරය ගැන හිතන්නට පටන්ගෙන ඇත. මෑත කාලය තෙක් ලෝකයේ වාහන අයිතිය තිබුණේ සීමිත පිරිසකටය. නමුත් කවර හෝ ආකාරයේ වාහනයක් හිමි පවුල් ලෝකයේ බහුල වෙමින් තිබේ. එය වර්ධනයකි. එම වර්ධනය හමුවේ නිපැයුමේ සිට පාරිභෝජනය දක්වා විශාල වර්ධනයක් සිදුව ඇත. ජාන තාක්ෂණය පස්වැනි කරුණයි. වෛද්ය විද්යාවේ සොයා ගැනීම් හමුවේ ස්වභාවික රීතිය වෙනස් ව තිබේ. ජාන වෙනස් කිරීමෙන් නිෂ්පාදනය වැඩි කිරීමේ සිට ඒ හා සමාන කාබන් පිටපත් වැනි සතුන් හා ගහ කොළ නිපදවන්නට ද මිනිසුන් සමත්ව ඇත. කෘෂිකර්මය සත්ව පාලනය වැනි පැති වලට දඑය බලපා තිබේ. ලෝකය වෙනස් කරන්නට බලපා ඇති මවිත කරන කරුණකි. ඉදිරියේ දී එය තවත් ප්රසාරණය වනු ඇති අතර ගෝලීයකරණයට ලක් වූ ජාත්යන්තරය මහත් පෙරැුළියකට මුහුණ පාන බව නිසැකය. ඇතැම් අංශවල දියුණු රටවලට පමණක් සීමාවී ඇති ජාන තාක්ෂණය ලොව පුරා සුලබ යාන්ත්රණයක් වනු නිසැකය. ඇල් ගෝ සිය හය වැනි කරුණ ලෙස දක්වන්නේ මිනිසා සහ පරිසරය යන කරුණයි. මිනිසාගේ බලපෑමෙන් පරිසරය වේගයෙන් වෙනස් වන්නට පටන් ගෙන ඇත. එහි ඵල විපාක ලෝකයට අත්විදින්නට සිදුව තිබේ. පරිසරය නොතකා ක්රියාකිරීම හමුවේ ස්වභාවිකත්වය අභියෝගයට ලක්ව ඇත. සංවර්ඡුනය හමුවේ ධරණී තලයේ ජල චක්රය විකෘති වී ඇති බව අනාවරණය වෙයි. එය අධික වැසි සහ දිග නියං වකවානු ඇතිකරන්නටහේතු වී ඇත. ලෝකය වෙනදා නො ඇසූ සුනාමි, සුළි සුලං, භූමි කම්පා හා ටොනාඩෝ අද නොයෙක් තැනින් වාර්තා වෙයි. තාක්ෂණික සහ යාන්ත්රික වශයෙන් දියුණු වී ඇති නමුත් ඉදිරියේ දී යුද්ධයක් ඇතිවුවහොත් එය පිරිසිදු ජලය වෙනුවෙන් යැයි උපකල්පනය කරන තරමට ස්වභාවික පරිසර සාධක ජන ජීවිතයට බලපාන බව අනාවරණය වෙමින් තිබේ. මෙම කරුණු හය ලෝකය වෙනස් කරන ප්රධාන සාධක බව ඇල් ගෝ රචනා කරන ලද කෘතියේ පදනමයි. ප්රජාතන්ත්රවාදය හා විවෘත ආර්ථකය ජගත් ප්රජාවට විශාල මෙහෙවරක් කර ඇති බව පිළිගන්නා හෙතෙම එයට විකල්ප සාර්ථක ක්රම තවමත් ඉදිරිපත්ව නැති බව පෙන්වා දෙයි. නමුත් මෙම ක්රම දැනට පවතින්නේ විකෘති ස්වභාවයකින් බව ද ඇල් ගෝ ගේ අදහසයි. ප්රජාතන්ත්රවාදය සමාජය පාලනය කරන ජන සම්මතවාදී නියෝජනය නමුත් එය අද විකෘතියට ලක්ව ඇත. විවෘත ආර්ථික ක්රමයෙන් සෑම පුද්ගලයෙකුටමසමාන අවස්ථා සැපයෙනු ඇතැයි අපේක්ෂා කළ නමුත් එය යථාර්ථයක්වූයේ සීමිත කාලයකටය. ප්රජාතන්ත්රවාදයේ නමින් බලය තහවුරු කර ගැනීමට නොයෙකුත් විධාන ඇති කරගන්නට පාලකයන් සමත් වී ඇති අතරම විවෘත ආර්ථිකයේ මුවාවෙන් ධනය ඉපැයීමේ අනවරත කැමැත්තට ද බලය එකතු වී තිබේ. ප්රජාතන්ත්රවාදය දියුණු සමාජ වල පවා මැද පන්තිය අපේක්ෂා භංගත්වයට පත්ව තිබේ. තමන්ට යම් වෙනසක් කරන්නට නොහැකි යැයි සිතන්නට පටන්ගෙන ඇත. මුල් කාලයේ දී සමාජ පරිවර්තනයක් ඇතිකරන්නට මැද පැලැන්තියේ ජනතාවගේ ධෛර්යය හා ආත්ම ශක්තිය මහගු ලෙස උපයෝගී විය. බුද්ධිමත් ජන කොටස ජනමත ඇති කළේය. නායකයන් තීන්දු ගත්තේ බුද්ධිමත් ජන කොටස ඉදිරිපත් කරන නිර්වචන පදනම් කරගෙනය. ඇල් ගෝ අවසාන වශයෙන් පෙන්වන්නේ නිෂ්පාදනය වැඩි කරන්නට, ධනය බිහිකරන්නට ක්රමය ඉවහල් වූ නමුත් කෙටි කාලීන බලාපොරොත්තු ඇති කිරීමෙන් එය නිස්සාරත්වයට පත්ව ඇති බවයි. තාක්ෂණික යුගය මෙම තත්ත්වය යළි ආපසු හැරවීමට ඇති එක්තරා අවස්ථාවකි. අන්තර් ජාලය ප්රයෝජනයට ගෙන මහජනතාව සෘජු ප්රජාතන්ත්රවාදය ට නැඹුරු කළ හැකිය. එය නායකයන් ගේ වගකීමකි. ප්රජාතන්ත්රවාදයේ සහ විවෘත ආර්ථිකයේ බලය අපේක්ෂා නොකළ පිරිසක් අතට පත්වීමෙන් පැවති ශිෂ්ඨාචාරය වෙනස් වී තිබේ. ලෝකය වෙනස් කරන්නට බලපාන ප්රධාන බල සාධක හය ඇසුරු කරගෙන යහපත් පරිවර්තනයකට මග පාදා ගැනීම සමාජයේ වගකීමයි. ඇති වෙමින් පවතින ප්රවනතාව අනුව ගමන තේරුම් ගන්නා සමාජයකට විශාල සාර්ථකත්වයක් අත් පත් කර ගත හැකිය. එය නොතකා නොසලකා අත්තනෝමතික ආකාරයකට ගමන් කරන සමාජයකට මහා ඛේදවාචකයකට මුහුණ දෙන්නට සිදුවෙයි. එය තීරණය වන්නේ සමාජයේ ඉදිරියෙන් සිටින නායකයන්ගේ දැක්ම අනුවය. ඇල් ගෝ වැනි ජේ්යෂ්ට නායකයින් දක්වන මත ජාත්යන්තර සමාජය නිර්නායක සේ සාකච්ඡාවට ගනී. එවැනි පණිවුඩ අප සමාජයට ද ගලපා ගැනීම වටී. පසුගිය දශක කිහිපය තුළ සමාජය දියුණු වී ඇත. පණිවුඩ හුවමාරුව, වර්ධනය හා ජාන තාක්ෂණය රටට අත්දැකීම් ගෙන දී තිබේ. මිනිස් ක්රියාකාරකම් සහ පරිසරය ද රටට නිසි අනතුරු ඇගවීම කර තිබේ. පුළුල් දැක්මක් ඇති නායකයන්ට අනාගතය උදෙසා පවතිනවා ද නොඑසේනම් අන්ධකාරය කරා සමාජය කැදවාගෙන යනවා දැයි තීරණය කළ හැකිය. සමාජයට අදීන බුද්ධිවන්තයන් බිහි කළ මධ්යම පැලැන්තිය නිහඩවීම එය ඉක්මන් කරන සාධකයක් බව අවබෝධ කරගත හැකිය. මේ ගැන ඔබගේ අදහස මෙම ඊ-තැපැල් ලිපිනය spambots ගෙන් සුරක්ෂිත කොට ඇත. මෙය බැලීම සදහා ඔබට JavaScript සක්රීය කිරීම අවශ්යවේ මගින් සංවාදයට යොමු කළ හැකිය. |
ධෛර්යවන්ත මිනිසුන්ට අනාගතයක් හිමි නිදහස් රටක්
| 03/02/2013 - ඉරිදා ලංකාදීප | |
| මිලින්ද මොරගොඩ | |
|
ශ්රී ලංකාව නිදහස්, ස්වෛරී රාජ්යයක් බවට පත්ව අවුරුදු හැට පහක් සම්පූර්ණ වෙයි. ඉකුත් කාලය තුළ ආපසු හැරී බලා එයින් අත්දැකීම් ලැබ අනාගතය වෙත බලාපොරොත්තු සහගත ගමනක් යාමට කාලය උදා වී තිබේ. ගැටුම් හා ප්රචණ්ඩත්වය හෙයින් පසුගිය කාලයෙන් අවුරුදු තිහක් රටට අහිමි විය. එය පරම්පරා දෙකක සමාජ සැලසුම් බරපතල ලෙස විනාශයට පත්වීමකි. වරද සිදුවුයේ කොතැනක දැයි ප්රශ්න කිරීම පහසුය. ආර්ථික සහ සංස්කෘතික වශයෙන් සිදුවූ හානිය තක්සේරු කිරීම අපහසුය. චෝදනා කිරීමෙන් පලක් නැත. පසුගිය කාලය තුළ නිවැරදිව ක්රියාකළ අවස්ථා කොතැන ද හා සමාජයට ගමන් මග වැරැදුන තැන ගැන සමාලෝචනයක නිරතවීම අවශ්යය. යටත් විජිතයක්ව තිබිය දී, වැවිලි ආර්ථිකයට ප්රමුඛස්ථානයක් හිමිව තිබිණ. තේ, රබර් සහ පොල් එවකට මෙරට කෘෂිකර්මයේ විනිමය උපයන ප්රධාන ක්ෂේත්ර විය. නිදහස ලබන වකවානුවේ ලෝක වෙළෙද පොලේ රබර් මිල ඉහළ මට්ටමක පැවතීම රටට වාසිදායක පසුබිමක් සැකසීය. ආර්ථික සශ්රීකත්වය පැවති එම කාලයේ දී ආණ්ඩු, රජයේ වියදමින් අධ්යාපනය, සෞඛ්ය, ප්රවාහනය, ආහාර ඇතුළු නොයෙකුත් මහජන අවශ්යතා වෙනුවෙන් සහනාධාර ක්රම අනුගමනය කළේය. මහජනතාවට රජය සපයන ලද සේවා හෙයින් ජීවිතය එතරම් අපහසු එකක් වූයේ නැත. ආර්ථිකය තුළ ප්රශ්න මතුවීම සහ ජාත්යන්තර වෙළදාමේ සිදුවන වෙනස්කම් වලට ක්ෂණිකව අනුගත නොවීමේ ප්රතිඵලයක් වශයෙන් රටට සහ මහජනතාවට නොයෙකුත් ප්රශ්න වලට මුහුණ දෙන්නට සිදුවිය. සහල් මිල වැඩිවන විට, අධ්යාපන හා සෞඛ්ය වියදම් කපා හරින විට මහජනතාව නොසන්සුන් වූ බව ඉතිහාසය කියයි. ජීවන වියදම වැඩි වී රුකී රක්ෂාහි`ගවන විට ආණ්ඩුවලට එරෙහිව මහජනතාව නැගී සිටි අතර ප්රජාතන්ත්රවාදය ආරක්ෂා කර ගැනීම උදෙසා කැරළි මර්දනය කර සන්සුන් තත්ත්වයකට මග පාදා ගැනීම පාලකයන්ගේ වෑයම වූ බව පෙනේ. පවතින ක්රමය වෙනස් කිරීමෙන් අලූත් යුගයකට මග පාදා ගත හැකි බවට තර්ක කරමින් නැගුන මතවාද තුළ ශ්රී ලංකාවේ ගමන් මග නොයෙකුත් ගැටලූවලට මුහුණ දුන් බව පැහැදිලිය. සමාජ සම්මතය අනුව ක්රමය වෙනස් කිරීම පහසු නැති බව පෙනෙන විට අවිගත් කැරළි සහ ප්රචණ්ඩ ත්රස්තවාදය පැතිරිණ. දස දහස් ගණනක් ජීවිත රටට අහිමිවිය. විනාශ වූ දේපොල ප්රමාණය මහත්ය. එකී කාල පරිච්ෙඡ්දය අවසන්ව ඇති වර්තමානයෙහි මෙරට ආර්ථිකයේ මර්මස්ථාන බවට පත්ව ඇත්තේ විදේශගත ශ්රී ලාංකිකයන් එවන ධනය, ඇ`ගලූම් කර්මාන්තය සහ තේ අපනයනයයි. කර්මාන්ත සහ වෙළ`ද පොළ ස`දහා අවශ්ය දේ අපනයනය කරන ලද ශ්රී ලංකාව සේවා ආර්ථිකයක් ඇති රටක් බවට පරිවර්තනය වී ඇත. සේවා ආර්ථිකයේ විශාලම කොටස හිමිව ඇත්තේ විදේශගත ශ්රමයටය. මෑත කාලීනව මහත් ආන්දෝලනයකට ලක්වූ මරන ද`ඩුවමට ලක්වූ රිසානා නමැති කාන්තාවගේ සිද්ධිය එහි එක් ඉරණමක් දක්වයි. මැදපෙරදිග හා සෙසු රටවලින් මෙරට ශ්රමිකයන් ගැන ඇසෙන ශෝකාකූල කතා අතර එය එකක් පමණකි. මෙරට දරු පවුල් ආරක්ෂා කරන්නට පිටරට යන දෙමවුපියන් නිසා දරුවන් ද, කුටුම්බ ජීවිත ද ඛේදවාචකයකට ලක්ව තිබේ. දරුවන් නිසා පිටරට යන මවුවරුන් හමුවේ මෙරට ළමා පරපුරෙන් සැලකිය යුතු කොටසක් අතරමං ව සිටී. ඇ`ගලූම් කර්මාන්තය ශුද්ධ විදේශ විනිමය උපයන එකක් නොවේ. කර්මාන්තය වෙනුවෙන් අවශ්ය තාක්ෂණය හා අමු ද්රව්ය වෙනුවෙන් එතෙරට යන ධනය සැලකිය යුතු තරම්ය. නිසි අවස්ථාවේ දී රටට ගැලපෙන ආර්ථික තීන්දු ගන්නට හැකියාව ලැබුණේ නම් ගැටුම් හා ත්රස්තවාදය පැතිරෙන්නේ නැත. රට වැසියන්ට වෙනත් රටවලට ගොස් දුකසේ හරි හම්බ කරන්නට සිදුවන්නේ ද නැත. එවැනි පරිවර්තනයක් තිබුණේ නම් වත්මන් ශ්රී ලාංකිකයෝ දියුණු ආර්ථික ජයග්රහණයක කොටස්කරුවන් වන බව නිසැකය. සංචාරක ව්යාපාරයේ වර්ධනයෙන් ලැබෙන විශාල ආදායමෙන් එය විය හැකිය. නොඑසේනම් තොරතුරු තාක්ෂණය වැනි දියුණුවන අවස්ථාවකින්ය. එවැනි වටිනා අවස්ථා අර්ථවත් ලෙස උපයෝගී කර ගන්නට රටට ඉඩ නොලැබිණ. එහෙයින් අද රටට වැඩිම විදේශ විනිමය ප්රමාණයක් උපයන්නේ මැද පෙරදිග ඇතුළු නොයෙක් රටවල දුශ්කරතා වි`දිමින් සේවය කරන ලාංකිකයන්ය. මෙය නූතන වහල් සේවාවකි. රට තුළ රැකියාවක් සොයා ගැනීමට නොලැබුණ සහ තම පවුල දුක් කරදර වලින් මුදවාගෙන අලූත් ජීවිතයකට ඇතුල් කරන අදහසින් නොයෙකුත් දෙනා විදේශ රැකියා ස`දහා පිටත්ව ගොස් තිබේ. ඔවුන් ගත කරන්නේ සැපවත් ජීවිත නොවේ. සංචාරක කර්මාන්තය දියුණු වූයේ නම් මෙලෙස විදේශයන්ට මෙරට මානව සම්පත යොමු නොවන බව නිසැකය. නමුත් දැනට එතෙර ගොස් සිටින දස ලක්ෂයක් තරම් වන ලාංකික ශ්රමිකයන් හෙයින් රට තුළ විශාල ආදායම් මාර්ගයක් මතුව ඇති අතරම සමාජය විකෘති කරන ගැටලූ ගණනාවක් ද ඇතිකර තිබේ. නුපුහුණු ශ්රමය හෙයින් වැඩි වැටුපක් ලැබෙන්නේ නැත. ලැබෙන රැකියා මාර්ග වැඩි කොටසක් ද පහල මට්ටමේ ඒවාය. මග හැරී ගිය අවස්ථා යළි උදා කර ගන්නට නම් ප්රමිති සහ සැලසුම් අවශ්යය. මැද පෙරදිග ශෝකාන්ත වාර්තා වූ වහාම විදේශ රටවලට යැවීම නතර කිරීම එකම උත්තරය නොවේ. ලෝකයේ වෙනත් රටවල් එයට මුහුණ දී ඇති අයුරු විමසා බැලිය යුතුය. පිලිපීනය සහ ඉන්දියාවේ කේරළ ප්රාන්තය හෙද සේවාව ශ්රමිකයන් සපයයි. එය විශේෂිත පුහුණුවක් ඇති ආදායම් මාර්ගයකි. හො`දින් පුහුණුව ලත් හෙද හෙදියන් මැද පෙරදිග පමණක් නොව යුරෝපයට ද යැවීමෙන් විශාල ආදායමක් සහ වෘත්තීය ගරුත්වයක් දිනා ගෙන ඇත. ශ්රී ලාංකික කාන්තාවන් හෙද සේවයට පුහුණු කළ හැකිය. ආණ්ඩුවට පමණක් නොහැකි නම් පුද්ගලික අංශයට ද අවස්ථාව දිය හැකිය. නමුත් සමාජය සිතන පතන ආකාරය පටුය. ''ලංකාවේ සංචාරක හෝටලයක සේවය කරන්නට අකැමැති නොයෙකුත් දෙනා මැදපෙරදිග රටක බැල මෙහෙවර කරන්නට කැමතිය''. ''ආණ්ඩුවට පුහුණුව දෙන්නට නොහැකිනම් පුද්ගලික අංශයට එය විවෘත කිරීම නුසුදුසුය''. මෙවැනි ආකල්ප ඇති තාක් රට තුළ යම් පරිවර්තනයක් කරන්නට හැකියාවක් නැත. ආකල්ප වෙනස්කළ යුතු පාසලේ පන්ති කාමරයේ සිටය. බි්රතාන්යයේ කම්කරු විලප්ලවය සිදුවන්නට කලින් 1800 ගණන් වල තිබුණ ආකල්ප අද තවමත් මෙරට පවතී. එදා බි්රතාන්ය සමාජයේ වැදගතුන් ලෙස හැසිරුණේ වැඩකරන ජනතාව නොවේ. අත් වල මඩ හෝ දැලි නැති ටයි පැළැ`දි සුළු පිරිසක්ය. ආණ්ඩුවට සේවය කළ එම පරිපාලන පෙලැන්තිය වැඩකරන ජනතාවට වඩා ඉහළින් සිටියේය. අද එසේ නැත. ශ්රමයට ගරුත්වයක් ලැබී තිබේ. අප රටේ ද එම ආකල්ප වෙනස ඇති විය යුතුය. පාසල් අධ්යාපනයේ දී ශ්රමාභිමානය, වෘත්තීය පුහුණුව යන ආකල්ප ඇතිකර දරුවන් ව්යවසායකත්වයට නැඹුරු කිරීමට හැකිවන ආකාරයේ අධ්යාපන ක්රමයක් රටට අවශ්යය. වැඩ කිරීමෙන් ධනය ඉපැයිය යුතුය. කරන සේවය අනුව ගරුත්වය හිමිවන සමාජයකින් රටට පැවැත්ම ඇතිවෙයි. වර්තමාන අධ්යාපනයේ දී කොටසක් ඉහළටම නැගෙන අතර තවත් කොටසක් සමාජයේ අතරමංවෙයි. එම පිරිස තම අනාගතය සකස්කර ගන්නට නම් රජයේ සේවයට ඇතුළු වන්නට වෙර දරයි. එය ධනය උත්පාදනය නොකරන සේවා තැනෙකි. රජයට ඇතුළු වීමෙන් වැඩි සේවයක් සිදුවන්නේ නම් රාජ්ය සේවය ගැන මහජනතාවට සතුටක් තිබිය යුතුය. නමුත් එසේ නැත. මහජනතාව අතෘප්තියට පත් කරන රජයේ සේවය යැපෙන්නේ ජනතාවගේ බදු වලින්ය. රජයේ සේවයට එකතු වනන්ට ඉඩ නැති පිරිස විදේශ රටවල රැකියා වලට යයි. එවැනි ආර්ථිකයකින් රට දියුණු කරන්නට නොහැකිය. අධ්යාපනයට කරන ආයෝජනය නිවැරදිම එකක් නොවන බව මෙයින් පැහැදිලිය. දියුණු වන අතර දරුවන්ට බාල වියේ සිටම රටට වැඩදායක වෘත්තියකට ඇතුළු වන්නට මග පාදන ආකල්ප වෙනසක් ඇතිකරන රාමුවක් අද අවශ්යව තිබේ. එය කළ හැක්කේ වැඩ කරන ජනතාවට රට තුළ නිසි පිළිගැනීමක් ඇති කිරීමෙන්ය. මෙරට වෘත්තියක නිරත වන්නට අකමැති පිරිසක් පිටරටක ගොස් නොපෙනෙන්නට ස්වකීය ආත්ම ගරුත්වයට ද හානි වන ආකාරයේ දුෂ්කර රැකියා කිරීම යුක්ති සහගත නැත. එසේ කරන රැකියා වලින් උපයන ධනය රටේ ඉහළම විනිමය උල්පත වීම කනස්සල්ලට හේතුවකි. රට තුළ ව්යවසායකත්වය ඇතිවන්නේ නම් කෘෂිකර්මය, ධීවර කර්මාන්තය වඩා හා මේසන් වැනි කර්මාන්ත අභිමානවත් වෘත්තීන් බවට පත් කළ හැකි නම් රට තුළ දැනට පවතින ගැටලූ වලට විස`දුමක් ලැබෙනු නිසැකය. මේ ගැන ඔබගේ අදහස මෙම ඊ-තැපැල් ලිපිනය spambots ගෙන් සුරක්ෂිත කොට ඇත. මෙය බැලීම සදහා ඔබට JavaScript සක්රීය කිරීම අවශ්යවේ මගින් සංවාදයට යොමු කළ හැකිය. |
සෞඛ්ය ක්ෂේත්රය ආශ්රිතව ලොව පැතිරෙන නව ප්රවනතා
| 20/01/2013 - ඉරිදා ලංකාදීප | |
| - මිලින්ද මොරගොඩ | |
|
මතක ඇති අතීතයේ නොතිබුණ රෝග හා ව්යාධි අද සමාජයේ බහුලය. වෛද්ය තාක්ෂණයේ වත්මන් දියුණූව නිසා නව රෝග කාරක තත්ත්ව සොයාගෙන ඇති යැයි තර්කයක් තිබෙන්නට බැරි නැත. නමුත් තාක්ෂණය දියුණු වෙමින් පැවතියත් අලූත් අලූත් රෝග දිනපතා අසන්නට දකින්නට ලැබෙයි. ඒවායේ ප්රතිකාර සදහා විවිධ ඖෂධ වර්ග පාවිච්චිය වේගවත් ලෙස වර්ධනය වෙමින් තිබේ. ජාත්යන්තරය දෙස බලන විට සෞඛ්ය හා සනීපාරක්ෂාව සම්බන්ධයෙන් නව තාක්ෂණය දියුණු වෙමින් තිබේ. මේ සඳහා ලොව පුරා රටවල් හා සමාගම් ආයෝජනය කරන ධනස්කන්ධය අති විශාලය. ශ්රී ලංකාවේ සෞඛ්ය පහසුකම් හා ජනතාව එයට ගෙවන මිල සම්බන්ධව විශාල අවධානයක් මතු වෙමින් තිබේ. නිදහස ලැබූ වකවානුවේ සිට මෙරට ජනතාවට නොමිලේ සෞඛ්ය පහසුකම් සැපයෙයි. මෑතක සිට පුද්ගලික අංශයේ සෞඛ්ය සේවාව පැතිරෙමින් ඇති නමුදු ආණ්ඩුව නොමිලේ සපයන රෝහල් සහ සත්කාරක සේවා හෙයින් රටට හා ජනතාවට විශාල සේවාවක් සිදුව තිබේ. ජනතාවගේ නීරෝගී බව, උපත් හා මරණ අනුපාත අඩුවී දීර්ඝායුෂ ලැබීම එහි ප්රතිඵලයකි. දියුණු වෙමින් පවතින සෙසු රටවලට සාපේක්ෂව මෙරට මන්ද පොෂණය අඩුය. බෝවෙන රෝග තත්ත්ව යම් පාලනයක් තිබේ. අඩු බර දරු උපත් වලකන සහ මවුවරුන්ගේ සෞඛ්ය ප්රශ්න වලට සැපයෙන සේවා සැලකිය යුතු උසස් මට්ටමක තිබේ. එකී ප්රමිතීන් රට තුළ තහවුරු වූයේ ආණ්ඩුව වාර්ෂිකව සෞඛ්ය සේවය වෙනුවෙන් වැය කරන මුදල් හෙයින් බව පිළිගත යුතුය. එසේ නමුත් අප රට තුළ ඇති වෛද්ය පහසුකම් සහ සෞඛ්ය සම්බන්ධ ප්රතිපත්ති කාලානුරූපව වෙනස් කරන්නට අවධානය යොමුකළ යුතුය. එසේ කළ යුතු ඇයි? නූතනව සොයාගන්නා අලූත් වෛද්ය විද්යාත්මක දැනුම මවිත කරවන සුලූය. ඇතැම් දියුණු රටවල සැත්කම් කරන්නටකලින් එය කළ යුතු මිනිස් අතකින්ද නොඑසේනම් රොබෝ තාක්ෂණයෙන් දැයි රෝගියාගෙන් අසන තරමට වෛද්ය විද්යාව දියුණු වී ඇත. තවත් රටක සිටින වෛද්යවරයෙකු පරිගණක තාක්ෂණය හමග සම්බන්ධවී වෙනත් රටක රොා්හලක සැත්කම් කාමරයේ සිදුවන දෙයට උපදෙස් දෙන මට්ටමට එය දියුණුය. උපදින්නට කලින් මව්කුස සිටින කලලය ස්කෑන් කර එම දරුවාගේ අනාගත රෝග විනිශ්චය කර රෝ දුක් නිවාරණයට තරම් ඇතැම් රටවල වෛද්ය ක්රම දියුණුය. තවත් අවස්ථාවක ජාන තාක්ෂණය අනුව උපදින දරුවාගේ සියලූ හැඩ රුව හා ගති සිරිත් පාලනය කරන්නට දියුණු රටවල් සමත්ව ඇත. විද්යාව පරිවර්තනය වන ආකාරය අනුව මීළඟ දශක කිහිපය තුළ මිනිසුන් සම්බන්ධ ඉරණම තීන්දු කරන ප්රධාන බලවේගය වෛද්ය විද්යාවයි. අනෙක් පැත්තෙන් බෝ වෙන රෝග වලට වඩා වෙනත් ශාරීරික ආබාධ සහ මරණ ප්රමාණය රට තුළ ඉහළ ගොස් තිබේ. ආහාර සම්බන්ධව අවධානය ජනතාවගෙන් ගිලිහී ඇත. නාගරිකව වෙසෙන පිරිස නිසි ව්යායාම ගැන සැලකිල්ලක් නැත. මෑතක සිට රජය නාගරික සංවර්ධනයේ දී ජනතාවගේ සෞඛ්යයට හේතුවන ආකාරයට ඇවිදීමේ මංතීරු තන්නන්ට සහ හරිත කලාප ඇති කරන්නට පෙළැඹී තිබේ. දිනපතා යම් කාලයක් ව්යායාම වලට වෙන් කිරීමෙන් නොයෙකුත් බරපතල රෝග වලින් අත් මිදෙන්නට හැකියාව ඇත. ඇමරිකාව සිංගප්පූරුව වැනි රටවල් මහජනතාවගේ ආහාර පාන පාලනයට සහ විශේෂයෙන් දරුවන් හා තරුණ පරපුර පොළඹවන ප්රචාරක කටයුතු වලට නීති පනවයි. එයින් අපේක්ෂා කරන්නේ රට තුළ නිසි සෞඛ්ය තත්ත්ව පවත්වාගෙන යාමය. වෛද්ය විද්යාවේ නිති පතා අලූත් සොයා ගැනීම වලින් දියුණූවට පත්වෙයි. ශ්රී ලංකාව වැනි රටකට එම පහසුකම් කාන්දු වන්නට ගතවන කාලයක් ගතවෙයි. අලූත් ඖෂධයක් සොයාගන්නට කරන වියදම විශාලය. එම ඔසුව සොයා ගත් වහා එහි මිල ගණන් ඉහළය. අප වැනි රටවලට එහි මිල ඔරොත්තු දෙන්නේ නැත. වෛද්ය විද්යාවේ දියුණුව සම්බන්ධ තොරතුරු, විවිධ ප්රතිකාර ක්රම හා ඖෂධ සම්බන්ධයෙන් වාර්තා ලැබුණ පමණින් මෙරට වැසියන්ට එහි ප්රයෝජන ලැබෙන්නේ නැත. මෙරට සෞඛ්ය අංශ ලෝකයේ දියුණූවට සමාන්තරව ගමන් කරන්නට තරම් ශක්තිමත් බවක් නැත. අද සොයා ගන්නා වෛද්ය විද්යාත්මක ශිල්ප මෙරටට ලැබෙන්නට අවුරුදු ගණනාවක් ගතවෙයි. නමුත් කාලයක් යන විය සොයා ගැනීමට කළ වියදම ප්රතිපූර්ණයවිමෙන් ඖෂධයේ මිල ගණන් අඩුවෙයි. දුප්පත් රටවලට එතෙක් ඉවසා සිට්ට්නට සිදුවන අතර වෛද්ය විද්යාවේ ඇති අසාධාරණය එයයි. එමෙන්ම ජාත්යන්තරයේ සිදුවන මෙකී දියුණු වෙනස් වීම් වලින් ඈත්ව සිටින්නට හැකියාවක් ඇතැයි කල්පනා කිරීම ද සාධාරණ නැත. දිනපතාම පාහේ හදවත් සැත්කම්, වකුගඩු බද්ධ කිරීම් හො වෙනත් බරපතල පීඩාවන්ගෙන් පෙළෙන රෝගීන්ගේ ඥාතීන් ප්රතිකාර පතා කරන ආයාචනා දකින්නට අසන්නට ලැබේ. මෙම ප්රතිකාර වලට අධික මුදලක් වැය වෙයි. රජයේ රෝහල් වල මේ සඳහා තාක්ෂණය ඇත. අති දක්ෂ වෛද්යවරුද සිටිති. නමුත් මෙම පහසුකම් ප්රමාණාත්මක නැත. මැතක සිට විකල්පයක් වශයෙන් පෞද්ගලික අංශයේ සෞඛ්ය සේවාවන් ද තිබේ. පුද්ගලික අංශයේ එම ආයතන අයකරන මිල ගෙවා ජීවිත බේරා ගන්නට අවස්ථාව ඇත්තේ සමාජයේ සීමිත පිරිසකට පමණකි. වෙනත් රටවල මෙලෙස මුදල් ඉදිරියේ අසරණ වන පිරිස් වෙනුවෙන් රක්ෂණ ක්රම තිබේ. ඇමෙරිකාවේ පවා රක්ෂණ ක්රම තිබිය දී දවැසියන්ට පුද්ගලික රෝහල් වලට වියදම්කරන්නට සිදුවන වැය ගැන විශාල විවාදයක් පසුගිය කාලයේ තිබිණ. මෙරට සමාජයේ වරප්රසාද ඇති පිරිසකට පමණක් තවමත් වෛද්ය රක්ෂණ ක්රමය සීමා වී ඇත. මහජන ආධාර, රජයේ අරමුදල් හෝ නැති අවස්ථාවලදී මෙරට මිනිස් ජීවිත කෙළවර වන්නේ ඛේදජනක අන්දමටය. රජයේ රෝහල අතිවිශාල වියදමක් කරන නමුත් එය ප්රමාණවත් නැති අතර පුද්ගලික අංශය ව්යාප්ත කර සියලූ දෙනාටම පහසුකම් ලබා ගැනීමට හැකි ආකාරයට දියුණු කිරීම ප්රතිපත්ති ප්රශ්නයක් ද වී ඇත. රජයේ සේවාව තිබිය දී රට තුළ පුද්ගලික රෝහල් සේවය එක මට්ටමට පිළිගැනීම ආණ්ඩුවල ප්රතිපත්ති හෙයින් එක මට්ටමට වර්ධනය වී නැත. ඒවායේ ප්රතිකාර විධි, වෛද්යවරු සහ සපයන පහසුකම් ගැන නොයෙකුත් මත පළවෙයි. රට තුළ ආර්ථික සංවර්ධනයක් සිදුවන අවස්ථාවක තරගකාරීව මෙවැනි සේවා සපයන්නට හැකි පසුබිම සකස් කිරීම සුදුසුය. එයින් රජයේ සේවයේ ඇති බර තරමක් ලිහිල් වෙයි. යම් රෝගියෙකුට රක්ෂණ පහසුකම් ඇත්නම් පුද්ගලික රෝහලකට ඇතුල් වී නිසි ප්රමිතිය සහිතව ප්රතිකාර ගන්නට ඉඩ ලැබේ. සෞඛ්ය පහසුකම් දියුණු වී ජනතාවගේ ජීවිත නිරෝගීවත්වන්නේ සම්පූර්ණයෙන්ම ආණ්ඩුවෙන් බලාගැනීම හා සමානව පුලූල් අවස්ථා සැපයීමෙන්ය. සිංගප්පුරුව එයට හොද උදාහරණයකි. ලී ක්වාන්යූ මහතා එරට සෞඛ්ය සේවය පුලූල් කළේය. රටේ ජීවත් වන අඩු ආදායමක් ඇති පිරිසට පමණක් නොව ලෝකයේ ඉතාම ධනවත් අයට පැමිණ ප්රතිකාර ගන්නට හැකි ආකාරයට එරට රෝහල් නවීකරණයට ඉඩදුන්නේය. ආණ්ඩුවේ පමණක් නොව පුද්ගලික අංශයේ ද ධනය යෙදවිණ. ලෝකයේ දක්ෂතම වෛද්යවරුන්ට හා දියුණුම උපකරණ සහිත ප්රතිකාර ක්රම වලට අනුමැතිය පළ කළේය. අවසාන අරමුණ වූයේ රටේ සෞඛ්ය තත්ත්වයේ ප්රමිතිය ඉහළ යන විට එහි සම්පත් පුරවැසියන්ට ද ලබා ගැනීමට හැකිවනු ඇත යන්නයි. පසුගිය දශක කිහිපය තුළ එය සැබෑ වි ඇත. ලෝකයේ ඕනෑම රටකින් රෝගීන් සිංගප්පූරුවේ රෝහල් වලට පැමිණෙන අතර එය එරටට විශාල ආදායම් මාර්ගයකි. එරට පුරවැසියන්ට ද එහි ප්රතිලාභ ලැබේ. තායිලන්තය ද දැන් මෙම දර්ශනයට අනුව ගමන් කරමින් සිටී. ආණ්ඩුවට කරන්නට නොහැකි ආයෝජනය නිසි ප්රමිතීන්ට අනුව පුද්ගලික අංශයට හෝ විදේශීය සේවාවන්ට ඉඩ දීම හොද පරිවර්තනයකට අවස්ථාව සලසයි. අප රටට දක්ෂ වෛද්යවරු සිටිති. හෙදියන් ද ඉතා කැපවීමෙන් රාජකාරිය කරයි. වෙද්යවරු, හෙදියන් හා උපස්ථායකයන් තවතවත් පුහුණු කිරීමට රජය හා පුද්ගලික අංශයට නිසි ප්රමිතීන්ට අනුව වැඩ පිළිවෙලක් ඇරඹිය හැකිය. එයින් රටේ සේවා පුලූල් වන අතර දැනට විදේශයන් හි පවතින ඉල්ලූම ද සපුරන්නට අවස්ථාවකි. දියුණූ වෙමින් පවතින රටවලට වෛද්ය විද්යාවේ අලූත් දේ ගලා යන්නේ රට තුළ තත්ත්වය ප්රවර්ධනය සමගය. හැකියාවක් ඇති පිරිස අලූත් වෛද්ය විද්යාත්මක සොයාගැනීම් කරයි. සෞඛ්ය හා සනීපාරක්ෂාව ගැන සැලකිලිමත් වෙයි. සමාජයට නිසි පහසුකම් සැපයෙන් අතර ප්රමිතීන් දියුණුවෙයි. එය වැදගත්ය. වර්තමානයේ රජයේ රෝහලක හෝ පෞද්ගලික රෝහලකට දිනපතා පැමිණෙන රෝගීන් ගේ සංඛ්යාව සලකා බලන්න. මෙම පිරිස අතුරින් වැඩි දෙනෙකු වෙනුවෙන් ප්රතිකාර කරන්නට රජයට වැය කරන මුදල අති විශාලය. නමුත් අවසානයේ මේ වගකීම සම්පූර්ණයෙන් ඉටු කරන්නට පවා රජය අසමත්ය. අද අභියෝගය මෙරට මහජනතාව නිදුක් නිරෝගී පිරිසක් බව තහවුරු කිරීමය. ලෝකය පුරා දියුණූ රටවල ජනතාව විද්යාව හා තාක්ෂණයේ මහිමයෙන් සියක් වසක් ආයු ලබන විට ශ්රී ලාංකිකයන් ට ද එහි අවස්තා ඇති කර ගැනීමට හැකි නිදහස් පරිසරයක් ඇතිකළ යුතුය. රටේ අනාගතය හා පැවැත්ම සම්බන්ධයෙන් දීර්ඝ කාලීන සෞඛ්ය හා සනීපාරක්ෂක සැලැස්මක් අපට අවශ්යය. එහි තිබිය යුත්තේ මුදල් නොවේ. පොහොසත් රටවල් වෙත සීමා වී ඇති සෞඛ්ය පහසුකම් මේ රටටත් ගලා ආ යුතුය. ඇති හැකි බව වෙනුවට සියලූ මනුෂ්ය වර්ගයාගේ යහපත වෙනුවෙන් සෞඛ්ය අංශයන්හි ප්රගතිය ව්යාප්ත විය යුතුය. වර්තමානයේ උවමනාව විය යුත්තේ මේ සම්බන්ධයෙන් පුලූල් ගවේශනයකි. අලූත් ප්රතිපත්ති දෙස අවධානය යොමු කිරීමකි. ශ්රී ලංකාව වැනි රටකට ජාත්යන්තර තලයේ අවස්ථාවන් උදා කරගන්නට හැකියාව ලැබෙන විධිමත් පද්ධති සැලසුම් කිරීමකි. මේ ගැන ඔබගේ අදහස මෙම ඊ-තැපැල් ලිපිනය spambots ගෙන් සුරක්ෂිත කොට ඇත. මෙය බැලීම සදහා ඔබට JavaScript සක්රීය කිරීම අවශ්යවේ මගින් සංවාදයට යොමු කළ හැකිය. |
2025 දි ඇතිවිය හැකි ජාත්යන්තර ස්වභාවය ගැන දැක්මක්
| 06/01/2013 - ඉරිදා ලංකාදීප | |
| - මිලින්ද මොරගොඩ | |
|
තවත් අවුරුද්දක් ගෙවී යයි. අලූත් බලාපොරොත්තු සමග උදා වි ඇත්තේ 2013 වසරයි. ගෙවුණ වසරේ දී පමණක් නොව උදාවන සෑම වසරකම අපේක්ෂා බලාපොරොත්තු සම්බන්ධ හැගීම් බලවත්ව තිබෙන්නට ඇත. ඒ අප සියලූ දෙනාටමය. ප්රජාතන්ත්රවාදයට අනුව ජන නායකයන් තෝරා අනාගතය ගොඩනැගීම ඔවුන්ට පවරන නමුත් සමාජයට ද එහි වගකීමක් තිබේ. අනාගතය ගොඩනගා ගත යුතු අපගේම මැදිහත්වීමෙන්ය. ලෝකයේ කොතැනකින් හෝ ශ්රී ලංකාවේ අනාගතය සාක්ෂාත් කරන්නේ නැත. ප්රශ්න වලට විසදුම සොයා ගැනීමේ වගකීම අපට ම භාර වූ වගකිමකි. ශ්රී ලංකාව දීර්ඝ ඉතිහාසයක් ඇති රටකි. එහි සංස්කෘතිය, අනන්යතාවය බෙහෙවින් අද මිශ්ර වී තිබේ. යටත්ව ගත කළ යුගය හා එයින් පසුව ගත කරන ලද දශක හයහමාරකට ආසන්න කාලය විවිධ තත්ත්වයන්ට මුහුණ දුන් කාල පරිච්ඡේදයකි. නිදහසින් පසු ගතවූ කාලය තුළ දේශපාලනික වශයෙන් නොයෙකුත් අත්හදා බැලීම් වල නිරතව සිටියේය. පවතින ක්රමය වෙනස්කර අලූත් මුහුණුවරකට ගමන් කිරීම වෙනුවෙන් තරුණ පෙළ ගෙවන ලද වන්දිය බරපතල එකකි. රට දියුණු කරන්නට ගත් නොයෙකුත් කි්රයාමාර්ගයන්හි අවසන් ප්රතිඵලය අද අප හමුවේ ඇත. දියුණු රටවල් බුද්ධිමතුන් සහ විශේෂිත සංවිධාන දායක කරගනිමින් තමන් ගේ ගමන් මග සහ අනාගතය ගැන පර්යේෂණයන්හි නිරත වෙති. අමෙරිකාවේ ජාතික බුද්ධි කවුන්සලය වසර 2025 වන විට ලෝකයේ හැඩතල කෙබදුවිය හැකි දැයි පර්යේෂණයක නිරතව තිබේ. එම වාර්තාව Global Trends 2025 – A Transformed World නමින් ප්රකාශයට පත්ව ඇත. එම වාර්තාව ගෝලීයකරණයට මුහුණ දෙන ලෝකය තුළ විය හැකි දේ හා එයින් සිදුවිය හැකි ප්රතිඵලය ගැන දක්වයි. විය නොහැකි පැති ගැන ද අනාවරණය කරන අතර එයින් සිදුවන අවාසි ද විග්රහයට ලක්කරයි. ඇමරිකානු බුද්ධි කවුන්සලය අනාවරණය කරන මෙම තොරතුරු වාර්තාව පෙන්වන්නේ එරටට මුහුණ දෙන්නට සිදුවිය හැකි අභියෝග ගැනය. ලෝකයේ බලවත් ම රට වශයෙන් සැලකෙන්නේ අමෙරිකාවයි. එය විශාලතම ආර්ථිකය හිමි රට ද වෙයි. දැනට පෙනෙන එකී විශාලත්වයට ඉදිරි කාලයේදී එල්ල වන අභියෝග මෙම පර්යේෂණයෙහි සියුම්ව අනාවරණය කර තිබේ. අමෙරිකානු බුද්ධි කවුන්සලය එරට ගැන දක්වන දත්ත සහ අනුමාන ශ්රී ලංකාවට වැදගත්ම විය නොහැකිය, අප රටට ද වසර 2025 වන විට එල්ලවිය හැකි ආර්ථික සහ සාමාජයීය තත්ත්ව ගැන අනුමානයක සිටීම වඩා ප්රායෝගිකය. අමෙරිකානු බුද්ධි කවුන්සලයට අනුව වසර 2025 වන විට රටවල් අතර ඇති බලය අලූත් මුහුණුවරක් ගනු ඇත. දැනට ලෝකයේ පිලිගැනීමට අනුව ආර්ථික හා යුද ශක්තිය අතින්බලවත්ම රට අමෙරිකාවයි. නමුත් නුදුරු කාලයේ දී චීනය, ඉන්දියාව ඇතුළු නොයෙකුත් රටවල බල අධිකාරිය දැනට වඩා බලවත් විය හැකිය. එය ඔස්සේ ව්යාපාරික, ආගමික, රාජ්ය නොවන සංවිධාන පමණක් නොව දරුණු අපරාධ කල්ලි ද ඇතිවිය හැකියැයි නිරීක්ෂණය කෙරේ. රාජ්යය යන සම්මත සීමා ඉක්මවා යන්නට හැකියාව ඇත. සම්ප්රදායිකව දැනට පවතින බටහිරට නතු ස්වභාවය ගිලිහීයාම එයින් අපේක්ෂා කරන්නට හැකි බව ද මෙම වාර්තාව සදහන් කරයි. සංවර්ධනය හා දේශපානලය සම්බන්ධ දැනට ඇති බටහිර ආකෘතිය වෙනුවට ලෝකයේ නොයෙකුත් රටවල් විකල්ප වශයෙන් නැගෙන චීන සංවර්ධන ආකෘතියට ග්රහනය වනු ඇති බව ද පළවෙයි. මෙම වාර්තාවේ තවත් අනුමානයක කියැවෙන්නේ ආර්ථික ඉසුරුමත්බව සම්බන්ධව බටහිර තුළ ඇති අධිකාරිය එහි සිට ලෝකයේ නැගෙනහිර ප්රදේශයට ගලා යා හැකි බවය. එහි ප්රතිඵලක් වශයෙන් සමහර රටවල් නව ආර්ථික ආකෘති සමග දියුණුවන අතර භූගෝලිය වශයෙන් ඇති අවස්ථා සමග ස්ථිරසාර සංවර්ධනයකට යොමු විය හැකිය. මෙහිදී බලවත්වන ඇතැම් රටවල් බටහිර පැවැත්මට යම් අභියෝගයක් විය හැකි බව ද එහි ප්රකාශ වෙයි. දර්ශකය අනුව අමෙරිකාව ලෝකයේ උසුලන තැනින් තරමක් පහතට මාරුවන නමුත් තනි රටක් වශයෙන් ලෝකය තුළ තවදුරටත් පවතින්නට හැකියාව ලැබේ. එහි ප්රතිඵලයක් වශයෙන් තමන් සතු ආර්ථික සහ ආරක්ෂක නිපුණතා ආරක්ෂා කර ගැනීමට දැනට වඩා වෙහෙසෙන්නට අමෙරිකාවට සිදුවන අතර එයින් අමෙරිකාව තුළ හා සබ`දතා ඇති රටවල් සමග විදේශ ප්රතිපත්ති හමුවේ පැන නගින අසිරුතා මැඩපවත්වන්නට ද මහන්සි වීම අනිවාර්යය බව දැක්වේ. අමෙරිකානු ජනගහනය තවත් බිලියන 1.2 කින් ඇමරිකාව තුළ වැඩිවන අතර බලශක්තිය, ආහාර සහ පිරිසිදු ජලය සම්බන්ධව තරමක අර්බුද ඇතිකරනු ඇත. මෙම කාලය තුළ විද්යාව හා තාක්ෂණය සම්බන්ධ නව සොයාගැනීමි එයට යම් පිටුවහලක් වෙයි. පවතින තාක්ෂණය හා සම්ප්රදායික බලශක්ති ප්රභව අවශ්යතා පරිදි සහමුලින්ම වෙනස් රාමුවකට ගමන් කරන්නට ඉඩ තිබේ. විශේෂ අවධානයක් යොමු වී ඇත්තේ ලෝකයේ තරුණ ජනගහනය ප්රතිශතයක් වශයෙන් අඩුවීම ගැනය. එනමුත් ඇතැම් රටවල එයට විරුද්ධ පත්තකට ගමන්කරමින් තරුණ පිරිස වැඩිවිය හැකි බව පර්යේෂණ වාර්තා අනාවරණය කරයි. එයින් සිදුවිය හැකි දෙය නම් ඇෆ්ගනිස්තානය, නයිජීරියාව, පකිස්තානය සහ යේමනය වැනි රටවල තරුණන්ගේ විරැකියා ප්රශ්න විසදාගත නොහැකිවුවහොත් අඛණ්ඩව අස්ථාවර හා අසාර්ථක භාවයට මුහුණ දෙනු ඇති බව එහි කියැවේ. මෙම බුද්ධි කවුන්සල වාර්තාවට අනුව මැදපෙරදිග ඇතැම් රටවල දේශපාලන ස්ථාවර බාවය තවදුටත් පවතින්නට ඉඩ තිබේ. කලාපීය සමබරතාවය ආරක්ෂා කිරීම හමුවේ වසර 2025 වන විට අමෙරිකාවේ අවධානය යොමු කරන්නට සිදුවන අතර කෙසේ නමුත් සෙසු බලවතුන් විය හැකි රුසියාව, චිනය සහ ඉන්දියාව අදට වැඩි කාර්ය භාරයක් මැදපෙරදිග සම්බන්ධයෙන් උසුලන්නට ඉඩ ඇති බව ද දක්වයි. අමෙරිකානු වාර්තාවට අනුව ඉතාම සැලකිල්ලක් දැක්විය යුතු පැත්තක් වන්නේ ත්රස්තවාදයේ නව මුහුණුවර සම්බන්ධයෙන් දක්වන කරුණු කෙරෙහිය. 2025 වන විට ලෝකයේ ත්රස්තවාදී ප්රශ්න සිමා සහිත විය හැකිය. නමුත් එයට බලපාන මූලික සාධකයක් වන්නේ ආර්ථික සංවර්ධනය සමාජයේ සෑම කොටසකටම පැතිරයාම හා මැදපෙරදිග ඇතුළු කලාපයේ විරැකියාව දුරුවන තරමටය. ත්රස්තවාදය ද දැනට ඇති මුහුණුවරට වසා සංකීර්ණ හා භයානක තත්ත්වයකට පත්විය හැකි බව මෙහි අනතුරු අගවයි. භයානක කල්ලි අලූත් මුහුණුවරකින් ඇතිවිය හැකි අතර ඔවුන් තාක්ෂණික පැත්තෙන් ද සන්නද්ධ විය හැකිය. මෙම අලූත් තාක්ෂණික වශයෙන් දියුණු තත්ත්වයට පත් ත්රස්තවාදීන් එහි සෘජු හැකියාවන් අනුව සිය ඉල්ලීම් දිනා ගැනීමට රසායනික ද්රව්ය හා ජෛව තාක්ෂණික ප්රහාර වලට නැඹුරු වන්නට ඉඩ තිබෙන බව දැක්වේ. එයින් සිදුවන විනාශය දරුණු හා මනුෂ්ය සංහතියේ ඉරණමට එල්ල කරන අනතුර සු`ථ එකක් නොවේ. වසර 2025 වන විට ලෝකයේ හැඩ තල වෙනස්වන ආකාරය අනුව මෙවැනි උපකල්පන වලින් පූර්ව සූදානමකට යා හැකි බව වාර්තාවේ නිගමනයයි. බලවත් රටක් වශයෙන් අමෙරිකාවට අභියෝගයක් වනු ඇතැයි දැනට නිරීක්ෂණය කළ නොහැකි වකවානුවක එරට ජාතික බුද්ධි කවුන්සලය තවත් අවුරුදු දහයක් දොලහක් ගතවීමෙන් පසු බිහිවන යුගය ගැන ඉදිරි දැක්මක් ප්රකාශයට පත් කර ඇත. එයින් කියැවෙන පණිවුඩය ඉතාම වැදගත්ය. ලෝකය විවිධ කාල පරිච්ඡේද වලදී එහි බල රාමුව වෙනස් කරගෙන ඇත. කලක් නැගෙනහිර පැවති බලය බටහිරට ඇදී ගියේය. අමෙරිකානු ඉතිහාසයට අනුව එරට ගමන් මග සියවස් දෙකකට වඩා වැඩි නැත. නමුත් එයට වඩා විශාල ඉතිහාසයක් තිබුණ රටවල් අද පරිවර්තනයකට පසු අන් තැනෙක පසුවෙයි. අමෙරිකාව තමන් ගේ දක්ෂතා සහ නව සොයා ගැනීම් හමුවේ අලූත් යුගයක් උදා කරගත් අතර එම මාවත ඔස්සේ ගමන් කරන ජගත් ප්රජාව යම් කාලයක තමන්ට අභියෝගයක් වනු ඇත යන අවධානයෙන් ද සිටී. ශ්රී ලංකාව වසර දෙදහස් සහ සියයකට වැඩි ඉතිහාසයක් සහිත රටකි. විවිධ කාල පරිච්ඡේදවල මෙරට තිබු හැකියාව හා දක්ෂතා ගැන නොයෙක් මති මතාන්තර තිබේ. පවතින ගැටලූ හමුවේ පවා අලූත් යුගයකට ඇතුළුවිය හැකි ආකාරය ගැන මැදහත්ව සිතන්නට රටට අවස්ථාව ඇත. බුද්ධිමතුන්, ප්රතිපත්ති සම්පාදකයන් සහ ජන නායකයන් රට ගැන ඉදිරි දැක්මක් සහිතව ක්රියා කළ යුතුය. ඉදිරි මැතිවරණය නොව ඊළග පරම්පරාව ඉලක්ක කර සැලසුම් සකස් කළ යුතුය. අපේ දරුවන්ට අපේ භූමිය තුළ නැගෙන්නටත්, ලෝකයේ සෙසු රටවල් සමග උරෙනුර ගැටී වැඩ කරන්නට හැකි සමාජ තලයක් බිහිකිරීමට පදනම සකස් කිරීම අප හැමගේ වගකීමකි. එයින් බැහැරවිය නොහැකි බව අමෙරිකානු ජාතික බුද්ධි කවුන්සලය වාර්තාව අපට දෙන කාරුණික දැක්මකි. මේ ගැන ඔබගේ අදහස මෙම ඊ-තැපැල් ලිපිනය spambots ගෙන් සුරක්ෂිත කොට ඇත. මෙය බැලීම සදහා ඔබට JavaScript සක්රීය කිරීම අවශ්යවේ මගින් සංවාදයට යොමු කළ හැකිය. |
පොදු අරමුණ ද – පටු අවශ්යතාවය ද ?
2012.12.12 – ලංකාදීප – මිලින්ද මොරගොඩ
ශ්රී ලංකාව පසු කරමින් සිටින්නේ අභියෝගාත්මක වකවානුවකි. අලූත් ආකල්ප ඇතිව ක්රියාකිරීම, අලූත් අවකාශයන් සොයායාම අභියෝග ජය ගැනීමෙහි ලා ඇති අනිවාර්ය සාධක ය. අලූත් දේ සොයා යාමකින් තොරව පරිවර්තනයක් ඇති නොවේ. යම් පරිවර්තනයට සූදානම් විය යුතු අප සිතන හා ක්රියාකරන ආකාරයේ පටන්ය.
අද සමාජයේ හැසිරීම අනුව රෝහලක රෝගීන් ට ප්රතිකාර ගැසීමට ඇති අයිතියට වඩා බලවත් අයිතියක් ඇත්තේ සේවකයන්, විශෙAෂඥයන් හා නිලධාරීන්ටය. ඉගෙන ගැනීමට අයිතිය ඇත්තේ දරුවන්ටය. නමුත් පසු කරමින් සිටින්නේ දරුවන් ද ගුරුවරුන් ද අයිතිය ඉල්ලා බල කරන යුගයකය. ප්රවාහනයේ නිසි අයිතිය හිමි විය යුතු මගියන්ටය. නමුත් මගී ප්රවාහනයේ අයිතිය හිමි කරගෙන ඇත්තේ බස් රථ ධාවකයන්ය. පාරිභෝගිකයන්ට ඇති අයිතිය සීමාසහිතය. වෙළෙන්දා නියම කරන භාණ්ඩ ඔහු නියම කරන මිලට ගන්නට පාරිභෝගිකයාට සිදුව තිබේ. ප්රජාතන්ත්රවාදී රටක බලය ඇත්තේ පොදු මහජනතාවට බව ඇත්තය. මහජනතාවගේ ශක්තිය, ඉහලම බලපෑම විය යුතුය. ඔවුන්ගේ හ`ඩ නැගෙන ඉහළම හ`ඩ බව අපට දැනෙන්නට අවශ්යය. බහුතර එනමුදු මහජනතාව නගන හ`ඩ සු`ථ එකක් වී තිබේ. සු`ථ සිරිසක් විසින් බහුතරයේ මතය යටපත් කර තිබේ.
පටු අරමුණ නැත්නම් පුද්ගල ස්වාර්ථයට ඉඩ දෙනු වෙනුවට පොදු අරමුණු සාක්ෂාත් කර ගැනීමට පුලූල් සමාජ විඥානයක් ඇතිව ක්රියා කරන්නේ කෙසේද? බහුතරය අවබෝධයක් ඇතිව අවදිවිය යුතුව තිබේ. එහිදි සිවිල් සමාජය එකතුවී ශක්තිමත් වී පෙරමුණක් ගොඩනැගීම අවශ්යය. මෙහිදී අප සියලූ දෙනාම පාරිභෝගිකයන්ය. අවශ්යව ඇත්තේ පාරිභෝගිකයන්ගේ අයිතිවාසිකම් ආරක්ෂා කරගත හැකි පුලූල් බලවේගයකි.
පාරිභෝගිකයන් වශයෙන් බලය තමන් අතට ගැනීමට පොදු මහජනතාව හැකියාව මෙම බලවේගය තුළ ඉතාම වැදගත්ය. එය කළ හැකිවන්නේ මහජනතාවට තමන්ගේ පැත්තෙන් සිතන්නට හැකිනම් පමණකි. රෝහල ඇත්තේ රෝගියාටය. ඔහු එහි පාරිභෝගිකයෙකි. පාසල ඇත්තේ දරුවන්යට. අධිකරණය ඇත්තේ යුක්තිය අහිමිවූ යම් කොටසකටය. ඉඩම හිමි විය යුතු ගොවියාටය. වෙළ`දපොළ හිමි විය යුත්තේ පාරිභෝගිකයාටය. එතැන අසාධාරණයක් අයුක්තියක් සිදුවන්නේ නම් එය බලපාන්නේ ජනතාවටය. ආයතන ශක්තිමත් කිරීම වෙනුවට මෙවැනි විකල්ප වැඩ පිළිවෙලකට අප ගමන් කළ යුතුය. කවර මිලක් ගෙවා හෝ ආයතන හා එයින් පවත්වාගෙන යන පොදු ජනතාවට හිරිහැර වන පවතින ක්රමය වෙනුවට සමාජයට බලය ආපසු පිරිනැමෙන අවස්ථාවක් වෙනුවෙන් කි්රයා කළ යුතු යුගය උදා වී තිබේ.
මෙම වෙනස ඇති කළ හැක්කේ කාහටද? බලය තමන්ට පමණක් කේන්ද්රවිය යුතුයැයි සිතන පුද්ගලයාටද? ආයතන බලවත් වීමට වඩා දරුවන්, කාන්තාවන් හා පුරුෂයන් වශයෙන් සමාජයේ සියලූ කොටස් බලවත්වන විට සමාජය ගොඩනැගෙන බව සිතන්නට හැකි විශිෂ්ටයන්ටද?
ස්වාධීන මතයක් දරන, අන්ය මතයට ගරු කරන නිවහල් පුද්ගලයන් නිදහස් රටක් තුළ මතුවිය යුතු අවස්ථාවකි. රට තුළ චරිත වශයෙන් ඉදිරියට පැමිණ නිවහල් චින්තනයක් ගොඩනගන්නට මග පාදා ගැනීම අද බුද්ධිමතුන්ගේ වගකීමකි. සිවිල් සමාජයේ නිදහස් මතධාරීන් අද පවතින පාරිභෝගිකයා නොතකන ක්රමයට එරෙහිව නැගී සිටිය යුතුය. ඕනෑම ක්ෂෙAත්රයක ජන බලයෙන් නැගෙන බලගතු නිර්මල සමාජයක් බිහි කරන්නට ඇති හැකියාව ගැන අවධානය යොමු කළ යුතුය. එවැනි තීන්දුවකට යාම පහසු නැත. අභියෝගාත්මකය. එනමුත් සමාජයේ පැවැත්ම ර`දාපවතින්නේ එවැනි විකල්පයකට මුහුණ දිය හැකිනම් පමණකි. මහජනතාව අත්දැකීම් ඇසුරෙන් බුද්ධිමත්වන තරමට පොදු තීන්දු ගැනීමේ අවකාශය පුලූල් වන බව පැහැදිලිය.
ආරංචි පහකින් රටක් ගැන අඟවන හැටි
එක පොතක් කියවා රටක අනන්යතාව දකින්නට නොහැකිය. ඒ එදාය. මෙදා පුවත් පතක පළ වන තොරතුරු පහකින් රටක් ගැන විග්රහයක් කරන්නට හැකිය. එසේ කර තිබේ. චීනය ගැනය. නිව්යෝර්ක් ටයිම්ස් පුවත් පතට තීරු ලිපියක් ලියන තෝමස් ෆීරහයකඞ්මන් ගේ අර්ථ දැක්වීමකි. සම්මානනීය ලේඛකයෙකු සේ අන්තර් ජාතිකව පිළිගැනෙන හෙතෙම නිති පතා ලියන තීරු ලිපි අතරින් මෑතකදී පළ කළ ලිපිය දක්වා ඇති අදහස විවිධ මතධාරීන්ට දෙවරක් සිතන්නට අවස්ථාව සපයා ඇත.
චීන කොමියුනිස්ට් පක්ෂයේ නව නායකත්වයට පත්වෙතැයි ඉඟිකර තිබුණ ජින්පින්ග් මාධ්යයෙන් වසංවී සිටී. චීන ජනතාව දුගී බවින් අත්මිදී අලූත් ජීවිත ගත කරන්නට පටන් ගෙන ආර්ථික සහ සමාජ ප්රතිසංස්කරණ ඉල්ලා සිටිති. පක්ෂයේ ප්රතිපත්ති සහ චීන ජනතාවගේ බලාපොරොත්තු අතර අලූත් නායකත්වය පත්වන අර්බුදය මෙයින් වටහා ගත හැකි බව ෆීර් අඞ්මන් ගේ චින පුවත් පතකින් උපුටා ගත් පළමු පුවතයි. දෙවැන්න රිය අනතුරකි. ධනවතුන් පාවිච්චි කරන ෆෙරාරි වර්ගයේ රියක් වන එය වාර්තා වී සුළු මොහොතකින් පුවත අතුරුදහන් විය. අනතුර සිදුව ඇත්තේ පක්ෂයෙන් ඉවත් කළ නායකයෙකුගේ පුතූයෙකුගේ අතින්ය. එරට කර්මාන්ත සහ ව්යාඇපාරවල ඒකාධිකාරය පක්ෂයේ ජ්යෙෂ්ඨ යන් අතට පත්ව ඇති අතර දුෂිත තත්ත්ව හෙළිදරවු වෙමින් තිබේ. ක්රමය විනිවිද පෙනන ආකාරය සහ නීති හා විධිවිධාන සකස්වීම ගැන සමාජයේ මත ඇවිලෙමින් ඇති බව හෙතෙම කියයි. චිනයේ පාසල් දරුවන් පොත් පත් හා ඩෙස්ක් පුටු රුගෙන පාසලට පැමිණෙන තත්ත්වයක් උදාවී ඇති අතර රැල්ල නැගෙන විට අධ්යාපන ය දියුණු කළ යුතු බව වටහා ගෙන ඇති බලධාරීන් අධ්යාපනයට ආයෝජනය කරන්නට පටන් ගෙන ඇති බව තුන්වැනි පුවත උපුටා දක්වමින් කියයි. හතර වැන්න හොංකොං හි අධ්යාපනයට අනිවාර්යයෙන් චීනයේ ක්රමය කාවද්දන්නට උත්සාහ ගැනීමේ දී ඇතිවූ අර්බුදයයි. පස් වැන්න එරට ප්රධාන පුවත් පතක කතුවරයෙකු ගේ අදහස් පාලනය කරන්නට චීන කොමියුනිස්ට් පක්ෂය කළ බලපෑමය. පසුගිය වසර දහය තුළ චීන නායකයන් ගෙන ගිය ප්රතිපති නිසා ජයගරයුනහණ වලට වඩා අර්බුද මතු කළ බව එම පුවත් පතේ ආර්ථික ලිපියෙන් පෙන්වන්නට උත්සාහ කර තිබේ.
තිබුණ පර. ටතිරූපයට වෙනස් පැත්තක් දක්වා චීනය ගැන විග්රහයක් කරන්නට තෝමස් ෆීඞ්මන් මෙම පුවත් පහ ඇසුරෙන් උත්සාහ දරා ඇත. චීනයේ පැත්ත බටහිර කෝණයකින් බලන තීරු ලිපියකි. එහි වෙනස් පැත්තක් ද තිබිය හැකිය. විවිධ තැනින් මතුවන තොරතුරු අති විශාල ප්රමාණය අප අපවම කැඩපත හමුවට පමුණුවන බව පෙනේ. චීනය දැවැන්ත ජනගහනයක් ඇති ලෝක ආර්ථික බලවතෙකු ලෙස නැගෙන අතර පක්ෂය, එහි ප්රතිපත්ති, ක්රමයේ සැ`ගව ඇති දුෂිත බව හා ජනතාව ඉල්ලන වෙනස තීරු ලිපියෙන් චිත්රණය කරයි. අප රටටත් එය වැදගත්ය. ශ්රී ලංකාව ගැන කියන ප්රවෘත්ති පහක් මෙරට ඇති අතිවිශාල ජනමාධ්ය ප්රවාහය අතුරින් තෝරා ගැනීමට හැකිවුවහොත් කෙබ`දුද? එවැනි තෝරා ගැනීමකට ගිය හොත් වෙන්කර ගත හැකි ප්රවෘත්ති පහක් ලෙස ගැනෙන්නේ මොනවාද ? යන සාධාරණ ප්රශ්නය නැගිය හැකිය.
රටක් ගැන නොයෙක් දේ ලියැවී ඇතත් අවසාන විග්රහය ඉතාම තීරණාත්මකය. සගවන්නට උත්සුක වන බොහෝ දේ නිරායාසයෙන් අනාවරණය වෙයි. තාක්ෂණික යුගයක තොරතුරු සැගවීම පහසු නැත. එක තොරතුරකින් සමස්ථ චිත්රයම අදුරු විය හැකිය. විනිවිද පෙනෙන ආකාරයට හැසිරීම නපුරු නිර්වචන වලට ගොදුරු නොවීමට ඇති එකම උපායයි.
උපන් බිමට කළ යුතු මෙහෙවර සිතනු
මෙරට තරුණන් අතරින් ඇතැමෙකු හැකියාවක් ඇති කවර හෝ ක්රමයකින් පිටරටකට පැන ගැනීමේ නොනිත් ආශාවකින් පසුවන බව පෙනේ. විදේශයක කරන රුකියාවකින් යමක් උපයාගෙන හොඳින් ජීවත්වීම මෙකී අපේක්ෂා සහිත අයගේ එකම අරමුණය. අනවසරයෙන් රටට එන්නන් දියුණු රටවලට හිරිහැරයකි. එවිට එම රටවල් නීති විරෝධී සංක්රමණ වලට තද නීති පනවා තිබේ. මෙරටින් පිටත්ව අනවසරයෙන් ඇතුළු වූ පිරිස් ආපසු හරවා එවමින් සිටින අතර තවත් කොටසක් එහි දුක් වි`දින්නට නොහැකි බව කියමින් ආපසු පැමිණෙන බව වාර්තාවෙයි. ශ්රී ලංකාවේ නීති විරෝධී සංක්රමණිකයන් ගෙන ගැලවීමට අවශ්ය බව අන්තර් ජාතික ප්රජාව තීරණය කර තිබේ. එය අපකීර්තියකි. ආගන්තුක සත්කාරයෙහි ප්රකට, ඉන්දියන් සාගරයේ මුතු ඇටය, රටින් රටට අනවසරයෙන් ඇතුළුවන කරදරකාරයන් ගේ රටක් බවට පත්කිරීම යුතුකමක් නොවේ.
බරපතල දුෂ්කරතා විඳිමින් රටින් නික්ම යන්නට විශාල ආත්ම ශක්තියක් අවශ්යය. අතරමැදියන්ට විශාල මුදලක් ගෙවන්නට සිදුවන බව නොරහසකි. පිටරටකට ගොස් දුක් කරදර මැද යමක් උපයා ගැනීම, ධෛර්යයක් නැති අයෙකුට කළ නොහැකිය. ප්රශ්නයක් තිබේ. ශ්රී ලංකාව යනු ජීවිතය පවා පරදුවට තබා එවැනි ගමනකට සූදානම් දිරියවත් කෙනෙකුටත් අවස්ථාව අහිමි දුක්බර රටක්ද?
පසුගිය දශක තුන තුළ මෙරට ආර්ථික හා සමාජ පරිසරය විශාල පරිවර්තනයකට ලක්ව ඇත. ත්රස්තවාදය අවසන් වීමත් සමග එම පසුබිම තවත් පෙරැළියකට ලක් වෙමින් තිබේ. පරිවර්තනය තුළින් ජීවිත සාක්ෂාත් කරගත් දහසක් දෙනාගේ සාර්ථකත්වය අධ්යයනය කළ යුතුය. අද විශාල සමාගම් බවට පත්ව ඇති කීර්තිමත් ආයතන පටන්ගෙන ඇත්තේ බින්දුවෙන්ය. එහි නිර්මාතෘවරුන් අලූත් අදහස් ඇතිව වැඩට බැස ඇති අතර අභියෝග ජය ගනිමින් පියවරෙන් පියවර ඉදිරියට පැමිණ තිබේ. සාර්ථක ව්යවසායකයන් වූ ඔවුන්ට සමාජයේ ඉහළම ගෞරවයක් හිමිය. අලූත් දෑ සොයා යමින් රට ගොඩනගන්නට කැපවිය හැකි දක්ෂතා ඇති තරුණ තරුණියන් ගත යුතු එකම මග එයයි.
විවෘත ආර්ථික ක්රමය තුළ ඇත්තේ තරගයයි. දක්ෂ ලෙස තරග කරන්නට හැකියාව පෙන්වන්නෝ ජීවිතය දිනති. අනවසරයෙන් රට යන්නට වියදම් කරන මුදලත් එයට ඇති ආත්ම ශක්තියත් එකතු කළ විට තරගයට අවතීර්ණ වන්නට අන් යමක් අවශ්ය නැත. පිටරටකට ගොස් අනුන් යටතේ එරට පුරවැසියන් පවා නොකරන රළු වැඩ කර එම රටවල පුරවැසියන්ටත් වඩා අඩු වැටුපක් හා සැලකිල්ලක් ලැබීම අභාග්යයකි. ඔබෙන් රටට විය යුතු යුතුකම එය නොවේ. මෙරටෙහි ම යමක් නිපදවිය යුතුය. මෙරට දී ම ආදායමක් ඉපැයිය යුතුය. එහි ප්රථිඵලය ලැබෙන්නේ රටටය. දස දහස් ගණනක් දෙනෙකුට, අලූතින් ව්යවසාය දස දහසක් ගොඩනැගිය හැකිනම් රට දියුණු කරන්නට එයම ප්රමාණවත්ය.
දෙවන ලෝක යුද්ධයෙන් පරාජය ව අසරණ වූ ජපානය අද ලෝකයේ දියුණුම රටකි. ජපනුන් හපනුන්ය. කොළඹ නගරයේ පැල්පත් ප්රදේශ කොරියාව කොරියාව ලෙස හැඳින්වුයේ එදාය. රුකියාවකට කොරියාව බලා යාම අද මෙරට ඇතැමෙකුගේ සිහිනයකි. ඉන්දියාව, චීනය සහ බ්රසිලය වැනි රටවල ජනතාව මහත් දුෂ්කරතා මැද ජීවත්වූ කාලයක් තිබිණ. සිංගප්පූරුව උත්සාහ කළේ ශ්රී ලංකාව මෙන් දියුණු වෙන්නටය. අද මෙම රටවල් නැගී බැබලෙන්නේ එම රටවල මිනිසුන් මහන්සියෙන් වැඩ කර අලූතින් යමක් නිපදවූ නිසා බව අමතක කළ යුතු නැත.
JPAGE_CURRENT_OF_TOTAL