Monday, Oct 20th

Last update:11:04:35 AM GMT

You are here: දසත දසත විත්ති

දසත විත්ති

අයිරින් කුණාටුවෙන් අමෙරිකාවට ඩොලර් බිලියන 10ක හානියක් ?

hurricane_irene_america_200_135අමෙරිකාවේ ශ්‍රී ලංකිකයන් ගැන විමසීමට දූරකතන අංක තුනක්
අමෙරිකාවේ නැඟෙනහිර වෙරළබඩ පෙදෙස් හරහා හමා යන අයිරින් සුළි කුණාටුව නිසා එම පෙදෙස්වලට සිදුවිය හැකි හානිය ඩොලර් බිලියන 10ක් පමණ විය හැකි බව වාර්තා වේ.

නිව් යෝර්ක්, නිව් ජර්සි, වර්ජනියා, උතුරු කැරොලිනා, මේරිලන්ඩ්, ඩෙලවර් යන පෙදෙස්වලට හදිසි තත්ත්වයක් ප්‍රකාශයට පත් කර තිබේ. ඊයේ පෙරවරු 2.00ට පමණ අමෙරිකාව ඇතුළු වූ සුළි කුණාටුව ලබන බදාදා දක්වා අමෙරිකා එක්සත් ජනපදය හරහා හමා යන බව කාලගුණ විද්‍යාඥයන් පෙන්වා දේ.

එම පෙදෙසේවල සිටින ශ්‍රී ලාංකිකයන්ට සිය තොරතුරු දැන්වීම සඳහාත් ශ්‍රී ලංකාවේ සිටින ඔවුන්ගේ ඥාතීන්ට අමෙරිකාවේ වෙසෙන තම ඥාති හිතෛෂීන් පිළිබඳ ව තොරතුරු දැනගැනීම සඳහාත් එක්සත් ජනපද ශ්‍රී ලංකා තානාපති කාර්යාලය පැය විසිහතර පුරා ක්‍රියාත්මක වන තොරතුරු සේවාවක් හඳුන්වා දී තිබේ.

ශ්‍රී ලංකා තානාපති ජාලිය වික්‍රමසූරිය මහතාගේ උපදෙස් මත තානාපති කාර්යාල නිලධාරීන් නොකඩවා මේ සඳහා සහය වන බව ද තානාපති කාර්යාලය නිවේදනය කරයි.

තානාපති කාර්යාලයේ ඍජු දූරකතන අංකය 011 202 352 0355 (සුසන්තා) සහ 011 202 340 0032 අංකයෙන් වසන්තා පෙරේරා මහත්මිය ද 001 202 390 3034 අංකයෙන් බ්‍රිගේඩියර් ඩඩ්ලි වීරමන් මහතා ද අමතා අවශ්‍ය තොරතුරු දැනගත හැකි බව එක්සත් ජනපද ශ්‍රී ලංකා තානාපති කාර්යාලය නිවේදනය කරයි.

E.coli ගැන යුරෝපා සංගමයේ සාකච්ඡාවක්

e_coli_200_147මේ වන විට යුරෝපාකරයේ පැතිර යන මාරාන්තික E.coli බැක්ටීරියාව මුල් ඇද්ද වූ ධාන්‍යවලින් හටගන්නට ඇතැයි විද්‍යාඥයන් සැක පළකරයි.

මේ අතර ඒ සම්බන්ධයෙන් හදිසි සාකච්ඡාවක් පැවැත්වීම සඳහා යුරෝපා සංගමයේ කෘෂිකර්ම අමාත්‍යවරුන් ද එක්රැස් වීමට නියමිත බව විදෙස් මාධ්‍ය අනාවරණය කරයි.

මෙම බැක්ටීරියාව ශරීර ගතවීම නිසා මේ වන විට පුද්ගලයන් 22 දෙනෙකු මියගොස් ඇති අතර ජර්මනිය ඇතුළු රටවල් 12ක එය පැතිර ගොස් තිබේ.

මේ වන විට පුද්ගලයන් 2200කට අධික පිරිසකට මෙම බැක්ටීරියාව ආසාදනය වී ඇත. ජර්මනිය කරා සිදුවන සංක්‍රමණ හේතුවෙන් එරටින් පිට වෙනත් රටවල් කරා මෙම බැක්ටීරියාව පැතිර යාමට හේතු වී ඇත.

මෙම බැක්ටීරියාව පිළිබඳ ව පවතින බිය හේතුවෙන් තක්කාලි, සලාද වර්ග වැනි දෑ ආහාරයට ගැනීම සම්බන්ධයෙන් අදාළ රටවල අනතුරු ඇඟවීම් ද සිදුකර ඇත.

E.coli නිසා 22ක් මියයති

යුරෝපය පුරා පැතිර යන E.coli නම් බැක්ටීරියාව හේතුවෙන් මේ වන විට පුද්ගලයන් 22 දෙනෙකු මියගොස් ඇතැයි විදෙස් වාර්තා පවසයි.

ඉන් පුද්ගලයන් 21 දෙනෙකු ජර්මන් ජාතිකයන් වන අතර එක් අයෙකු ස්වීඩ්න් ජාතිකයෙකු වේ.

මේ වන විටත් ජර්මන් වැසියන් 2150කට අධික පිරිසකට මෙම බැක්ටීරියාව ආසාදනය වී ඇතැයි වාර්තා වේ.

මේ අතර ඕස්ට්‍රේලියාව, චෙක් ජනරජය, ඩෙන්මාර්කය, ප්‍රංශය, නෙදර්ලන්තය, නෝර්වේ, පෝලන්තය, ස්පාඤ්ඤය, ස්විට්සර්ලන්තය හා එක්සත් රාජධානිය වැනි රටවලින් ද මෙම බැක්ටීරියාව ආසාදනය වූවන් හඳුනාගෙන තිබේ.

මෙම බැක්ටීරියාව කුමන මූලයකින් හට ගන්නේදැයි මෙතෙක් සොයාගෙන නොමැති අතර විද්‍යාඥයන් විසින් තවදුරටත් ඒ පිළිබඳ ව පරීක්ෂණ සිදුකරමින් සිටී.

ෆිඩෙල් කස්ත්‍රෝ පක්ෂ නායකත්වයෙන් ඉවත්වෙයි

fidel_kastroකියුබාවේ නායක පිදෙල් කස්ත්‍රෝ මහතා කියුබා කොමියුනිස්ට් පක්ෂයේ ඉහළ ම නායක තනතුරින් අද (19) ඉවත් වූ බව ප්‍රකාශයට පත් කර තිබේ.

සිය සහෝදරයා වන රාවුල් කස්ත්‍රෝ මේ වනවිට කියුබාවේ නායකත්වය උසුලන අතර ‘තමාට දැන් පක්ෂ නායකත්වයේ පෙර මෙන් කටයුතු කිරීම අපහසු බව රාවුල් දන්නා බව‘ ෆිඩෙල් කස්ත්‍රෝ පවසා තිබේ.

1965 පිහිටුවන ලද කියුබා කොමියුනිස්ට් පක්ෂයේ මධ්‍යම කාරකසභාවේ පළමු වන ලේකම්වරයා ලෙස පත් වූ ෆිඩෙල් කස්ත්‍රෝ විප්ලවයකින් බලය අල්ලා ගැනීමෙන් පසු ව කියුබානු සමාජවාදී රාජ්‍යය බිහිකළේ චේ ගෙවේරා ද සමඟ එක් ව සටන් කරමිනි. මේ වනවිට ෆිඩෙල් කස්ත්‍රෝ 84 වන වියේ පසු වේ.

ජපන් න්‍යෂ්ටික බලාගාරයේ විකිරණ මට්ටම් පහතට

Radiation-Leak
භූ කම්පනය හේතුවෙන් ජපානයේ ෆුකුෂිමා න්‍යෂ්ටික බලාගාරයේ ඇති වූ පිපිරීම් නිසා කාන්දු වෙමින් පැවති විකිරණ මට්ටම් අඩු වෙමින් පවතින බව එරට බලධාරීන් පවසයි.

මිනිස් සිරුරට අහිතකර නොවන මට්ටමක් දක්වා මේ වන විට එය පහළ බැස ඇතැයි එරට අමාත්‍ය මණ්ඩල මහ ලේකම් යුකිඕ එඩානෝ මහතා සඳහන් කරයි.

ඔහු පෙන්වා දෙන්නේ මෙම තත්ත්වය ඉතා සමීප ආකාරයෙන් පරීක්ෂා කළ යුතු වුවත් මේ වන විට සංකේන්ද්‍රණය වූ විකිරණශීලී ද්‍රව්‍ය සිව්වන ප්‍රතික්‍රියාකාරකයෙන් නිතර විමෝචනය නොවන බවයි.

එහෙත් මීට පෙර ඇති වූ ගින්නෙන් හා පිපිරීම්වලින් අනතුරුදායක විකිරණශීලී ද්‍රව්‍ය පිටවූවා ද යන්න නිශ්චිත ව සඳහන් කළ නොහැකි බව එරට බලධාරීහු පවසති.

පසුගිය දා ඇති වූ භූ කම්පනයෙන් පසු ව මෙම න්‍යෂ්ටික බලාගාරයේ ප්‍රතික්‍රියාකාරක තුනක සිසිලන පද්ධති අක්‍රීය වූ අතර ඒ සමඟ බලාගාරයේ විකිරණ මට්ටම් මිනිස් සිරුරට අහිතකර අන්දමින් ඉහළ ගියේය.

මේ නිසා බලාගාරයේ අත්‍යවශ්‍ය සිසිලන කටයුතු සඳහා කාර්ය මණ්ඩලයෙන් 50ක පමණ පිරිසක් හැර ඉතුරු පිරිස ද ඉන් ඉවත් කිරීමට පියවර ගැනුණි.

ජපානයේ භූකම්පාවෙන් මියගිය ගණන 1600 ඉක්මවන ලකුණු

අතුරුදහන් ව ඇති ගණන 10000ක්

ජපානයේ ප්‍රබල භූකම්පනයෙන් පසු ව වෙරළබඩ සෙන්දායි ප්‍රදේශයෙන් වාර්තාවන මියගොස් ඇති හා අතුරුදහන් සංඛ්‍යාව 1600 ඉක්මවා ඇතැයි ද සමස්ත අතුරුදන් වූවන්ගේ ගණන සළකා බලන විට මියගොස් ඇති ගණන 10000කට වැඩිවනු ඇති බවද මේ වනවිට ජපානයෙන් ලැබෙන වාර්තාවල සඳහන් වේ.

මේ භූමිකම්පාව 1900 වසරේ සිට ලොව ඇති වූ පස්වැනි දරුණු ම භූමිකම්පාව ලෙස නම් කර තිබේ. එහි චලනය ජපානයේ කිලෝමීටර් 2100ක ප්‍රදේශයකට දැනී ඇත.

ෆුකුෂිමා කලාපයේ අතුරුදහන් ව ඇති ගණන 1167ක් බව වාර්තා වේ. පානීය හා අත්‍යවශය ආහාර ලබාගැනීමට විපතට පත් ජනතාව පෙළ ගැසී සිටින බව ද වාර්තාවේ.

නැඟෙනහිර වෙරළබඩ මහාමාර්ග අවහිර වී ඇති අතර දූරකතන සම්බන්ධතා ඇණහිට තිබේ. ජපාන ජනගහණයෙන් 4%ක් වන මිලියන 2.5ක ජනතාවකට විදුලිබලය විසන්ධි වී ඇත. දිනකට මිලියන 10ක ජනතාවකට සේවා සැපයූ ඊසාන දෙසට ධාවනය වන දුම්රිය සේවා නතර කර ඇත. ටෝකියෝ නරිටා ගුවන්තොටුපොළ දින නියමයක් නැතිව වසා දමා තිබේ.

ත්සුනාමි ව්‍යසනයෙන් පසු ව ෆුකුෂිමාහි පිහිටි න්‍යෂ්ටික බලාගාර තුනක් අක්‍රීය ව ඇති අතර අංක 1 දරණ න්‍යෂ්ටික ප්‍රතික්‍රියාකාරකයේ සිහිලන පද්ධතිය පසුගිය සිකුරාදා පුපුරා විනාශ විණි. අද (13) අංක 3 දරණ ප්‍රතික්‍රියාකාරකයේ සිහිලන පද්ධතිය ද අක්‍රීය වූ අතර මුහුදු වතුර සහ බොරොන් මූලද්‍රව්‍යය එයට නල මඟින් ඉසීමට කම්කරුවන් පියවරගෙන තිබේ. නමුත් එය ද පුපුරායෑමට ඉඩ ඇති බව බලධාරීන් පවසා තිබේ.

ඒ සමඟ ම විකිරණ බලපෑමක් ප්‍රදේශයේ ඇති වූ හෙයින් වහාම පළාතේ ජනතාව ඉවත්කිරීමට පියවර ගැනිණි. විදෙස් වාර්තාවලට අනුව පුද්ගලයින් 160ක් පමණ විකිරණවලට නිරාවරණය වී ඇතිදැයි පරීක්ෂාවලට ලක්කර ඇති අතර 19ක් එයට ගොදුරු වී රෝහල් ගතකර ඇතැයි ද පැවසේ. විකිරණ බලපෑමෙන් මුදා ගැනීමට එහි 210000ක ජනතාවක් ඉවත්කර ඇති අතර ඔවුන් ව තාවකාලික කඳවුරුවලට යොමු කර ඇත.

මිනමිසංරිකු තොටුපොළ ආශ්‍රිත ව ඇති මියාගි පළාතේ පමණක් 10000ක් අතුරුදහන් ව තිබෙන බව වාර්තා වේ. ලක්ෂයක බලකායක් රජය විසින් සහන සේවා සඳහා යොදවා තිබේ.

ටොයොටා මෝටර්රථ සමාගම සිය දේශීය නිෂ්පාදන කම්හල් 12ක කටයුතු අත්හිටුවීමට තීරණය කර ඇත. නිසාන් සමාගම සිය කම්හල් 3ක ද හොන්ඩා සමාගම කම්හල් 3ක ද නිෂ්පාදන කටයුතු අත්හිටුවීමට තීරණය කර ඇත.

රටවල් 48ක් සහ යුරෝපා සංගමයද ජපානයට සහනාධාර සැපයීමට ඉදිරිපත් ව සිටී. සහන සේවා සඳහා ජපාන ආරක්ෂක අංශ වෙත සහය දීමට අමෙරිකානු ආරක්ෂක අංශ ද මේ වනවිට ජපානයට පැමිණ තිබේ. චීනය ද සිය සහන කණ්ඩායම් ජපානය වෙත එවා අතැයි වාර්තා වේ.

හවායි දූපත්, කැලිෆෝර්නියාව, ඉන්දුනීසියාව, දකුණු පැසිපික් දූපත්, නවසීලන්තයේ උතුරුදිග හා ටොන්ගා යන රටවලට ද එම භූකම්පනයෙන් පසු ව ඇති වූ උදම්රළ (ත්සුනාමි) ගලා ඒමෙන් බලපෑම් ඇති වී තිබේ.

ජපානයට මීට පෙර 1923 දී ඇති වූ 8.3ක භූමිකම්පාවෙන් 143,000ක් මියගොස් තිබෙන අතර 1995 දී කෝබේ පළාතේ ඇති වූ 7.2ක භූමි කම්පාවෙන් 6400ක් මියගොස් තිබේ.

පැසිපික් සයුරේ ප්‍රබල භූ කම්පනයක්

20110110.jpgතදබල භූමි කම්පාවක් පැසිපික් සාගරයේ ඔස්ට්‍රේලියාවට ඊසාන දෙසින් පිහිටි වනාටෝ දූපත් නුදුරු ව සිදු ව ඇති බව එක්සත් ජනපද භූවිද්‍යා සමීක්ෂණ ආයතනය වාර්තා කරයි. නමුත් සුනාමි අනතුරු ඇඟවීමක් නිකුත් කර නැත.

මේ භූ කම්පනය රිච්ටර් මාපකයේ 6.6ක ප්‍රබලත්වයකින් යුතු බව ඊයේ පළමුව වාර්තා කළ ද අද (10) වාර්තාවන්නේ එය 6.9කින් යුක්ත බවය. සාගර පතුලේ සිදු ව ඇති එහි එපිකේන්ද්‍රයේ ගැඹුර කිලෝමීටර් 31.1කි.

මේ වනතුරු අනතුරු කිසිවක් වාර්තා නො වේ. කැලිෆෝර්නියා, ඔරිගන්, වොසින්ටන්, බ්‍රිටිෂ් කොළොම්බියා හෝ ඇලස්කා වෙරළබඩ පෙදෙස්වලට ඉන් හානියක් සිදු නො වන බව විදෙස් වාර්තා පවසයි.

අනාවැකි කියූ ‘පෝල්’ බූවල්ලා මියයයි

Imageමෙවර ලෝක පාපන්දු තරගාවලියේදී අනාවැකි පළ කරන ලද ‘පෝල්’ නමැති බූවල්ලා මියගොස් ඇත. ‍

මෙම බූවල්ලා මියගොස් ඇති බව දැනගැනීමෙන් තමන් ඉතා කණගාටුවට පත්වූ බව බූවල්ලා වාසය කළ ජර්මනියේ සමුද්‍ර ජීවී මධ්‍යස්ථානයේ කාර්ය මණ්ඩලය පවසයි.
මෙවර ලෝක පාපන්දු තරගාවලියේදී ජයග්‍රහණය කරන රටවල් පිළිබඳව සාර්ථක ලෙස අනාවැකි පළ කළ මෙම බූවල්ලා ලොව පුරා ජනතාව අතර ජනාදරයට පත්විය.

සාමාන්‍යයෙන් බූවල්ලෙකුගේ ආයු කාලය වසර දෙකකට අධික නොවන බැවින් මෙය සාමාන්‍ය තත්ත්වයක් බව එම කාර්ය මණ්ඩලය පෙන්වා දෙයි. මියයන විට පෝල්ගේ වයස අවුරුදු දෙක හමාරක් පමණ වී ඇත.

මෙම බූවල්ලා සිහිවීම පිණිස ඔහු වාසය කළ සමුද්‍ර ජීවී මධ්‍යස්ථානයේ ස්මාරකයක් ඉදිකිරීමට තීරණය කර ඇත.

චිලී පතල් කම්කරුවන් ගොඩට ගැනීමට සූදානම්

Imageමහ පොළොවේ සිට මීටර 700ක් ගැඹුරින් වූ ආකරයක සිර වී සිටින චිලී පතල් කම්කරුවන් 33 දෙනා මුදාගැනීමේ මෙහෙයුම් අඛණ්ඩ ව ක්‍රියාත්මක කරන අතර ලබන බදාදා ඔවුන් ඉන් ඉවතට ගැනීමට අපේක්ෂා කරන බව විදෙස් වාර්තා පවසයි.

පතල්කරුවන් මුදාගැනීම සඳහා කැණීම් කරන ලද බිම් මාර්ගය මේ වන විට ඔවුන් සිටි ස්ථානයට ළඟා වී ඇති බව වාර්තා වේ.

මෙම බිම් මාර්ගය ඔස්සේ පතල තුළට යවන කුටීරය මතුපිටට තවත් ලෝහ ආවරණයක් යෙදීමට සිදු ව ඇති අතර පතල් කම්කරුවන් මතුපිටට ගෙන ඒම  ලබන බදාදා ආරම්භ කරනු ඇතැයි ද ඒ සඳහා පැය 48ක් කාලයක් ගතවනු ඇතැයි ද චිලී පතල් කටයුතු අමාත්‍යවරයා සඳහන් කරයි.

කොටසක් කඩා වැටී ගල් සිර වී ඇති ආකරයේ සිටින කම්කරුවන් වෙත ළඟා වීම සඳහා කනිණ ලද කුහරය ඔස්සේ විශේෂ ලෝහ කුටීරයක් යවා පතල්කරුවන් ගොඩට ගෙන ඒමට සැලසුම් කර ඇත.

උමං මාර්ගය පතල්කරුවන් හා සම්බන්ධ කරන අවසන් පියවර පරීක්ෂාකාරී ව සිදුකළ යුතු බව චිලී පතල් අමාත්‍යවරයා සඳහන් කරයි.

එම අවස්ථාවේ දී පතල්කරුවන් කිසිවෙකුට හානියක් සිදු නො වන බව සහතික කරලීම සඳහා කැමරාවක් ද එය තුළට යවනු ලැබේ.

සන්තියාගෝ අගනුවර සිට සැතපුම් 450ක් පමණ උතුරින් වූ කොපියාපෝ පතලේ පසුගිය අගෝස්තු 05 වැනිදා සිට මෙම පතල්කරුවන් 33 දෙනා සිරවී සිටී.  පතල්කරුවන් තවදුරටත් ජීවත්වන බව පසුගිය අගෝස්තු 22 දා අනාවරණය වූ  අතර ඔවුහු  දැන් චිලී රටේ වීරයන් බවට පත් වී ඇත.

කොපියාපෝ පතුල මතුපිට කඳවුරක ඔවුන්ගේ නෑ හිතවතුන් නො ඉවසිල්ලෙන් බලා සිටින  බව ද වාර්තා වේ. මේ අතර පතල්කරුවන් මුදාගැනීමේ මෙහෙයුම වාර්තා කිරීම සඳහා ලොවපුරා මාධ්‍යවේදීන් සිය ගණනක් මේ වන විට චිලී දේශයට පැමිණ ඇති බව ද වාර්තා වේ.

JPAGE_CURRENT_OF_TOTAL