ලෝක කාන්තා දිනය ගතවී දින කිහිපයක් ගෙවුනා පමණි. ලෝකයේම අවධානය ඉන්දියාව දෙසට යොමුවෙමින් තිබේ. ඒ අනෙකක් නිසා නොවේ. ඉන්දීය දේශපාලනය හා කාන්තා පරපුර නව මාවතකට යොමු කරමින් ඉන්දීය පාර්ලමේන්තුව නව තීරණයකට එළඹීම එයට හේතුවයි. ඉන්දීය කාන්තාව සදහා එරට දේශපාලනය තුල 33% ක් වෙන්කිරීමේ යෝජනාව ඊයේ එරට පාර්ලිමේන්තුවේදී සම්මත විය. පැය තුනක් පුරා පැවති විවාදයෙන් පසු මෙම යෝජනාව සම්මත විය.
මේ අතර රුසියානු අග්රාමාත්ය ව්ලැඩ්මීර් පුටින් අද ඉන්දීය සංචාරයක නිරත වීමට නියමිතය. 1950 පටන් දෙරට අතර තිබූ සබදතා මේ හේතුවෙන් තවදුරටත් ශක්තිමත් වන බව විචාරකයන්ගේ අදහසය. අගමැතිවරයා මෙහිදී අවි ගණුදෙනු ඇතුළු ගිවිසුම් රැසක් අත්සන් කිරීමට නියමිතව ඇත. මෙම ගිවිසුම්වල වටිනාකම ඩොලර් බිලියන 10 කට වැඩි බව වාර්තා වෙයි. තමිල්නාඩුවේ න්යෂ්ටික බලාගාරය පිළිබද සොයාබැලීමට අගමැතිවරයා තීරණය කර ඇත.
ඉන්දියාවට ආයුධ සපයන්නන් අතර ඉදිරියෙන්ම සිටින්නේ රුසියාවයි.
