Tuesday, 23 January 2018

එක්සත් ජාතීන්ගේ වෙසක් සැමරුම් උළෙල අද

Posted On Friday, 12 May 2017 06:25

එක්සත් ජාතීන්ගේ 14වෙනි වෙසක් දින සැමරුම් උළෙල සහ ලෝක බෞද්ධ සමුළුව අද (12) පෙරවරු 9.00ට කොළඹ, බණ්ඩාරනායක අනුස්මරණ ජාත්‍යන්තර සම්මන්ත්‍ර‍ ශාලාවේදී ආරම්භ වේ.


" සමාජ සාධාරණත්වය සහ තිරසාර ලෝක සාමය හා බුදුදහම" යන තේමාව යටතේ මැයි 14වන දා දක්වා පැවැත්වෙන මෙම උළෙලේ ආරම්භක සැසිවාරයේ ප්‍රධාන ආරාධිත අමුත්තා වන්නේ ඉන්දීය අග්‍රාමාත්‍ය නරේන්ද්‍ර‍ මෝදි මහතාය.

රටවල් 85කට අයත් බෞද්ධ නියෝජිතයින් දහසකට අධික පිරිසක් හා රාජ්‍ය නායකයින්  ගණනාවක් ද මෙම උළෙලට සහභාගී වෙති.

ජනාධිපති මෛත්‍රීපාල සිරිසේන, අග්‍රාමාත්‍ය රනිල් වික්‍ර‍සිංහ හා අධිකරණ සහ බුද්ධ ශාසන අමාත්‍ය ආචාර්ය විජේදාස රාජපක්ෂ යන මහත්වරු මෙම සමුළුව අමතන අතර විශේෂ දේශනය ඉන්දීය අග්‍රාමාත්‍ය නරේන්ද්‍ර‍ මෝදි මහතා විසින් පවත්වනු ඇත.

ත්‍රෛනිකායික මහානායක හිමිවරුන් හා විදේශීය සංඝරාජ නාහිමිවරුන් සහ අන්‍යාගමික නායකයෝද මෙම අවස්ථාවට සහභාගි වෙති.

ගතානුගතිකත්වයෙන් මිදී යහපත් ගමනක් යන්න අදහස් කරමු. නිර්මාණශීලී බව අපේ ව්‍යායාමයේ ප්‍රධාන ලක්‍ෂණයක් වනු ඇත.

Newsletter

Subscribe to our newsletter. Don’t miss any news or stories.

We do not spam!