Monday, 24 July 2017

ශ්‍රම බල ඉල්ලුම පිළිබඳ සමීක්ෂණයක්

Posted On Thursday, 06 July 2017 05:18

ශ්‍රම බල ඉල්ලුම පිළිබඳ සංඛ්‍යාති පිළියෙළ කිරීම සඳහා ප්‍රථමවරට පෞද්ගලික හා අවිධිමත් අංශයේ ශ්‍රම බල ඉල්ලුම පිළිබඳ සමීක්ෂණයක් ජුලි මාසයේ දී පැවැත්වීමට ජනලේඛන හා සංඛ්‍යාලේඛන දෙපාර්තමේන්තුව කටයුතු යොදා ඇත.
 


මෙම සමීක්ෂණය සඳහා ආයතන 3500ක් විධිමත් නියදි තේරීමේ තාක්ෂණික ක්‍රමවේදයන්ට අනුව තෝරාගෙන ඇත. එසේ තෝරාගෙන ඇති ආයතන වෙත  ජනලේඛන හා සංඛ්‍යාලේඛන දෙපාර්තමේන්තුවේ නිලධාරීන් පැමිණ විස්තරාත්මක දත්ත රැස්කිරීම සිදු කරනු ඇත.
 
මෙම සමීක්ෂණයේ දී ශ්‍රම බල ඉල්ලුමට අදාළ වැදගත් ක්ෂේත්‍ර කිහිපයක් සම්බන්ධව තොරතුරු රැස්කරනු ලබන අතර ඒ යටතේ වැඩිවශයෙන් පුරප්පාඩු පවතින්නේ කවර රැකියාවලද? ඒ සඳහා අවශ්‍ය අධ්‍යාපන හා වෘත්තීය සුදුසුකම් මොනවාද? එම සුදුසුකම් සපුරාලීමට දැනට පවතින රාජ්‍ය හා පෞද්ගලික අධ්‍යාපන ආයතනවල දායකත්වය කෙබඳුද? අනාගත අපේක්ෂිත බඳවාගැනීම් පිළිබඳ පුරෝකථන, එක් එක් රැකියා කාණ්ඩ යටතේ දැනට පවතින වැටුප් පරිමා ආදිය පිළිබඳ ව තොරතුරු රැස්කිරීමට නියමිතය.
 
ජනලේඛන හා සංඛ්‍යාලේඛන දෙපාර්තමේන්තුව මගින් මෙම තොරතුරු රැස්කරනු ලබන්නේ සංඛ්‍යාලේඛන ආඥා පනතේ විධිවිධානවලට අනුව වන අතර සමීක්ෂණය සඳහා තේරී ඇති ආයතන විසින් ලබාදෙනු ලබන තොරතුරුවල රහස්‍යභාවය මුළුමනින්ම ආරක්ෂා කරනු ලැබේ. එමෙන් ම මෙම තොරතුරු සංඛ්‍යාති පිළිවෙළ කිරීමට පමණක් භාවිත කරනු ලබන අතර කිසිම හේතුවක් නිසාවත් මෙලෙස සපයනු ලබන තොරතුරු වෙනත් කිසිම පුද්ගලයෙකුට හෝ පාර්ශවයකට ලබානොදෙන බවද එම දෙපාර්තමේන්තුව සඳහන් කරයි.

ගතානුගතිකත්වයෙන් මිදී යහපත් ගමනක් යන්න අදහස් කරමු. නිර්මාණශීලී බව අපේ ව්‍යායාමයේ ප්‍රධාන ලක්‍ෂණයක් වනු ඇත.

Newsletter

Subscribe to our newsletter. Don’t miss any news or stories.

We do not spam!