Friday, 19 October 2018

ඉන්ෆ්ලුවෙන්සා සඳහා එන්නතක් භාවිතය අභියෝගයක් - විශේෂඥ වෛද්‍ය ජූඩ් ජයමහ

Posted On Tuesday, 05 June 2018 05:18
ඉන්ෆ්ලුවෙන්සා වෛරසය රුබෙල්ලා, සරම්ප වැනි වෛරස තත්ත්වයක් නොවන බවත් ඉන්ෆ්ලුවෙන්සා වෛරසය තම ස්වරූපය අභ්‍යන්තර වශයෙන් මෙන් ම බාහිර වශයෙන් ද වෙනස්කරගන්නා සුවිශේෂ වෛරස තත්ත්වයක් බැවින් ඒ සඳහා එන්නතක් භාවිත කිරීම අභියෝගයක් බව වෛද්‍ය පර්යේෂණ ආයතනයේ වෛරස් රෝග විශේෂඥ වෛද්‍ය ජූඩ් ජයමහ මහතා පැවසීය.
 
ඒ මහතා මේ බව පැවසුවේ ඊයේ (04) සෞඛ්‍ය අමාත්‍යංශයේ පැවැති ප්‍රවෘත්ති සාකච්ඡාවකට එක්වෙමිනි.
 
වෛද්‍ය පර්යේෂණ ආයතනය වෙත ලැබුණු සෙම් පටල අති නවීන මවුලික පරීක්ෂවලට භාජනය කිරීම හරහා ප්‍රධාන වශයෙන් ඉන්ෆ්ලුවෙන්සා A වෛරසය හඳුනාගෙන ඇති බවත් සුළු වශයෙන් RSV හා ඇඩිනෝ වෛරසය හමු වූ අවස්ථාවන් ද ඇති බව පෙන්වාදෙන වෛරස් රෝග විශේෂඥ වෛද්‍යවරයා මෙම කාලය සාමාන්‍ය වශයෙන් මෙම වෛරසය පැතිරීම සිදුවීම වසර 10ක පමණ සිට හඳුනාගෙන ඇතැයි ද පැවසීය.
 
වැඩිදුර පරීක්ෂණ කටයුතු සඳහා සෙම්පටල හොංකොං වෙත යවා ඇතැයි ද පෙන්වාදුන් ඒ මහතා මෙම වෛසරය සඳහා එන්නතක් ලබාදීමට කටයුතු කරන්නේ නම් එය වාර්ෂිකව ලබාදීමට කටයුතු කළ යුතු බවත් එන්නතක් දිය යුතුද නැද්ද යන්න සියලු ම සුවිශේෂි ලෙසින් සැලකිල්ලට ගත යුතු බවත් වැඩිදුරටත් පෙන්වා දුනි.
 

ගතානුගතිකත්වයෙන් මිදී යහපත් ගමනක් යන්න අදහස් කරමු. නිර්මාණශීලී බව අපේ ව්‍යායාමයේ ප්‍රධාන ලක්‍ෂණයක් වනු ඇත.

Newsletter

Subscribe to our newsletter. Don’t miss any news or stories.

We do not spam!