ගෙවුණු සතියේ මෙරට ප්‍රධාන පාරිභෝගික භාණ්ඩ කිහිපයකම මිල ගණන් ඉහළ නැංවුණි.
පාලන මිල ඉවත්කිරීමත් සමග මුලින්ම ඉහළ ගියේ හාල් මිලය. ඉන් පසු ගෑස් මිල, කිරිපිටි, තිරිඟුපිටි , සිමෙන්ති හා පාන් ගෙඩියක් රුපියල් 5 කින් මිල වැඩිකෙරුණි.
මෙලෙස ආහාර ඇතුළු අත්‍යවශ්‍ය ද්‍රව්‍ය රැසක මිල ඉහළ යාමත් සමඟ වඩාත් දුෂ්කරතාවට මුහුණ දෙන්නේ පාරිභෝගිකයාය.
මේ තත්ත්වයට විරෝධය පළකරමින් ප්‍රදේශ කිහිපයකම ජනතාව මෙන්ම දේශපාලන පක්ෂ ද විරෝධතා පැවැත්වුණි.