Monday, 20 November 2017

බදුල්ලේ මාර්ග නීති කඩකරන්නන් ඇල්ලීමට සී.සී.ටී.වී.

Posted On Thursday, 21 September 2017 05:17

බදුල්ල කොට්ඨාස රථවාහන අංශයේ යතුරුපැදී ඒකකයේ යතුරුපැදිවල ආරක්ෂිත කැමරා සවිකිරීමට බදුල්ල පොලිස් කොට්ඨාස රථවාහන අංශය පියවර ගෙන ඇති බව බදුල්ල පොලිස් කොට්ඨාස රථවාහන අංශයේ ස්ථානාධිපති පොලිස් පරීක්ෂක ඊ.එම්.පියරත්න මහතා පැවසීය.


මාර්ග නීති කඩකරමින් වාහන ධාවනය කරන්නන් සහ මාර්ගය ආශ්‍රිතව සිදුවන විවිධ වැරදි හඳුනාගැනීමේ පහසුව උදෙසා මෙය ක්‍රියාත්මක කරනු ලබන බව ඒ මහතා සඳහන් කළේය.

විශේෂයෙන් ඇතැම් රියදුරන් අතින් සිදුවන රථවාහන වැරදි ප්‍රතික්ෂේප කරන අවස්ථාවලදී සාක්ෂියක් ලෙස මෙන්ම අල්ලස් ගැනීම වැනි රථවාහන අංශයේ පොලිස් නිලධාරීන් වෙත එල්ලවන  චෝදනා සනාථ කරගැනීම වැනි අවස්ථාවලදි මෙම ආරක්ෂිත කැමරා දර්ශන උපයෝගී වන බව පොලිස් පරීක්ෂකවරයා වැඩිදුරටත් පැවසීය.

බදුල්ල දිස්ත්‍රික් මාධ්‍ය ඒකකය

ගතානුගතිකත්වයෙන් මිදී යහපත් ගමනක් යන්න අදහස් කරමු. නිර්මාණශීලී බව අපේ ව්‍යායාමයේ ප්‍රධාන ලක්‍ෂණයක් වනු ඇත.

Newsletter

Subscribe to our newsletter. Don’t miss any news or stories.

We do not spam!