හිටපු ජනාධිපති මෛත්‍රීපාල සිරිසේන මහතා සහ හිටපු ආරක්ෂක ලේකම් ගෝඨාභය රාජපක්ෂ මහතා ඝාතනය කිරීමට කුමන්ත්‍රණය කළ බවට එල්ල වී ඇති පැමිණිල්ලකට අදාළව ත්‍රස්ත විමර්ශන කොට්ඨාශයේ හිටපු නියෝජ්‍ය පොලිස්පති නාලක ද සිල්වා මහතාට එරෙහි මහේස්ත්‍රාත් පරීක්ෂණය ජූලි 19 වැනි දිනට කල් දමා ඇත. කොළඹ කොටුව මහේස්ත්‍රාත් අධිකරණය විසින් අද (31) දින නියම කළේය. මෙම ඝාතන සැලැස්මට අදාළව සිදුකෙරෙන විමර්ශනවල ප්‍රගතිය මීළඟ නඩු දිනයේදී ඇගැයීමට නියමිතය.
මෙම සිද්ධිය සම්බන්ධයෙන් මත්ද්‍රව්‍ය ජාවාරම්කරු මාකඳුරේ සමඟ නාලක සිල්වාට ඇති සම්බන්ධය හඳුනාගැනීම සඳහා පරීක්ෂණයක් පවත්වන බව අපරාධ පරීක්ෂණ දෙපාර්තමේන්තුව මීට පෙර අධිකරණයට දැනුම් දී තිබුණි.
මෙම සිද්ධිය සම්බන්ධයෙන් දූෂණ විරෝධී ව්‍යාපාරයේ මෙහෙයුම් අධ්‍යක්ෂ නාමල් කුමාර මහතා විසින් කරන ලද පැමිණිල්ලකට අනුව අපරාධ පරීක්ෂණ දෙපාර්තමේන්තුව පරීක්ෂණ ආරම්භ කර ඇත.