සාගරයට හානි සිදුකිරීම සම්බන්ධයෙන් කොළඹ මහාධිකරණය හමුවේ අධිචෝදනා ලැබ සිටින ගිනිගෙන විනාශ වූ MV X-Press Pearl බහාලුම් නෞකාවේ කපිතාන් ඇතුළු විත්තිකරුවන් 8 දෙනෙකු තමන්ට එරෙහිව ගොනු කර ඇති චෝදනාවලට එරෙහිව අදමූලික විරෝධතා ඉදිරිපත් කර ඇත.

විත්තිකරු වෙනුවෙන් පෙනී සිටි විත්තියේ නීතීඥවරයා චෝදනාව පවත්වාගෙන යාමේ හැකියාව අභියෝගයට ලක් කරමින් නඩුවිභාගය කඩිනම් කරන ලෙස අධිකරණයට ඉදිරිපත් කළේය.

මහාධිකරණ විනිසුරු දමිත් තොටවත්ත ලිඛිත විරෝධතා සඳහා නඩුව ජුනි 23 වැනි දිනට නියම කර ඇත.

සමුද්‍ර දූෂණය වැලැක්වීමේ පනත යටතේ වැරදි සිදු කළ බවට විත්තිකරුවන් අට දෙනකුට එරෙහිව නීතිපතිවරයා අධි චෝදනාගොනු කර තිබිණි.

මෙම නඩුවේදී MV X-Press Perl නමැති බහාලුම් නෞකාවේ කපිතාන්වරයා, Sea Consortium Lanka (Pvt) Ltd හි තවත්අධ්‍යක්ෂවරුන් 4 දෙනෙකු සහ X-Press Perl හි දේශීය නියෝජිතයා ඇතුළු අට දෙනෙකු විත්තිකරුවන් ලෙස නීතිපතිවරයා විසින්නම් කර තිබුණි.

2021 මැයි 20 වන දින, ඉන්දියාවේ හසිරා වරායේ සිට බහාලුම් 1,486 ක් සමඟ සිංගප්පූරුව බලා යමින් තිබූ 'MV X-Press Pearl" නෞකාව කොළඹ වරායට ඇතුළු වීමට බලා සිටි අතර වයඹ දෙසින් නාවික සැතපුම් 9.5 ක් පමණ නැංගුරම් ලා තිබියදීගින්නට හසු විය.