කොළඹ යුධ හමුදා රෝහලේදී සිදු කරන ලද ශල්‍යකර්මයකින් ලොව විශාලතම සහ බරම වකුගඩු ගල ඉවත් කරන ලදී. මෙම සැත්කම ගිනස් වාර්තා පොතට ඇතුළත් වී ඇත.

කොළඹ යුධ හමුදා රෝහලේ අංශ ප්‍රධානී මුත්‍රා රෝග විශේෂඥ වෛද්‍ය ලුතිනන් කර්නල් (වෛද්‍ය) කේ. සුතාර්ෂන්, කපිතාන් (වෛද්‍ය) ඩබ්ලිව්.පී.එස්.සී. පතිරත්න සහ ආචාර්ය තමෂා ප්‍රේමතිලක සමඟ එක්ව ශල්‍යකර්මයේ මූලිකත්වය ගෙන කටයුතු කළේය.

ඉවත් කරන ලද ගලෙහි දිග සෙන්ටිමීටර 13.372 ක් වන අතර බර ග්‍රෑම් 801 කි. දැනට පවතින ගිනස් ලෝක වාර්තාවට අනුව, ලෝකයේ විශාලතම වකුගඩු ගල (2004 දී ඉන්දියාව) සෙන්ටිමීටර 13 ක් වන අතර, (2008 දී පකිස්ථානය) සොයාගත් බරම වකුගඩු ගල් (2008 දී පකිස්ථානය) බර ග්‍රෑම් 620 කි.