ක්‍රිකට් වෙනුවට කැසිනෝ තෝරාගත් නිලධාරීන් විමර්ෂණයට
පකිස්ථානයේ කණ්ඩායම් මාධ්‍ය කළමණාකරු උමාර් ෆාරුක් කල්සන් සහ කළමණාකරු(ජාත්‍යන්තර ක්‍රිකට්) අදන් අලි කොළඹ කැසිනෝ ශාලාවකට පැමිණි අවස්ථාවක රහසිගත ඡායාරූප සහ වීඩියෝ මතුවීමෙන් පසු ඔවුන් විමර්ශනයට ලක්ව සිටිති.
2023 ආසියානු කුසලානය සඳහා පකිස්ථානු කණ්ඩායමේ නියෝජිතයන් ලෙස මෙම නිලධාරීන් දෙදෙනාම කොළඹට පැමිණ සිටින අතර, ඔවුන්ගේ කැසිනෝ සූදුව පකිස්තානයේ සංචාර චර්යාධර්ම සංග්‍රහය උල්ලංඝනය කරන බැවින් ICC හි දූෂණ විරෝධී ඒකකයේ කනස්සල්ල මතු කර ඇත.
පාකිස්තාන රසිකයන් සමාජ මාධ්‍යවල මෙම නිලධාරීන්ගේ හැසිරීම විවේචනය කර ඇති අතර, ඔවුන්ගේ පරිණතභාවය සහ සූදු ක්‍රියාකාරකම්වල නොසැලකිලිමත්කම දරුණු ලෙස ප්‍රශ්න කරති.
තරඟාවලිය අතරතුර කැසිනෝ ශාලාවකට යාමේදී PCB නිලධාරීන් දෙදෙනාගේ වගකීම් විරහිත හැසිරීම පිළිබඳව හිටපු ටෙස්ට් ආරම්භක පිතිකරු මෝෂින් ඛාන් ද විමතිය පළ කළේය.
2015 ඕස්ට්‍රේලියාවේ සහ නවසීලන්තයේ පැවති ලෝක කුසලාන තරඟාවලියේදී, කණ්ඩායමේ කළමනාකරු සහ ප්‍රධාන තේරීම් කමිටු
නිලධාරියා වූ පාකිස්තානයේ හිටපු නායක මොයින් ඛාන්, ඔහු සහ ඔහුගේ බිරිඳ කැසිනෝ ශාලාවකදී නිරීක්ෂණය කිරීමෙන් පසු තරඟාවලිය මැදදී නැවත පාකිස්තානයට කැඳවනු ලැබ තිබීම හාස්‍යයට කරුණක් බව දැක්වේ. මෙම පිරිස රාත්‍රී ආහාරය ගැනීමට ගිය බව පවසමින් මොයින් සිය නිර්දෝෂීභාවය ප්‍රකාශ කළ නමුත් එවකට PCB සභාපති ෂහාරියාර් ඛාන් එම අවස්ථාවේ දී පැහැදිලිවම කියා සිටියේ මොයින් කණ්ඩායමේ සහ ඔහුගේ ගිවිසුම්ගත ආචාර ධර්ම පද්ධතිය කඩ කර ඇති බවයි.