උතුරු පළාත් සෞඛ්‍ය සේවා අධ්‍යක්ෂ වෛද්‍ය ටී සත්‍යමූර්ති මහතාගේ නියෝගයකට අනුව උතුරු පළාතේ සෞඛ්‍ය සේවකයින්ට රාජකාරියේ යෙදී සිටින අතරතුර සමාජ මාධ්‍ය භාවිත කිරීම වහාම තහනම් කර තිබේ.
සෞඛ්‍ය සේවකයින් නිතර සමාජ මාධ්‍යවල ගැවසෙන බවට රෝගීන්ගෙන් පැමිණිලි රැසක් තමන්ට ලැබුණු බවත්, මෙම තත්ත්වය හේතුවෙන් රෝගීන් පිළිබඳව නිසි අවධානයක් නොමැති බවට පැමිණිිලි ලැබී ඇති බවත් වෛද්‍ය සත්‍යමූර්ති මහතා දක්වයි. කෙසේ වෙතත් රාජකාරි කටයුතු සඳහා ජංගම දුරකථන භාවිත කිරීමට අවසර ලබාදී ඇත.