ශ්‍රී ලංකාවේ තවදුරටත් සංවර්ධනය සඳහා ඇමරිකානු ඩොලර් මිලියන 19 කට අධික අතිරේක අරමුදල් සපයන බව ඇමරිකා එක්සත් ජනපදය නිවේදනය කර ඇත.

එක්සත් ජනපද ඩොලර් මිලියන 19.23 (රුපියල් බිලියන 6.2) ක් පිරිනමන්නට ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනය සහ ශ්‍රී ලංකා රජය අතර සංවර්ධන අරමුණු ප්‍රදාන ගිවිසුම අනුව සූදානම් බව කොළඹ එක්සත් ජනපද තානාපති කාර්යාලය නිකුත් කළ නිවේදනයක දැක්වේ.

මෙම සංවර්ධන ආධාරය ආර්ථික වර්ධනයට සහ ප්‍රජාතන්ත්‍රවාදී පාලන ක්‍රියාකාරකම්වලට සහය වන අතර ශ්‍රී ලංකාව සමඟ ඇති හවුල්කාරිත්වයට සහ කල්පවත්නා මිනිසුන්-ජනතාව අතර සබඳතා ගොඩනඟා ගැනීමට එක්සත් ජනපදයේ පවතින කැපවීම පෙන්නුම් කරයි.