ඉන්දියාව සහ ශ්‍රී ලංකාව අතර මගී යාත්‍රා සේවාවක් සඳහා කන්කසන්තුරේ වරායේ පර්යන්තය අවසන්.
ලං.වි.ම පෞද්ගලීකරණය කිරීමේ ආන්ඩුවේ සැලසුමට එරෙහිව ජූනි 21 වැනිදා සියලුම ලංවිම සේවකයින් විහාරමහාදේවි උද්‍යානයට රැස්වී දැවැන්ත විරෝධතාවයක් පවත්වන බව ලං.වි.ම වෘත්තීය සමිති සන්ධානයේ සභාපති රන්ජන් ජයලාල් මහතා පවසයි.
ලං.වි.ම පෞද්ගලීකරණයට එරෙහිව මෙම විරෝධතාවයට දේශපාලන භේදයකින් තොරව ලං.වි.ම සේවකයින් එක්වන බවද ඔහු පැවසීය.
‘’රාජ්‍ය ආයතන 52ක් විදේශ සමාගම්වලට විකිණීමට රජය දැනටමත් සැලසුම් සකස් කර තිබෙනවා. මේ සමහර රාජ්‍ය ආයතන විශාල ලාභයක් ලබනවා.’’ හෙතෙම දක්වයි. ‘’ලක්ෂපාන බලාගාරයෙන් නිපදවන විදුලි ඒකකයක් රජයට වැය වන්නේ ශත 60ක් පමණක් බවත්, නමුත් එම බලාගාරය කොරියානු සමාගමකට විකිණීමට නියමිත බවත් ඔහු පැවසීය.
"මහවැලි බලාගාර අදානි සමූහ ව්‍යාපාරයට විකිණීමට සැලසුම් කර ඇති අතර ලක්විජය බලාගාරය චීනයට විකිණීමට සැලසුම් කර තිබේ", ඔහු පැවසීය.
හොරණ මහේස්ත්‍රාත් චන්දන කලංසූරිය මහතා අද නියෝග කළේ හිටපු පාර්ලිමේන්තු මන්ත්‍රී සහ සමගි ජන බලවේගයේ හොරණ ප්‍රධාන සංවිධායක පී.ඩී. අබේරත්න මහතා රුපියල් මිලියනය බැගින්වූ ශරීර ඇප දෙකක් මත ඇප මත මත නිදහස් හොරණ මහේස්ත්‍රාත් චන්දන කලංසූරිය මහතා අද නියෝග කළේය.
පසුගිය බදාදා (14) තමන්ට අයත් ඉඩමකට රැස්ව සිටි පිරිසක් විසුරුවා හැරීමට ගුවනට වෙඩි තැබූ බව කියන සිද්ධියසම්බන්ධයෙන් අබේරත්න මහතා අත්අඩංගුවට ගෙන ඇත. ඔහුට රටින් පිටවීම තහනම් කළ මහේස්ත්‍රාත්වරයා ඔහුගේ ගිනිඅවියට ආරක්ෂක අමාත්‍යාංශය හරහා නිකුත් කර තිබූ බලපත්‍රයද තාවකාලිකව අත්හිටුවා ඇත.
ඖෂධ වර්ග 60ක මිල ජුනි 26 වැනිදා සිට ක්‍රියාත්මක වන පරිදි සියයට 16කින් අඩු කරමින් සෞඛ්‍ය ඇමති කෙහෙළියරඹුක්වැල්ල මහතා විසින් අතිවිශේෂ ගැසට් නිවේදනයක් නිකුත් කර තිබේ.
මෙම ඖෂධවලට ඇමොක්සිසිලින් සහ ක්ලවුලානික්, ක්ලැරිට්‍රොමිසින්, ඇසිට්‍රොමිසින්, ඇසිට්‍රොමිසින්, ඇටෙනොලෝල්, ඇටෝර්වාස්ටැටින්, ඉන්සියුලින් සහ තයිරොක්සින් ඇතුළත් වේ.
ශ්‍රී ලංකා ටෙලිකොම් හි භාණ්ඩාගාර ලේකම්වරයා සතු කොටස් ඉවත් කිරීමට කිසිදු පියවරක් ගැනීම වළක්වන නියෝගයක් නිකුත්කරන මෙන් ඉල්ලා ගොනු කර තිබූ මූලික අයිතිවාසිකම් පෙත්සම් දෙකක් ශ්‍රේෂ්ඨාධිකරණය විසින් අද (15) ප්‍රතික්ෂේප කර ඇත.
භාණ්ඩාගාර ලේකම්වරයා සතු ශ්‍රී ලංකා ටෙලිකොම් සමාගමේ කොටස් ඉවත් කිරීමට අමාත්‍ය මණ්ඩලය ප්‍රතිපත්තිමය වශයෙන්ගත් තීරණයට එරෙහිව ශ්‍රී ලංකා සියලු විදුලි සංදේශ සේවක සංගමය ඇතුළු පෙත්සම්කරුවන් දෙදෙනෙක් මෙම පෙත්සම් ගොනුකළහ. රජයට අයත් ව්‍යවසාය ප්‍රතිව්‍යුහගත කිරීමේ ඒකකය විසින් එම තීරණය ක්‍රියාත්මක කරන බව පැවසෙන බවපෙත්සම්කරුවෝ ප්‍රකාශ කළහ.