Tuesday, 19 March 2024
දිරිය මිනිස්සු
දිරිය මිනිස්සු

දිරිය මිනිස්සු (20)

පිරිමින්ටත් යන්න අමාරු Rolls Royce ආයතනයේ රැකියාව කරමින්, සුද්දන්ට ගුවන් යානා එන්ජින් හදන්න කියාදෙන ශ්‍රී ලාංකික අපේ කෙල්ල
◼️◼️◼️◼️◼️◼️◼️◼️◼️◼️◼️◼️◼️◼️◼️◼️

• ලෝකයේ ලොකුම ගුවන්යානා අලූත්වැඩියා කිරිමේ මධ්‍යස්ථානය ඉදි වුණේ මගේ උපදෙස් අනුවයි.

• ඉදිරියේදී කෘතිම බුද්ධිය සහිත ගුවන් යානයක් නිපදවන්න අපි දැනටමත් වැඩ පටන් අරන්

• මුලදී මගේත් එක්ක වැඩ කරන්න විදේශිකයන් කැමැති වුණේ නෑ

• මේ වෙද්දි මගේ යටතේ විදේශීය රටවල ඉංජිනේරුවන් 100 ක් පමණ වැඩ කරනවා.

ඇය ශ‍්‍රී ලාංකික දියණියක් ලෙස මේ වන විට ද ලෝකය හමුවේ තම දක්ෂතා පෙන්නුම්කොට හමාරය. අභ්‍යවකාශ ඉංජිනේරු විද්‍යා ඉංජිනේරුවරියක් ලෙස සිය කුසලතා ප‍්‍රකට කර සිටින ඇය දැනට සේවය කරනු ලබන්නේ ලොව අංක එකේ මෝටර් රථ සහ ගුවන් යානා එන්ජින් නිෂ්පාදන ආයතනයක් වන එංගලන්තයෙහි පිහිටි rolls royce සමාගමේ ඩිජිටල් ආකෘතික කළමනාකාරවරිය ලෙසින්ය. එපමණක් නොව ඇමරිකාවේ ඇට්ලන්ටා හි පිහිටි ලොව විශාලතම ගුවන් යානා අලූත්වැඩියා මධ්‍යස්ථානය ඉදිකොට ඇත්තේ ඇය විසින් ලබාදුන් නායකත්වය සහ තාක්ෂණික උපදෙස් මතය.

2015 වර්ෂයේදී ඉංජිනේරුවරියක් ලෙස rolls royce සමාගමට එක්වන ඇය අභිමානවත් rolls-royce ඉතිහාසය තුළ එම තනතුරට පත් ළාබාලතම තැනැත්තිය මෙන්ම අග්නිදිග ආසියානු කලාපය නියෝජනය කරමින් එම තනතුරට පත් එකම කාන්තා නිලධාරිනිය ලෙස ද වාර්තාවක් තබා ඇත.

නිපුනි කරුණාරත්න නම් ඇය තවමත් විසි අට හැවිරිදිය. රද්දොළුගම ගනේපොල උපත ලබන ඇය මූලික අධ්‍යාපනය කොළඹ මියුසියස් බාලිකා විදුහලෙන්ය. ඉන් අනතුරුව විදෙස් අධ්‍යාපනය පිණිස යොමු වන ඇය එංගලන්තයේ පිහිටි brunel විශ්වවිද්‍යාලයට ඇතුළත් වන අතර එහි දී ද ඇය විසින් ඉහළ දක්ෂතාවයන් දැක්වීමට සමත්ව ඇත. මේ වනවිට ඇයගේ ප‍්‍රධානත්වයෙන් යුත් ඉංජිනේරු කණ්ඩායමක් කෘතිම බුද්ධිය (artificial intelligent) සහිත ගුවන් යානා එන්ජින් ලෝකයට හඳුන්වාදීමේ ඓතිහාසික මෙහෙවරක නිරතව ඇත.

අභ්‍යවකාශ ඉන්ජිනේරු විද්‍යාව හරහා සුවිශේෂී නිපුණතා රැසක් ප‍්‍රකට කර තිබෙන නිපුනි කරුණාරත්න මේ වනවිට කෙටි නිවාඩුවක් පිණිස මව්බිමට පැමිණ ඇත. මෙම කතාබහ සිදුවන්නේ එහි ප‍්‍රතිඵලයක් ලෙසය. උපන් බිමට අපමණ ඇල්මක් දක්වන නිපුනි සිය කතාබහ ආරම්භ කරන ලද්දේ ඇය මෙරටදී ගතකළ පාසල් සමය සිහිපත් කරමිනි.

‘‘මම ලන්ඩන් O/L විභාගයට පෙනී සිටින තෙක් අධ්‍යාපනය ලැබුවෙ කොළඹ මියුසියස් බාලිකා විදුහලෙන්. සාමාන්‍ය පෙළින් පස්සෙ මම විදේශගත වෙනවා. මගේ තාත්තා ඒ වගේම අයියාත් ඉංජිනේරුවන්. ඒ හින්ද අම්මා මට නිතරම කිව්ව දෙයක් තමයි මම වෛද්‍යවරියක් වෙනව දකින එක තමයි අම්මගේ ලොකුම හීනය කියල. ලංකාවේ ගතකළ මගේ පාසල් ජීවිතය ගත්තොත් අධ්‍යාපන කටයුතුවලට වගේම ක‍්‍රීඩා කටයුතු ආදියටත් මම ලොකු ඇල්මක් දැක්වූවා. පිහිනීම සහ ටෙනිස් කී‍්‍රඩාව ඒ අතරින් විශේෂයි. එතනදි ජාතික මට්ටමේ තරගවලට පවා මට සහභාගි වෙන්න අවස්ථාව ලැබෙනවා. ඇත්තටම ඕනෑම ක‍්‍රීඩාවක නිරත වෙනවා කියන්නේ කෙනකුට තමන් කෙරෙහි ලොකු ආත්ම විශ්වාසයක් ගොඩනගාගන්න පුළුවන් ක‍්‍රියාකාරකමක්. මම එහෙම කියන්නෙ මගේ අත්දැකීම් එක්ක. මොකද එංගලන්තයේ සුදු ජාතිකයන් එක්ක වැඩ කරද්දි ඒ අය මුලින් මුලින් මගේ යටතේ වැඩ කරන්න කැමැත්තක් දැක්වූවේ නෑ. ඒකට හේතුව තමයි ඒ අය මට වඩා වයසින් වැඩිමහල් වීම. ඒ පිරිස අතර ඩබල් PHD ගත්ත අවුරුදු පනහ,පනස් පහ වයස් කාණ්ඩ වලට අයත් ඉංජිනේරුවන් පවා හිටියා, දැනුත් ඉන්නවා. එහෙම පිරිසකට මම නායකත්වය දෙද්දී විවිධ අභියෝග වලට මුහුණ දෙන්න මට සිද්ධ වුණා. අන්න එතනදි තමයි ලංකාවෙදී ක‍්‍රීඩාව හරහා මම ගොඩන`ගා ගත්ත ආත්ම විශ්වාසය ඒ වගේම පෞරුෂය මට ලොකු ශක්තියක් බවට පත්වුණේ.

නිපුනි කරුණාරත්න මෙරට ගතකළ පාසල් සමය සිහිපත් කළේ ඒ ආකාරයෙන්ය. ඉන් අනතුරුව වැඩිදුර අධ්‍යාපනය පිණිස එංගලන්තය බලා පිටත්ව යන නිපුනි එහිදී Heriot-Watt විද්‍යාලයට ඇතුළත්ව වැඩිදුර අධ්‍යාපනය හදාරන අතර ඇය එහිදී දක්වන සුවිශේෂී දක්ෂතාවයන් හේතුවෙන් විශ්වවිද්‍යාල වරම් හිමිකර ගන්නීය. ඇය විසින් එම සුවිශේෂී වරම හිමිකර ගත් ආකාරය පිළිබඳව මතකය මෙනෙහි කරන ලද්දේ මේ ආකාරයෙන්ය.

‘‘මම වයස අවුරුදු 16 දී brunel විශ්වවිද්‍යාලයට ඇතුළත් වෙන්න වරම් හිමිකර ගන්නවා. නමුත් ඒ වගේ අඩු වයසකදී විශ්ව විද්‍යාල අධ්‍යාපනය ලබන්න මම වාසනාවන්ත වුණත් විශ්වවිද්‍යාලයට ඇතුළත් වෙද්දි ඒ අයට මගේ වයස ප‍්‍රශ්නයක් වෙනව. ඒකට විසඳුමක් ලෙස විශේෂ අවසරයක් අරන් තමයි මම විශ්වවිද්‍යාල අධ්‍යාපනයට යොමු වෙන්නෙ.මගේ විෂයය බවට පත්වුණේ අභ්‍යවකාශ ඉන්ජිනේරු විද්‍යාව. පළමුවැනි අවුරුද්දෙ මේ පාඨමාලාව හදාරන්න මා ඇතුළු සිසුන් 280ක් තෝරගන්නවා. ඒ පිරිස අතරින් පළමුවැනි අවුරුද්දෙ දක්ෂතම සිසුවිය බවට පත් වෙන්නෙ මම. දෙවැනි අවුරුද්ද වෙනකොට 280 ක් වූ ශිෂ්‍ය පිරිස 60 දක්වා අඩු වෙනවා. ඒ හැට දෙනා අතරට මා ඇතුළු තවත් ගැහැනු ළමයි දෙතුන් දෙනෙක් හිටියා. ඇත්තටම අභ්‍යවකාශ ඉන්ජිනේරු විද්‍යාව කියන්නෙ ගොඩක් අමාරු විෂය කාණ්ඩයක්. ගැහැනු ළමයෙක් ඒ වගේ විෂයයක් තෝරා ගන්නව කියන්නේ අභියෝගයක්. මටත් ඒ අභියෝග වලට මූණ දෙන්න සිද්ධ වුණා. ඒ හැම වෙලාවකම මගේ අම්ම ලංකාවෙ ඉඳගෙන බෝධි පූජා පැවැත්වූවා. දෙවියන්ට බුදුන්ට බාරහාර වුණා. ඒ දේවල් මගේ ගමනට ලොකු ශක්තියක් වුණා කියල මම විශ්වාස කරනවා. ඔහොම අධ්‍යාපන කටයුතු කරගෙන යද්දි දෙවැනි අවුරුද්දෙත් අපේ කණ්ඩායමේ ශිෂ්‍ය ශිෂ්‍යාවන් අතරින් දක්ෂතම සිසුවිය බවට පත්වෙන්න මට පුළුවන්කම ලැබුණා. තුන්වැනි අවුරුද්දෙ මම විශ්වවිද්‍යාලයෙන් එළියට එනව. ඒ වර්ෂ කීපය ඇතුළේ අභ්‍යවකාශ ඉංජිනේරු විද්‍යාව පිළිබඳ උපාධිය ලබාගත් එකම සිසුවිය බවට පත්වෙලයි. ඒ වෙද්දි මම රැකියාවක් ගැන හිතල තිබුණෙ. එතැනදී මගේ ලොකු ආශාවක් තිබුණා නාසා ආයතනයට හෝ rolls royce සමාගමට එකතුවෙලා රැකියාවක් කරන්න. මොකද මගේ උපාධියට අනුව ඒ වගේම මගේ සුදුසුකම් වලට අනුව රැකියාවක් තෝරගන්නව නම් ඒ සඳහා ප‍්‍රධාන වශයෙන් ඉහත සඳහන් ආයතන දෙක ආශ‍්‍රිත රැකියා අවස්ථා සඳහා තමයි වැඩි ඉඩකඩක් පැවතුණේ. එතනදි මට අවස්ථාව ලැබෙනව මෝටර් රථ වලට වගේම ගුවන්යානා එන්ජින් නිෂ්පාදනය පිණිස ලෝක පූජිත නමක් වන rolls-royce සමාගමත් එක්ක සම්බන්ධ වෙලා වැඩ කරන්න’’.

ඒ අනුව 2015 වර්ෂයේ දී ඉංජිනේරුවරියක් ලෙස rolls royce සමාගමට එක්වන නිපුනි කරුණාරත්න වසර දෙකක් යනතුරු එහි නිෂ්පාදන ඉංජිනේරුවරියක් ලෙස කටයුතු කරන්නේය. එම කාලය ඇතුළත ඇය විසින් දක්වන ලද දක්ෂතා හේතුවෙන් rolls royce ඉහළ කළමනාකාරීත්වය විසින් වසර දෙකක් ගතවීමත් සමග ඇය වෙත තවත් වගකීමක් පවරා ඇත. අපගේ කතාබහ අතරතුර ඒ පිළිබඳව ද යමක් පැවසීමට ඇය විසින් අමතක නොකළාය.

‘මම rolls royce සමාගමට එක්වුන අවුරුද්දෙ ඉංජිනේරු අංශයේ පුරප්පාඩු හැටක් තිබුණා. ඊට අමතරව අනිකුත් අංශ එක්ක ගත්තොත් රැකියා අවස්ථා 120ක විතර පුරප්පාඩු පැවතුනා. සුදුසුකම් වලට අනුව තමයි බඳවා ගත්තේ. ඒ සඳහා ලෝකයේ ඕනෑම රටක කෙනකුට ඉල්ලූම් කිරීමේ අවස්ථාව උදා වුණා. ඒ අවුරුද්දේ රැකියා පුරප්පාඩු 120 සඳහා අයැදුම්පත් ලක්ෂ තුනක් පමණ ලැබිල තියෙනවා. මුළු ලෝකයටම විවෘත හින්ද තමයි ඒ වගේ විශාල අයැදුම්කරුවන් පිරිසක් ඉදිරිපත් වෙන්නෙ. මම ඒ සඳහා ඉල්ලූම් කරන්නේ ඉංජිනේරු අංශයෙන්. අපේ සමාගමට අලූත් සාමාජිකයන් බඳවා ගැනීමේදී අධ්‍යාපන සුදුසුකම් වගේම අයදුම්කරුවන්ගේ පෞරුෂය පිළිබඳවත් ලොකු සැලකිල්ලක් දක්වනවා. ඔය කියන අංශ දෙකෙන්ම ඉදිරියෙන් ඉන්න පුළුවන් නම් විතරයි සමාගමට ඇතුළත් වෙන්න අවස්ථාව ලැබෙන්නේ. මම ඒ සඳහා අයැදුම් කරනව කියල එංගලන්තෙ ඉන්න මගෙ යාළුවො දැනගත්ත වෙලාවෙ ඒ අය මට හිනාවුණා. ඉංජිනේරු වෘත්තියේ නිරත වෙලා ඉන්න පිරිමි අයට වත් යන්න අමාරු කොම්පැනියකට ඔයාට යන්න පුළුවන්ද කියල ඒ අය මගෙන් ඇහුව. නමුත් සම්මුඛ පරීක්ෂණ කීපයකට පස්සෙ අභ්‍යවකාශ ඉංජිනේරු වරියක් ලෙස මාව තෝරා ගන්නවා. ජොබ් එක භාර අරගෙන වසර දෙකක් යද්දී මට තවත් වගකීමක් භාර දෙනවා. ඒ තමයි rolls-royce සමාගම විසින් ගෝලීය වශයෙන් ඉදිකරන ගුවන්යානා අලූත්වැඩියා කිරීමේ මධ්‍යස්ථාන පිණිස උපදෙස් හා යාන්ත‍්‍රික සැලසුම්කරණ අංශය භාරව නායකත්වය සැපයීම. ඒක ලොකු වගකීමක්.ඒකෙ ප‍්‍රතිඵලයක් ලෙස ලෝකයේ ලොකුම ගුවන්යානා අලූත්වැඩියා කිරීමේ මධ්‍යස්ථානයක් වන ඇමරිකාවේ ඇට්ලන්ටා Delta Tech සෙන්ටර් එක හදන්න නායකත්වය දුන්නේ මම. ඒ වගේම තවත් රටවල් බොහොමයක ඒ කටයුත්තේදී මූලික මැදිහත්වීමක් කරන්න මට සිද්ධ වෙනවා. ඔය කටයුතු ඔහොම සිද්ධවෙන අතරෙ තමයි ලෝකයේ ප‍්‍රධාන පෙළේ ගුවන්යානා එන්ජින් නිෂ්පාදන සමාගම් විසින් තීරණය කරන්නේ කෘතිම බුද්ධිය (atificial intelligence) සහිත ගුවන්යානා එන්ජින් නිෂ්පාදනය කළ යුතුයි කියලා. එතනදී rolls-royce සමාගම විසින් ඒ වගකීමත් මා ඇතුළු ඉංජිනේරු කණ්ඩායමකට පවරනවා. ඉදිරියේදී අපේ අරමුණ බවට පත්වෙන්නේ එවැනි ගුවන් යානා එන්ජිමක් නිෂ්පාදනය කිරීමයි. ඒ ක‍්‍රියාවලිය සරලව පැහැදිලි කළොත් එතැනදි සිද්ධ වෙන්නෙ මෙන්න මේ වගේ දෙයක්. අපි හිතමු යම්කිසි ගුවන්යානයක් ගුවනේ දී යම් කාර්මික දෝෂයකට ලක් වෙනව කියල. අන්න ඒ වගේ වෙලාවකදී ඒ කාර්මික දෝෂය මොකක්ද, එය හටගත්තේ ගුවන් යානයේ කුමන කොටසේද, එම කාර්මික දෝෂය හටගත් ගුවන්යානයට තව කොපමණ වෙලාවක් ගුවනේ රැඳී සිටින්න පුුළුවන්ද, එහෙම නැත්නම් ඊළගට ගතයුතු පියවර මොකක්ද.. ඔය ආදී වශයෙන් තීරණ ගන්න පුළුවන් ගුවන් යානා එන්ජිමක් නිෂ්පාදනය කිරීම තමයි මා ඇතුළු අපේ කණ්ඩායමේ ඊළඟ අරමුණ බවට පත්වෙලා තියෙන්නේ. තවම එහෙම දෙයක් ලෝකයේ කිසිම රටක් සිද්ධ කරල නැහැ. මම විශ්වාස කරනව. තව වර්ෂය කීපයක් ඇතුළත අපිට ඒ කටයුත්ත සාර්ථකව නිම කරන්න පුළුවන් කියලා. ඒ සඳහා මගේ නායකත්වය යටතේ ලෝකයේ විවිධ රටවල ඉංජිනේරුවන් 90 දෙනකුගෙන් පමණ සමන්විත කණ්ඩායමක් දැනටමත් එංගලන්තෙ සිට අවශ්‍ය පර්යේෂණ කටයුතු සිදුකරමින් ඉන්නවා...”

නිපුනි කරුණාරත්න විද්‍යාව හා තාක්ෂණික අංශයෙන් ලොව ඉහළම රටක් වන එංගලන්තයේදී දක්වන ලද දක්ෂතාවයන් හේතුවෙන් විවිධ අංශයන්හි දක්ෂතා දක්වන වෘත්තිකයන් අගයනු වස් පසුගිය දිනක එරට සංවිධානය කරන ඉහළම සම්මාන ප‍්‍රදානයක් පිණිස නිර්දේශිත නාමයන් අතරට එක් වී ඇත. එහිදී විවිධ අංශයන්ගෙන් දක්ෂතා දක්වන ලද වෘත්තිකයන් දස දෙනකු උදෙසා සම්මාන පිරිනමන අතර නිපුනි කරුණාරත්න එම නිර්දේශිත නාමයන් අතරට එක්වන්නේ විද්‍යා හා තාක්ෂණික අංශය නියෝජනය කරමින්ය. දැනට දින කිහිපයකට ඉහත එම සම්මාන උළෙල පවත්වා තිබෙන අතර එහිදී ශ‍්‍රී ලාංකික ජාතිය ලොවක් හමුවේ උත්කෘෂ්ටත්වයට නංවමින් විද්‍යා හා තාක්ෂණික අංශයෙන් ප‍්‍රථම ස්ථානය දිනාගැනීමට ද ඇය සමත් වී ඇත. එම අසිරිමත් අවස්ථාව වනවිට කෙටි නිවාඩුවක් පිණිස ඇය මෙරටට පැමිණ සිටි බැවින් ඉදිරි දිනෙක එම සම්මානය ඇයගේ දෝතට පිරි නැමීමට නියමිතය. තමන් සතු දැනුම සිය රාජකාරී ආයතනය වන rolls royce සමාගමේ දියුණුව පිණිස පමණක් නොව සමස්ත ලෝකයේම යහපත පිණිස යෙදවීමේ අපේක්ෂාවෙන් මේ වන විටත් නිපුනි කරුණාරත්න විසින් තමන්ටම අයත් පෞද්ගලික සමාගමක් ද එංගලන්තයේ පිහිටුවා ඇත. නව සොයාගැනීම් සහ පර්යේෂණ පිණිස පිහිටුවා ඇති එම සමාගම මගින් මේ වනවිට සාර්ථක ව්‍යාපෘති හතරක් පමණ ක‍්‍රියාත්මක කොට තිබෙන අතර ඉන් එක් ව්‍යාපෘතියක් එංගලන්ත රජයේ ව්‍යාපෘතියක් වීම එහි ඇති තවත් විශේෂත්වයකි. ඒ සඳහා මූල්‍යාධාර සපයනු ලබන්නේ එංගලන්ත රජය විසින්ය.

නිපුනිගේ ඉදිරි අපේක්ෂාවක් බවට පත්ව ඇත්තේ උපන් රට පිණිස තමන් සතු දැනුම ප‍්‍රදානය කිරීමය. එහි ආරම්භක පියවරක් ලෙස ඉදිරියේ දී තම සමාගමට අයත් ශාඛාවක් මෙරට ස්ථාපිත කොට ඉංජිනේරු උපාධිය ලත් මෙරට තරුණ තරුණියන් හට ගෝලීය වශයෙන් ඉදිරියට ගමන් කිරීමට අවශ්‍ය වටපිටාවක් නිර්මාණය කර දීම ඇගේ අපේක්ෂාව බවට පත්ව ඇත. ඒ හරහා මෙරට තුළ ජාත්‍යන්තර ව්‍යාපෘති කීපයක් ආරම්භ කිරීම ද ඇය අපේක්ෂාවෙන් පසුවන්නීය.

අපගේ කතාබහ නිමා කිරීමට මත්තෙන් ඇය නැවත වතාවක් සඳහන් කර සිටියේ ශ‍්‍රී ලාංකික තරුණියක් ලෙස ඇය පැමිණි ගමන්ම`ග පිළිබඳව තමාට ඇත්තේ නිහතමානී ආඩම්බරයක් බවත් ලොව කොතැනක ගිය ද එහිදී ලාංකික නාමය ඉහළට ඔසවා තැබීම තම අපේක්ෂාව වන බවත්ය. මෙරට තරුණ ප‍්‍රජාවට, විශේෂයෙන්ම තරුණියන්ට පරමාදර්ශයක් බවට පත්කර ගතහැකි නිපුනි කරුණාරත්න ඉදිරි කාල වකවානුව තුළ අභ්‍යවකාශ විද්‍යා ඉංජිනේරු තාක්ෂණය ඔස්සේ තව තවත් ඉදිරියට යනු දැකීම මේ වනවිට ශී‍්‍ර ලාංකික බොහෝ දෙනකුගේ අපේක්ෂාව බවට පත්ව ඇත.

උපුටාගැනීම
- දිවයින රුවන් ජයවර්ධන -

Posted On Saturday, 26 March 2022 02:12 Written by



ප්රථම වරට විශේෂ කාර්ය බලකායට කාන්තා සහකාර පොලිස් අධිකාරිවරියක පත් කර තිබේ.

1997 ශ්රීලංකා පොලිස් දෙපාර්තමේන්තුවට බැදෙන එන් ටී එන් කුමාරි මහත්මිය 1997 මැයි මස 31 දින විශේෂ කාර්ය බලකායට අනියුක්ත කර තිබේ.

ටයිකොන්ඩෝ ක්රීඩිකාවක් ලෙද ජාතික ජාත්යන්තර ජයග්රහණ රැසක් පොලිස් විශේෂ කාර්ය බලකායට ලබාදී ඇති එන් ටී එන් කුමාරි මහත්මිය වර්තමාන ජාතික ටයිකොන්ඩෝ සම්මේලනයේ තේරීම් කමිටු සභාපතිනිය ලෙසද කටයුතු කරයි.

Posted On Thursday, 13 January 2022 04:16 Written by
 
 
Dear moon ව්යාපෘතිය යටතේ සඳ තරණය කිරීමට අපේක්ෂාවෙන් සිටින 20 වන වියෙ සදලී කුමාරසිංහ දියණිය ඊයේ සන්ධ්යාවේ හිටපු ජනාධිපති මෛත්රිපාල සිරිසේන මහතා මූ වී තිබෙනවා.
රටවල් 249 අතරෙන් යදුම් පත්ර මිලියනයකින් මේ වන විට දාහත් දෙනකු තෝරාගෙන තිබෙනවා. ඒ අතරෙන් 08 දෙනෙකුට මෙම සුවිශේෂිත අවස්ථාව හිමි වී තිබෙනවා. සඳ වෙත මෙම කණ්ඩායම 2023 රැගෙන යාමට ජපානය බලාපොරොත්තු වෙනවා.
මේ අනුව වයස අවුරුදු 20ක් වන සඳනි සහ බොහෝ දෙනාගේ අවධානයට දිනාගත් ඇමරිකාවේ අලෙස්සා නිකොලා(20) ද තේරී පත්වී තිබෙන අනෙක් ලාබාලම තරුණියයි.
2019 වර්ෂයේදී සදලී දියණියහට ඇමරිකාවේ නාසා ආයතනයේ තාරකා විද්යාව සහ ගගනගාමී පාඨමාලාව හැදෑරීමට ශිෂ්යත්වයක් හිමි එම පාඨමාලාව හැදෑරීමට තමන්ට තිබෙන අපහසුතා සඳහන් කළ අවස්ථාවේදී හිටපු ජනාධිපතිවරයා සඳලී හට උදව් උපකාර කර තිබෙනවා.
ඒ අනුව හිටපු ජනාධිපතිතුමා හමුවී තමා ලබා තිබෙන ජයග්රහනය එතුමාට සඳහන් කරන්න ඊයෙ සන්ධ්යාවේ දී හමුවී තිබෙනවා.
අවසන් 8 දෙනාහට තේරී පත්විකෙසේ හෝ සඳ තරණය කිරීමේ භාග්යය උදාකර ගෙන රටට ගෞරවයක් සහ කීර්තියක් ගෙන දෙන ලෙස හිටපු ජනාධිපතිවරයා සඳුලී දියණියට සුභ පැතුම් එක් කළ අතර හැකි සෑම ආකාරයකම එම කාර්යය සඳහා තමන් උදව් කරන බව මෙහිදී සඳහන් කළ සිටියා.
Posted On Monday, 19 July 2021 04:59 Written by
අත්තර් සුවඳට ස්ත්රීන් සේම පුරුෂයන් ද එක සේ ආකර්ශණය වන අමුතු ශාරීරික ගුණයක් ද වේ. මල් මත, දැව මතුපිට සහ ධූම ආදියට පහසුවෙන් තැවරී සුවඳ විහිඳුවයි. සෘතු වෙනසත් සමඟ අත්තර් සුවඳේ ද ප්රභේද දැකගත හැකිය. උණුසුම් කාලගුණයේදී කරාබු නැටි, එනසාල් සහ කුංකුම අත්තාර් සමඟ මුහු වන අතර, සීතල කාලගුණය පැමිණි විට ජැස්මින් සහ දාස්පෙතියා සමඟ මුහු වෙයි. මෙමඟින් වහනය වන්නේ සෘතුමය සුගන්ධයක් යැයි වර ගැන්විය හැකිය.
සූර්ය උදාවට බොහෝ වේලාවකට පෙර තේග් සිං ගංගා ඉවුරේ ඇති තම මල් ගොවිපොළට පැමිණේ. හෙතෙම රෝස දමස්කන පඳුරු පිරික්සමින් පිපී තිබෙන මල් අතරින් රෝස පැහැ පෙති උරහිසේ බැඳි ගෝනියට විසි කරයි. ඒ හරියට තේ දලු නෙළන්නාක් මෙනි. තේග් සිං නෙලන්නේ රෝස පෙතිය. සූර්යාලෝකයේ පළමු කිරණ ගඟ හරහා ගමන් කරන විට හෙතෙම තමන්ගේ රෝස පෙති අස්වැන්න රැගෙන මෝටර් බයිසිකලයෙන් ඉන්දියාවේ සුවඳ විලවුන් නගරය ලෙස ප්රකට නන්නෝජ් කරා හැල්මේ ගමන් කරයි.
සියවස් ගණනාවක් මුළුල්ලේ පටන්ම ඊසාන දිග ඉන්දියාවේ ගංගා තීරයේ සිට අත්තර් නමින් හඳුන්වන තෙල් මූලික කොට සාදන ලද උද්භිද සුවඳ විලවුන් වර්ගයකි. පෞරාණික ඉන්දියාවේ සුවඳින් උමතු සංස්කෘතියේ මෝගල් රාජකීයන් මෙන්ම සාමාන්ය ජනතාව ද සුවඳ විලවුන් වෙත ආශක්ත වූවන්ය. කේශාන්තයේ සිට පාදාන්තය දක්වාම සුවඳින් සංග්රහ කිරීමට මෙකී කන්නෝජ් සුවඳ විලවුන් තනන්නෝ සියලු කටයුතු සම්පාදනය කර තිබුණි. දිය උල්පත්වල සිට වැසියන්ගේ නිවෙස් දක්වාම මේ සුවඳ විහිදමින් තිබුණි. විසිවැනි සියවසට එළැඹෙන විට මෙකී සුවඳ විලවුන් උමතුව ක්ෂයව ගිය අතර, කන්නෝජ් සුවඳ විලවුන් නිපදවන්නෝ නම් තවමත් පැරැණි ක්රමෝපායන් මතම නොනැවතී සුවඳ විලවුන් තැනීමේ නිරතව සිටිති. මේ අතීත ශ්රී විභූතියෙන් පසුව කන්නෝජ් සුවඳ විලවුන් නිෂ්පාදකයන්ගේ වර්තමාන කතාවට කුඩා ආලෝකයක් හෙළීමකි.
අත්තර් යනු පැරැණි ලෝකයේ සුවඳ විලවුන් වර්ගයකි. ලතින් භාෂාවෙන් එය බිඳී ආ බවක් ද සැලකේ. තෙල් හෝ ජලයට මල් පෙති ආදිය දමා සකසා ගත් මුල්කාලීන සුවඳ විලවුන්වල යම් ස්වාභාවික බවක් දැකිය හැකි විය. පසුකාලීනව ආ නවීන සුවඳේ වූයේ මත්පැන් ආදිය වාහකයක් හෝ ප්රධාන ද්රාවකයක් ලෙස යොදාගෙන තැනුණු කෘත්රිම සුවඳකි. මන්දයත් මෙමඟින් ඉබේම මිල අඩු වන අතර පහසුවෙන් උදාසීන බවට පත් කර ගත හැකි නිසාය. අත්තර් නිපදවීමට සාම්ප්රදායිකව සඳුන් දැව තෙල් භාවිත කරයි. අධික අවශෝෂණයක් ඇති හෙයින් විලවුන් බිඳිති සම මත අතිශය ප්රසන්නව තැන්පත් වේ. සමහර විට දින ගණනාවක් යන තෙක් මේ සුවඳ නොවෙනස්ව පවතී.
අත්තර් සුවඳට ස්ත්රීන් සේම පුරුෂයන් ද එක සේ ආකර්ෂණය වන අමුතු ශාරීරික ගුණයක් ද වේ. මල් මත, දැව මතුපිට සහ ධූම ආදියට පහසුවෙන් තැවරී සුවඳ විහිඳුවයි. සෘතු වෙනසත් සමඟ අත්තර් සුවඳේ ද ප්රභේද දැකගත හැකිය. උණුසුම් කාලගුණයේදී කරාබු නැටි, එනසාල් සහ කුංකුම අත්තර් සමඟ මුහු වන අතර, සීතල කාලගුණය පැමිණි විට ජැස්මින් සහ දාස්පෙතියා සමඟ මුහු වෙයි. මෙමඟින් වහනය වන්නේ සෘතුමය සුගන්ධයක් යැයි වර ගැන්විය හැකිය.
ඉතා මිහිරි කුළුබඩු ධූමය
india flower 6 india flower 03

india flower 04

 
 
එපමණක් නොව කන්නෝජ් සුවඳ විලවුන් තනන්නන් විසින් වර්ෂාපතනයෙන් ඉක්බිතිව 'මිටි අත්තර්' නමින් හැඳින්වෙන පොළොවේ සුවඳ අන්තර්ගත විලවුන් වර්ගයක් තනයි. ෂමාමා යනු තවත් එවන් ප්රියජනක සුවඳ ප්රභේදයකි. මල් වර්ග 40ට ආසන්න සංඛ්යාවක් ආසවනය කර තැනෙන ෂමාමා තුළ ඖෂධ පැළෑටි ද අන්තර්ගතය. මේ සුවඳ හරියටම තනා ගැනීමට මාස ගණනාවක් ගත වේ. ෂමාමා සුගන්ධය ඉතා මිහිරිව කුළුබඩු ධූමය සමඟ සමපාතව හැසිරෙන්නට පටන් ගන්නා අතර, අවසානයේ ඉන් විහිදෙන්නේ දිව්යමය සුවඳකි. මෙකී අත්තර් වර්ග හුදෙක් සුවඳකට පමණක් ලඝු කළ නොහැකි අතර එතුළින් යම් හැඟීමක් ද ජනනය වන සඳහන් කළ මනාය. ස්වභාවික ද්රව්ය මත පිහිටා අත්තර් තැනීම ඊට මූලික හේතුව විය හැකිය. මේ නිසාම යුරෝපයේ සුප්රකට සුවඳ විලවුන් ආයතන පවා කන්නෝජ් අත්තර් භාවිතයට ගනී. රෝස, සැවැන්දරා සහ ජැස්මින් ඉන් ප්රධාන තැනක් ගනී. අත්තර් මූලික ස්ථරයක් ලෙස භාවිත කර ඔවුන් තම සමාගමට අවශ්ය සුවඳ විලවුන් වර්ගය තනා ගනී. කන්නෝජ් සුවඳ විලවුන් නිපදවන්නන් යනු හුදෙක් රෝස පෙති නෙළන්නන් හෝ පෞරාණික සුවඳ විලවුන් තනන්නන් පමණක් නොවන්නේ මෙන්න මේ හේතුවෙනි. ඔවුන් ඉටු කරන භූමිකාව ඊට වඩා පැතිරුණු, වඩා වැදගත් එකකි.
කන්නෝජ් වැසියන් විසින් වසර 400කර පෙර පටන් අත්තර් තැනීමේ නිරතව සිට ඇත.ප්රංශයේ ප්රෙවෙන්ස් හි නිපැයූ ප්රකට 'ජගර්නට්' විලවුන් වර්ගය ලෝකය දැනගැනීමට සියවස් දෙකකට පෙර සිට කන්නෝජ් වැසියන් ස්වකීය අත්තර් විලවුන් වර්ගය නිපදවා ඇත. මේ විලවුන් තැනීමේ ක්රියාදාමය හින්දි භාෂාවෙන් 'ඩෙග්-හප්කා' ලෙස ද හැඳින්වෙයි.
කන්නෝජ් යනු අග්රා නගරයේ සිට පැය හතරක ගමනකි. ලක්නව් සිට පැය දෙකක ගමනකි. බොහෝ කුඩා නගර සේම කන්නෝජ් ද අතීතය හා වර්තමානය අතර අමුතු පාලමක් තනන්නකි. කන්නෝජ් නගරයේ කාලය ඉදිරියට ගමන් නොකරයි. එය එක පිට එක ගොඩගැසේ. කාලය නැවතූ නගරයක නොනවතින විලවුන් සුවඳක් පැවතීම සැබෑවටම අපූරු කාරණයකි.
ගරා වැටෙන ගල් බළකොටු, ගෝලාකාර බළකොටු ආශ්රිත කුලුනු, බීක්කු සහිත ආරුක්කු ආදියෙන් සජ්ජිත හය වැනි හර්ෂවර්ධන අධිරාජ්යයේ මුල්කාලීන උත්කෘෂ්ටභාවය සිහිපත් කරවයි. එයටම දෙස් දීමට ලී කරත්ත තල්ලු කරගෙන යන කෙසෙල් ගෙඩි වෙළෙන්දන් සහ පේර වෙළෙන්දන් දැකගත හැකිය. අතීතය පරයමින් නවීනත්වය ද එකතු වූ බව සිහිපත් කිරීමට නවීන මෝටර් බයිසිකල් සහ මර්සිඩීස් බෙන්ස් රථ ද විටින් විට වීදිවල දුහුවිලි නඟමින් ගමනේය. කන්නෝජ් හි ප්රධාන වෙළෙඳපොළ වන බාරා බසාර්හි පටු මංතීරුවලට එබී බැලූ විට නැවතත් සියවස් ගණනාවක් පසුපසට ගමන් කළ හැකිය. මේ බාරා බසාරයේ අට්ටාල තුළ මෙන්ම සාප්පු ඇතුළත දනවන්නේ දැඩි කුසීත බවකි. කදිමට සෑදූ වීදුරු බෝතල්වල ලූ අත්තර්ය. එසේත් නැත්නම් වෙනත් තෙල් වර්ගය. පිරිමින් සිහින්ව සෑදූ කුෂන් මෙට්ට මත එරමිණියා ගොතාගෙන වාඩිගෙනය. ඔවුන් නොයෙක් සුවඳ විලවුන් වර්ග ආඝ්රාණය කරමිනි. සුවඳ විලවුන් කැවූ දිගු පුළුන් කැබලි කන්වල රඳවාගෙනය. ඒ පසුබිම සුවඳ විලවුන් වුවමනා අය මෙන්ම නුවමණා අය පවා පොලඹවන සුළුය. සෑම සියලු තැනම විවිධාකාර සුවඳය. මුළු බාරා බසාරයම එකම සුවඳ ගුලාවකි. ඒ සුවඳ ගුලාවේ නොවැටී ඒ පසුකර යන්නෝ මනුෂ්යයෝ නම් නොවන්නෝමය.
"ලෝකයේ හොඳම සුවඳ විලවුන්කරුවෝ මෙම පටු මංතීරු හරහා ගමන් කර, මඩ සහ ගවයන්ගේ ගොම පවා නොතකමින්, ඉවසිල්ලෙන් ඒ සියල්ල පසු කර කන්නෝජ් අත්තර් තමන් සතු කර ගැනීමට පසුබට නොවෙයි. ඇත්තටම කන්නෝජ් අත්තර් හා සමාන කළ හැකි වෙන කිසිවක් මෙලොව නැත."
කියා පවසන්නේ එම්.එල්. රම්නරයින් සුවඳ විලවුන්කරුවන්ගේ පස් වැනි පරම්පරාවේ අයිතිකරුවකු වන ප්රන්ජල් කපූර් විසිනි. රම්නරයින් සුවඳ විලවුන්කරුවෝ යනු කන්නෝජ් හි තවමත් ක්රියාත්මක සාම්ප්රදායික සුවඳ විලවුන් ස්කාගාරවලින් එකකි.
තේග් සිං පවා තවමත් තමන්ගේ රෝස පෙති අස්වැන්න ගෙන එන්නේ ප්රන්ජල් කපූර්ගේ ස්කාගාරය වෙතය. එහි රෝස පෙති එකලස් කරන එළිමහන් ගලින් සෑදූ මළුවකි. රාම් සිං යනු කපූර්ගේ ප්රධාන අත්තාර් ශිල්පියාය. හෙතෙම රෝස පෙති සියල්ල තඹ බඳුනකට දමා එතුළට ජලය සහ සඳුන් තෙල් එකතු කරයි. විටින් විට විශාල පත්තකින් රෝස පෙති ජලයෙන් ඉහළට එසැවෙයි. තඹ බඳුනේ පියන සවි කර එය වැසීමට පෙර පියන වටා මැටි සහ කපු එකතුවෙන් සෑදූ තලපයක් ආලේපනය කරයි. එය ශක්තිමත් මුද්රා තැබීමකි. මල් පෙති සංයෝගය තුළ ගිලෙන්නට පටන් ගත් විට උණ බටයක් හරහා වාෂ්ප එතුළට ගමන් කරවයි. සඳුන් තෙල් රඳවා ඇති තඹ බඳුන ඒ වාෂ්පය කැමැත්තෙන්ම පිළි ගනී.
තේග් සිං ගෙනා රෝස පෙති අත්තර් බවට පත් වීමට පැය පහක් හෝ හයක් පමණ ගත වේ. මෙම ක්රියාවලිය පුරාම රාම් සිං සිය ඇඟිලි තුඩුවලින් ඉස්සී බඳුණේ උෂ්ණත්වය පිරික්සයි. දෑත බඳුන මත තබමින් නිසි උෂ්ණත්වයේ අඩු-වැඩි වීම ගණනය කරයි. තවත් දර දැමීමට වුවමනා දැයි ඔහු දැනගන්නේ මේ බඳුන මත අත තබා බැලීමෙනි. එය දීර්ඝකාලීන අත්දැකීම් මත පදනම්ව සිදු කෙරෙන දෙයකි. වාෂ්පයට සවන් දීමට ඔහු උගත්තේ සුවඳ විලවුන් ඉස්කාගාරයට පැමිණ කෙටි කලකිනි. 50 වියැති රාම් සිං ඒ පිළිබඳ පවසන්නේ මෙවැන්නකි.
රන් හා සමාන දියරය
"මම කොල්ලා කාලෙ ඉදන්ම මේ වැඩේ කරන්න දන්නවා. මට හොඳ අත්තර් ගුරුවරයෙක් උන්නා. ඔහුත් එක්ක ලොකු කාලයක් මම වැඩ කළ නිසා ශිල්පය හොඳින් ඉගෙනගත්තා."
මේ ක්රියාවලියම ඊළඟ දවස පුරාත් ක්රියාත්මකය. ඒ නව රෝස පෙති සමූහයක් සමඟය. අපේක්ෂිත ප්රතිඵල ලැබෙන තෙක් දිගින් දිගටම මේ ක්රියාවලිය සිදු කිරීමට නියමිතය. එය අවසන් වූ පසු ඔටු සමින් තැනූ විශේෂ බෝතල්වල මාස කිහිපයක් බහා තැබේ. එමඟින් අනවශ්ය තෙතමනය නැති කර දමයි. සියලු වැඩ නිම වූ අත්තර් දියර රන් හා සමානය. කිලෝවකට ඩොලර් 3000ක් පහසුවෙන්ම ගත හැකිය. ඒ විශාල මුදලක් බව යළිත් පැවසිය යුතු නැත. එහෙත් ඒ සඳහා දැරිය යුතු වෙහෙස සුළුපටු නොවේ. වර්තමානය වන විට කන්නෝජ් අත්තර්වල ගමනාන්තය වන්නේ මැද පෙරදිග සහ ඉන්දියාවේ ජීවත්වන මුස්ලිම් ප්රජාව වෙතය. 17 වැනි සියවසේ මෝගල් අධිරාජ්යයා වූ සාජහාන් විසින් ගොඩනඟන ලද පැරැණි දිල්ලියේ චාන්දනී චෝක් හි පිහිටි ගුලාබ් සිං ජොරිමාල් යනු කන්නෝජ් අත්තර් සහ නවීන සුවඳ විලවුන් වෙළෙඳාම් දිගුකාලීනව නිරත ආයතනයකි. සිකුරාදාවේ පල්ලි යෑමට පෙර බහුතරයක් මුස්ලිම් පුරුෂයන් අත්තර් සුවඳ විලවුන් මිලදී ගනී. ඊද් ආදී උත්සව ළං වන විට වෙළෙඳාම තවත් ඉහළ යන බව ගුලබ් සිං ජොරිමාල්වරු පවසයි.
එහෙත් නවීන සුවඳ විලවුන් වර්ග අසීමිතව වෙළෙඳපොළ ආක්රමණය කර තිබීමත් සුප්රකට විලවුන් වර්ගවල ව්යාජ විලවුන් වෙළෙඳපොළට පැමිණීම වැඩි වීමත් සමඟ ඔවුන් පසුවන්නේ තරමක කනස්සල්ලෙනි. පිරිසුදු විලවුන් කර්මාන්තයට මේ ව්යාජ සුවඳ වර්ග තර්ජනයක් බව ඔවුන්ගේ අදහසයි. එහෙත් සුවඳ අවංක විය යුතු අතර ව්යාජ සුවඳ සමඟ පැවැත්මක් තිබිය නොහැකි බව කිව යුතුය. සුවඳේ අවංක බව ගැන සිතීමට දැන් කාලය පැමිණ ඇති සැටියකි.
කාංචනා අමිලානි
-Dinamina-
Posted On Tuesday, 30 March 2021 05:40 Written by
 
1917 ඔක්තෝබර් විප්ලවයෙන් අනතුරුව”ලෙනින්” ගොඩනැගූ ”සෝවියට් සමාජවාදී සමූහාණ්ඩු සංගමය” ස්වාධීන ජනරජයන් 15 ක එකමුතුවකි. සමාජවාදී පාලන කරමය යටතේ සෝවියට් සංගමය (USSR) දැවැන්ත සංවර්ධනයක් අත්පත් කරගත් අතර ලොව සෑම අතින්ම බලවත් රට බවට පත්වීමේ අභිලාෂයෙන් ඇමෙරිකා එක්සත් ජනපදය සමග බලවත් තරගයකට පිවිසෙන ලදි. ඒ අනුව හමුදා ශක්තිය විශාල ලෙස වර්ධනය කරන ලද අතර ඉතා කෙටි කලකින් ලොව බලවත්ම ඔත්තු සේවා සංවිධානයක් බවට පත්වූ ”රාජ්ය ආරක්ෂාව සඳහා වන කමිටුව” 1954 මාර්තු 13 වන දින ආරම්භ කරන ලදි.
Posted On Tuesday, 09 February 2021 07:35 Written by
 
ඉතාම දිළිදු මට්ටමේ සිට ඉංග්රීසි අධ්යාපනය ලබා, ලොව පුරා වැඩම කරමින්, ඉංග්රීසියෙන් දම් දෙසා ඉන් ලැබෙන දහම් පඬුරු සමඟ රුපියල් මිලියන තිහක් එකතුකොට තම ගම්මානයේ වෙසෙන දුප්පත් අහිංසක දරුවන්ට ඉංග්රීසි හා දමිළ භාෂා, සිංහල බෞද්ධ අධ්යාපනය, නව තාක්ෂණය ඉගැන්වීමට මෙන්ම විවිධ දක්ෂතා ඇති පුද්ගලයන්ට අධ්යාපනය ලබාදීම සඳහා බහු කාර්ය ගොඩනැගිල්ලක් තැනීමේ දිගුකාලීන සිහිනය සැබෑ කරගත් බුද්ධ පුත්රයෙක් අනුරාධපුර දිස්ත්රික්කයේ පලාගල ප්රාදේශීය ලේකම් කොට්ඨාසයට අයත් ගල්කිරියාගම උල්පතගම ප්රදේශයේ වැඩ සිටිති.
ඒ, පූජ්යපාද අඹන්පොළ විනීත හිමියෝය.
අති දුෂ්කර ගම්මානයක විහාරස්ථානයේ වැඩ සිටියදී ද ඉංග්රීසි භාෂාව පිළිබඳ දැනුමෙන් ලොවට දම් දෙසා ලැබුණු දහම් පඬුරුවලින් තම ගමේ විහාර භූමියේ රුපියල් මිලියන 30ක වියදමින් ඉංග්රීසි දමිළ භාෂා, පරිගණක අධ්යාපනය නොමිලේ ලබාදීම සඳහා ඉදිකළ බහු කාර්ය දෙමහල් ගොඩනැගිල්ල ගම්මුන්ට භාරදීම පසුගියදා රටවල් පහක පමණ දූත පිරිසගේ සහභාගිත්වයෙන් සිදු කෙරිණි.
අනුරාධපුර දිස්ත්රික්කයේ කෙළවර පිහිටි පලාගල ප්රාදේශීය ලේකම් කොට්ඨාසයේ ගල්කිරියාගම උල්පතගම පිහිටි ශාක්යසිංහාරාමයේ වැඩසිටින අඹන්පොළ විනීත හිමියෝ මෙම අපූරු කළගුණ සැලකීමේ පිංකම සහ ප්රදේශයේ දරිද්රතාවයෙන් යුතු දරුවන් ලෝකයට හඳුන්වාදීමේ මාහැඟි වැඩසටහනට අත ගසා ඇත්තාහ.
උන්වහන්සේගේ දීර්ඝකාලීන අරමුණ වන ගමේ දරුවන්ට ඉංග්රීසි ඉගැන්වීම හා නව තාක්ෂණය ලබාදීමේ උත්සවය රංගිරි දඹුලු රජමහා විහාරයේ හා ශ්රී විෂ්ණු දේවාලයේ භාරකාර සියම්මහා නිකායේ අස්ගිරි පාර්ශ්වයේ මාතලේ උප ප්රධාන සංඝනායක අඹගස් වැවේ රාහුල නාහිමියන්ගේ හා විදේශීය භික්ෂූන් වහන්සේලා මෙන්ම රටවල් පහක 80ක පමණ බොදු දූත පිරිසකගේ ප්රධානත්වයෙන් පැවැත්විණි.
දූත පිරිස ගම්මුන් විසින් ඉතා හරසරින් යුතුව පිළිගැනීම සිදුකළ අතර නාහිමිවරුන් හා දූත පිරිස අතින් ගොඩනැගිල්ල විවෘත කෙරිණි.
උන්වහන්සේගේ කුඩා අවධියේ බණ්ඩාරවෙල පාලිත හිමියන්ගේ මඟපෙන්වීම යටතේ ගල්කිරියාගම ශාක්යසිංහාරාමයට වැඩම කොට තිබේ.
දැඩි ආර්ථික දුෂ්කරතා මධ්යයේ අධිෂ්ඨානශීලීව නිසි ලෙස ඉංග්රීසි භාෂාව ඉගෙන ගත් බවත් භාෂා නිපුණත්වය මත විදේශ රටවල් රැසකට ගොස් ඉංග්රීසි භාෂාවෙන් බුදුදහම පිළිබඳව එම ජනතාවට ධර්මය දේශනාකොට ලැබුණු දහම් පඬුරු ආධාර තම ගම්මානයේ වෙසෙන දරුවන්ට ඉංග්රීසි භාෂාව උගන්වා ඔවුන් පරිගණක දැනුමෙන් වර්ධනය කිරීම තම අරමුණු සිදුකරගෙන තිබුණු බව ද එම අරමුණ සාර්ථක වූ බව උන්වහන්සේ පෙන්වා දුන්හ.
රුපියල් මිලියන 30ක මුදලක් වියදමින් ඉදිකෙරුණු මෙම දෙමහල් ගොඩනැගිල්ල විවෘත කිරීමෙන් පසු අධ්යාපනය ලබන දරු දැරියන් සියයකට, ගැබිනි මව්වරුන් සියයකට, වැඩිහිටියන් පනස් දෙනෙකුට සහ ආබාධිත පුද්ගලයන්ට ආධාර උපකාර කිරීම ද මෙදින සිදුකෙරිණි.
උන්වහන්සේ සිංගප්පූරුව, මැලේසියාව, ඉන්දුනීසියාව ඇතුළු රටවල් රැසක ධර්ම දේශනා කළ අතර එම රටවල දායක දායිකාවෝ එක්ව මෙරට දරුවන්ට උපකාර කරන බව ද ඒ සියල්ල දරුවන්ට නොමිලේ ලබාදීමට හැකිවීම ගැන සතුටු වන බව ද උන්වහන්සේ පැවසූහ.
මෙම උදාර කටයුත්ත දැක මෙරටට පැමිණි විදේශීය දූත පිරිස ද දැඩි සතුටට පත්වූහ.
ලෝකයේ රටවල්වලට වැඩමකොට ධර්ම දේශනා කරමින් ලැබෙන දහම් පඬුරු එකතු පහදු කරගෙන ලෝකයේ බුදුදහම පිළිබඳව අවබෝධ කරගත් ජනතාවගේ සහයෝගයෙන් වූ ගල්කිරියාගම උල්පත ප්රදේශයේ අහිංසක දරුවන්ට ජාත්යන්තරයට පා තබන්නට සිදු කළ මෙම පුණ්යකර්මය සුවිශාල වූ සේවාවක් බව එහි වැඩම කළ මහ සඟරුවන පැවැසූහ.
රංගිරි දඹුලු රජමහ විහාරය සහ ශ්රී විෂ්ණු දේවාලයේ භාරකාර සියම් මහා නිකායේ අස්ගිරි පාර්ශවයේ මාතලේ දිසාවේ උප ප්රධාන සංඝනායක අඹගස්වැවේ රාහුල නාහිමියන් මෙසේ අදහස් ප්රකාශ කළහ.
“ගල්කිරියාගම උල්පත ප්රදේශය සහ එම අවට ප්රදේශය අතීතයේ සිටම දැඩි ආර්ථික දුෂ්කරතාවන් මධ්යයේ අලින් ගහණ වූ ප්රදේශයක්. බුදු සසුනට වැඩ ඇති යතිවරයාණන් වහන්සේලා ජනිත වූ ප්රදේශයක් තමයි මේ ප්රදේශය. ඒ වගේම තමයි විනීත ස්වාමීන් වහන්සේ දුෂ්කරතා රැසක් මධ්යයේ ලබාගත් දහම් අධ්යාපනය, පිරිවෙන් අධ්යාපනය සහ ඉංග්රීසි භාෂා දැනුම තුළින් බුදුදහම පිළිබඳව ලොව පුරා විසිරී සිටින ජනතාවට ධර්මය අවබෝධ කර දෙමින් සිදු කරන මෙම මාහැඟි කාර්යය සියලු දෙනාගේම ඇගයීමට පාත්ර විය යුතුයි.
බොහෝදෙනෙක් අධ්යාපනය ලැබීමත් සමඟ මිල මුදල් ලැබීමත් සමග තමන් ජීවත් වූ ගම අතහැර දමන යුගයක්, අදටත් විනීත ස්වාමීන් වහන්සේ රබර් සෙරෙප්පු දෙකක් පාදවල දමාගෙන ඉතා නිරහංකාරව මෙම කටයුතු සිදු කිරීම සුවිශේෂී කරුණක් ලෙස මම දකිනවා. මේ සම්පත්වලින් ප්රයෝජනය ගෙන මේ ප්රදේශවල දුවා දරුවන් ලෝකය ජයගත යුතු වෙනවා.’’
තමන් වහන්සේගේ අරමුණ පිළිබඳව සහ උත්සාහය පිළිබඳව අඹන්පොල විනීත හිමියෝ මෙසේ අප සමග පැවසූහ.
‘‘මම ගොඩක් ආර්ථික දුෂ්කරතා මධ්යයේ තමයි මේ පන්සලේ වැඩ හිටියේ. බණ්ඩාරවෙල පාලිත හාමුදුරුවෝ මාව මෙම පන්සලට බාරදීලා කිව්වෙ ‘ගමේ මිනිස්සුන්ට ධර්මය දේශනා කරලා දරුවන්ගේ අධ්යාපනයට සහයෝගයක් උදව්වක් දෙන්න’ කියලා. ටික දවසක් පන්සලේ ඉන්නකොට තමයි මට තේරුණේ මේ පැත්තෙ මිනිස්සු මොනතරම් දුක් විඳිනවද කියලා. ඒ අයට ඉගෙනගන්න යන්න විදිහක් නෑ. එළිවෙනකන් වල් අලිත් එක්ක පොර බදනවා.
අම්මලා තාත්තලා හේන්වල දුක්විඳිනවා දරුවන්ට ඉගෙනගන්න බැහැ. ගෙදර අනිත් අයත් එක්ක අලින්ට බයේ ගුළි වෙලා ඉන්නවා. අපේ පන්සල්වල අපි ජීවත් වුණෙත් එහෙම.
පසුව තමයි මම කල්පනා කළේ ඉංග්රීසි ඉගෙන ගන්න ඕන, ඉංග්රීසියෙන් බණ කියන්න ඉගෙන ගන්න ඕන කියලා මගේ අධිෂ්ඨානය බවට පත්වුණේ එහෙම ඉංග්රීසි ඉගෙන ගෙන ලෝකේ රටවල්වලට වැඩම කරලා බණ කියලා ඒ අයගේ ජීවිත සුවපත් කරනවා කියලා. ඒ වගේම එයින් ලැබෙන දහම් පඬුරු ටික මම එකතුපහදු කරලා මගේ ගමේ අහිංසක දරුවන්ට මම ආපු තැනට එන්න පාර කපනවා කියලා. මට අද ඒක ඉෂ්ට කරගන්න පුළුවන් වුණා.
නා හිමිවරුන් අතින් බහුකාර්ය ගොඩනැගිල්ලේ සමරු පාලකය නිරාවරණය වූ අවස්ථාව
මිනිස්සු හිතාගත්තොත්, අධිෂ්ඨාන කර ගත්තොත්, වීරිය වැඩුවොත් ඕනෑම දෙයක් කරන්න පුළුවන් කියලා අපේ බුදුරජාණන් වහන්සේ දේශනා කරලා තියෙනවා උන්වහන්සේ බුදුවෙන්න පෙරුම් පිරුවා වීරියවන්ත වුණා. ඒ වගේම අපටත් ඒ මඟ කියා දුන්නා. ඒ නිසා මමත් කල්පනා කළේ, මම දුක් වින්දා, අලින් එක්ක පොරබැදුවා, බොහොම අමාරුවෙන් මගේ දායකයන් දීපු දන් වළඳලා ලැබුණු මුදලින් ඉගෙනගෙන මාව පෝෂණය කරපු, මට උගන්නන්න උත්සාහ කරපු, මට වතුර ටික නාගන්න පහසුකම් දුන්නු, මට සිවුරු පිරිකර පූජා කරපු මේ අහිංසක ගොවි අම්මලා තාත්තලාට කළගුණ සළකන්න. දරුවන්ට හරියට ඉගෙන ගන්න හැකියාවක් නැති දෙමව්පියන්ට කළගුණ සැලකීමක් වශයෙන් තමයි මම මේ සියලු දේවල් කරන්නේ.
මේ බහු කාර්ය ගොඩනැගිල්ල කොම්පියුටර් අධ්යාපනය, ඉංග්රීසි අධ්යාපනය, සිංහල අධ්යාපනය, දමිළ අධ්යාපනය වගේම ස්වයං රැකියා පුහුණු කිරීම් පොතපත කියවීමට අවස්ථාව සියල්ල මගේ ගමේ දරුවන්ට නොමිලේ ලබාදෙන්න තමයි තීරණය කරලා තියෙන්නේ. කිසිදු මිල මුදලක් නැතුව මේ දරුවන් යහමගට ගන්න රටේ හොඳ පුරවැසියන් කරන්න හොඳ උගත් බෞද්ධ දරුවන් පිරිසක් රටට දායාද කරන්න තමයි මම උත්සහ කරන්නේ.
මේ දරුවන් හොඳ අධ්යාපනයෙන් හෙබි දරුවන් බවට පත්වුණොත් ඒ අයත් තමන්ගේ ගමට රටට වැඩදායී යමක් කරාවි. එදාටත් මේ විදිහටම මම සතුටු වෙනවා. අද මගෙන් බණ අහපු ලෝකයේ රටවල් ගණනාවක ජනතාව ලංකාවට ඇවිල්ලා මගේ දුප්පත් ගමට ආපු එක ගැන මම ගොඩක් සතුටුවෙනවා. මොකද ඒ අය ධර්මය පිළිබඳව ඉගෙනගත්තා අවබෝධ කරගත්තා. මම ආරාධනා කළා මගේ මේ උත්සාහය ඒ අයගේත් දෑසින් දැක බලාගන්න එන්න කියලා. උගත් දරු පරපුරට උදව්පදව් කරන්න මෙවැනි දේ සිදු කරන්න කියලා ඒ අය මේවා ඇස්වලින් දැකලා සතුටුවෙනවා. ලෝකයේ ඒ ජනතාව වෙනස් කරන්න ගමේ හිටපු මට පුළුවන් වුණා. ඒක මම නිහතමානීව සතුටුවෙන කරුණක්. මට උදව් උපකාර කළ සියලු දෙනාටම මම ස්තුතිවන්ත වෙනවා.”
සටහන : දඹුල්ල -
කාංචන කුමාර ආරියදාස
Posted On Thursday, 07 January 2021 04:59 Written by

: "අත්‍යවශ්‍යම නම් පමණක් පර්යේෂණවලට සතුන් යොදා ගනන.- 
එන්නත් නිෂ්පාදනය ඇතුළු සෞඛ්‍ය ක්ෂේත්‍රයේ පර්යේෂණ සඳහා අත්‍යවශ්‍යම අවස්ථාවල පමණක් සතුන් යොදා ගන්නා මෙන් ජාත්‍යන්තර සම්මානලාභී ශ්‍රී ලාංකික තරුණ විද්‍යාඥවරියක පර්යේෂකයන්ගෙන් ඉල්ලා සිටින්නීය.

කොළඹ විශ්වවිද්‍යාලයේ වෛද්‍ය පීඨයේ ජ්‍යෙෂ්ඨ කථිකාචාරිනී ආචාර්ය තරංගා තෝරදෙණිය එම ඉල්ලීම කරන්නේ, ලෝක පශු වෛද්‍යවරුන්ගේ සංසදය ( (WVA -World Veterinary Association) සහ සේවා (Ceva - Ceva Santé Animale) එක්ව පිරිනමන ගෝලීය සත්ත්ව සුභසාධන සම්මානයෙන් (2020 Global Animal Welfare Awards) පිදුම් ලැබීමෙන් අනතුරුව බීබීසී සිංහල සේවය සමඟ අදහස් දක්වමිනි.

"වෛද්‍ය පර්යේෂණ සඳහා සතුන් යොදාගන්න වෙලාවක සතාගේ සුභ සාධනය සතාට වගේම පර්යේෂකයන්ටත් ඉතාම වැදගත්. මොකද පර්යේෂණය සාර්ථක වීම සඳහා සතා ශාරීරික වගේම මානසිකව යහපත් සෞඛ්‍ය තත්ත්වයෙන් සිටීම අත්‍යවශ්‍යම දෙයක්," ඇය සඳහන් කළාය.

"පර්යේෂණයකට යොදාගන්න වෙලාවක සතා වේදනාවෙන් හෝ ආතතියෙන් ඉන්නවා නම් පර්යේෂණ ප්‍රතිඵල නිරවද්‍ය නැතිවෙන්න පුළුවන්. මොකද වේදනාව හා ආතතිය පීඩාවට (distress) හේතු විය හැකි අතර මේ නිසා ජෛව විද්‍යාත්මක බලපෑම් ඇති කරන්න පුළුවන්. අපි මෙය බොහෝ කලක සිට හඳුනාගෙන තියනවා. මෙම හේතූන් නිසා, සතුන්ට ඇතිවන වේදනාව හා ආතතිය පාලනය කිරීමට සහ සුව කිරීමට අපි නිරන්තරයෙන් උත්සාහ ගත යුතුයි."
ඇය මේ වසරේ ගෝලීය සත්ත්ව සුභසාධන සම්මානයෙන් පිදුම් ලැබුවේ එසේ සත්ත්ව සුභ සාධනය උදෙසා ගෙන යන වැඩපිළිවෙල අගය කිරීමක් වශයෙනි.

"ලෝකය තවමත් සතුන් වෙනුවට භාවිත කළ හැකි විකල්ප ක්‍රම හොයා ගෙන යනවා. සමහර ඒවා දැනටමත් සනාථ කරල තියනවා. අත්‍යවශ්‍යම දේට විතරක් සතුන් යොදාගන්න කියන එක තමා අපේ බලාපොරොත්තුව," ආචාර්ය තරංගා තෝරදෙණිය පවසන්නීය.

පළමු දකුණු ආසියානු පශු වෛද්‍යවරිය
සම්මානය පිණිස ඇය තෝරා ගැනීමට හේතු වූ කරුණු පහදන UK Ceva Animal Welfare ආයතනය පවසන්නේ, ආචාර්ය තරංගා තෝරදෙණිය වැනි "සැබෑ වීරවරියන්" පිළිබඳව බොහෝ විට සමාජයට නිසි අවබෝධයක් නොමැති බවය.

"එහෙත් ඔවුන් සියලු දෙනාම සතුන්ගේ සෞඛ්‍යය සහ සුභසාධනය වෙනුවෙන් ක්‍රියාකරන, අප සියල්ලන්ගේ ගෞරවාදරයට පාත්‍ර විය යුතු පුද්ගලයන්ය," යනුවෙන් ද Ceva Animal Welfare සංවිධානයේ ප්‍රකාශිකාවක බීබීසී සිංහල සේවය සමග කියා සිටියාය.

Dr Thoradeniya conducting a workshop
ඡායාරූප මූලාශ්‍රය,CEVA/YOUTUBE
2012 දී මුලින්ම බ්‍රිතාන්‍යය පදනම් කරගෙන මෙම සම්මානය ආරම්භ කරන ලද අතර, ඉන් අනතුරුව 2017 දී World Veterinary Association සමඟ එක්ව ගෝලීය සම්මාන පිදීම ආරම්භ කරනු ලැබ තිබේ. එවක් පටන් සත්ත්ව සුබසාධනය උදෙසා කැපවුණු විශේෂඥයන් 24 දෙනෙක් එයින් පිදුම් ලැබූහ.

ඒ අතරින්, ගෝලීය සත්ත්ව සුභසාධන සම්මානයෙන් පිදුම් ලබන පළමු දකුණු ආසියානු පශු වෛද්‍යවරිය ඇය වේ.

"මේ සඳහා මගේ නම යෝජනා කිරීම ගැන මම ශ්‍රී ලංකා පශු වෛද්‍ය සංගමයට ස්තූතිවන්ත වෙනවා. මගේ ගමන පුරාම මට සහයෝගය දුන්, මගේ දෙමව්පියන් සහ පවුලේ හැම දෙනාම, මගේ ගුරුවරුන් සහ මා සමඟ වැඩ කරන කණ්ඩායමට මගේ කෘතඥතාව හිමිවෙනවා."

'සතුන් යොදා ගන්න එපා කියන්නේ නෑ'
වෛද්‍ය පර්යේෂණ සඳහා සතුන් යොදා ගැනීමේ දී හැකි උපරිම ලෙසින් එම සතුන් රැක බලාගනිමින්, සතුන්ට වන හානිය අවම කරමින්, සත්ත්ව සුබ සාධනය සහ පර්යේෂණ සඳහා සතුන් යොදාගැනීමේ ආචාර් ධර්ම සම්බන්ධයෙන් සමාජය දැනුවත් කිරීමට ඇය කැප වී සිටින්නීය.

"මම ඒක කරන්නේ තරුණ නව පර්යේෂකයන් පුහුණු කිරීම්, දැනුවත් කිරීම් ඔස්සේ," ආචාර්ය තරංගා තෝරදෙණිය පවසන්නීය.

"මම මේක පැහැදිලි කරන්න ඕනේ. අපි කියන්නේ පර්යේෂණවලට සතුන් යොදාගන්න එපා කියල නෙමේ. විකල්පයක් සොයා ගන්න තුරු අපිට සත්තු යොදාගන්න වෙනවා. එතෙන්දි සතුන්ට ඇතිවන වේදනාව හා හිංසාව අවම කර සුභසාධනය වැඩි දියුණු කරන්න කියන එකයි අපි කියන්නේ."

ආචාර්ය තෝරදෙණිය පවසන්නේ, නිවැරදි වාර්තාකරණය (Reporting) හා පුනරුත්ථාපනය (rehabilitation) සඳහා Refinement සමඟ සත්ත්ව අත්හදා බැලීම් වලදී 3R (Replacement, Reduction, and Refinement) මූලධර්ම ප්‍රවර්ධනය කිරීම කෙරෙහි සිය සිසුන්ගේ අවධානය යොමු කරන බවය. ඒ අතරින් පර්යේෂණ සැලසුම් කිරීමේදී හා මෙහෙයවීමේදී සෞඛ්‍ය උපදෙස් හා නිර්දේශයන් සම්බන්ධයෙන් පර්යේෂකයන්ගේ වගකීම (Responsibility) කෙරෙහි ඇය වැඩි අවධානය යොමු කරයි.

Dr Thoradeniya at Colombo university
ඡායාරූප මූලාශ්‍රය,CEVA/YOUTUBE
2px presentational grey line
වන සතුන්ට ආශීර්වාදයක් විය හැකි කොරෝනාවෛරසය
පුදබිමක 'ඉකි බිඳින' මියන් කුමාර
යදම් බර වැඩිද පා බැඳි ඇතින්නියේ ?
2px presentational grey line
'ඒක සුභසාධනය' සංකල්පය
පර්යේෂණ සඳහා සතුන් යොදා ගැනීම වෙනුවට අත්හදා බැලූ විකල්ප තිබෙන බව පෙන්වාදෙන ජගත් සම්මානයෙන් පුද ලැබූ ශ්‍රී ලාංකික විද්‍යාඥවරිය, විශේෂයෙන්ම මිනිස් සෛල/පටක, පරිගණක ආකෘති (in silico models), පටක කෘත්‍රිමව නිපදවා පර්යේෂණවලට යොදාගැනීම සහ පර්යේෂණවලට ස්වේච්ඡාවෙන් දායක වන මිනිසුන් එවැනි ක්‍රමවේද බව පෙන්වා දෙන්නීය.

එසේ පුහුණු කිරීම් කරන අතරවාරයේ ඇය කොළඹ විශ්වවිද්‍යාලයේ වෛද්‍ය පීඨයේ පාඨමාලාවට 'ඒක සුභසාධනය' (one welfare) පිළිබඳ සංකල්පය හඳුන්වා දුන්නාය.

ඒ පිළිබඳව අදහස් දක්වමින් කොළඹ විශ්වවිද්‍යාලයේ උප කුලපතිනි මහාචාර්ය චන්ද්‍රිකා විජේරත්න, "සතුන්ගේ සුබ සාධනය පැත්තෙන් හිතලා, ඇය මෙම ප්‍රගතිශීලී සංකල්පය හඳුන්වා දීම ගැන අපි ආඩම්බර වෙනවා," යනුවෙන් සඳහන් කරන්නීය.

Skip YouTube post, 1

වීඩියෝ ශීර්ෂ වැකිය,අනතුරු ඇඟවීමයි: බීබීසී නොවන වාර්තාවල වෙළෙඳ දැන්වීම් අඩංගු විය හැකිය
End of YouTube post, 1
මේ අතර සම්මානලාභී පශු වෛද්‍යවරිය පවසන්නේ, වෛද්‍ය සිසු, සිසුවියන්ගේ උද්යෝගිමත් දායකත්වය සිය වැඩපිළිවෙල සඳහා මහඟු රුකුලක් බවය.

පියුමි කඳනආරච්චි, ආචාර්ය තෝරදෙණිය යටතේ පුහුණුව ලබන කොළඹ විශ්විද්‍යාලයේ වෛද්‍ය ශිෂ්‍යාවකි.

"වෛද්‍ය ශිෂ්‍යයෝ විදියට අපි මිනිස්සුන් ගැන මිසක් සත්තු ගැන හිතන්නේ නෑනේ. ඉතින් මැඩම් තමයි අපිට උගන්නන ගමන් පර්යේෂණවලට ගන්න සත්තු පුනරුත්ථාපනය කරන්න ඕන කියන දේත් කියල දුන්නේ," පියුමි කඳනආරච්චි බීබීසී සිංහල සේවය සමඟ කියා සිටියාය.

"ඇත්තටම මැඩම්ට ඕන වෙලා තියෙන්නේ අපි සාම්ප්‍රදායික සත්ත්ව හිමිකම් ක්‍රියාකාරීන් වෙනවට වඩා අපේ පර්යේෂණ අතරේම සතුන්ගේ සුභසාධනය ගැනත් හිතන්න අපිට පුරුදු කරන්න."

"මොකද සත්ත්ව හිමිකම් කීවම බොහෝ දෙනා හිතන්නේ නිවාසවල ඉන්න බල්ලෝ, බළල්ලු වගේ සත්තු ගැන නේ, පර්යේෂණවලට ගන්න සත්තු ගැන හිතන්නේ නෑනේ. මීයෝ, හාවෝ වගේ සත්තු ගැන හිතන්නේ නෑනේ. නමුත් පිටරල්වල එහෙම යොදාගන්න සත්තු රෝගීන්ගේ මානසික සෞඛ්‍ය ප්‍රවර්ධනයට පවා යොදාගන්න අවස්ථා තියෙනවා. මැඩම් ඒක තමා අපිට කියල දුන්නේ."

පර්යේෂණ පිණිස යොදා ගන්නා සතුන් ඇතැම් රටවල ඉන් අනතුරුව සුරතල් සතුන් ලෙසින් ඇති දැඩි කිරීම පිණිස නිවාසවලට භාරදෙන අවස්ථා ද තිබෙන බවත් පියුමි කඳනආරච්චි සඳහන් කළාය.

පේරාදෙණිය විශ්වවිද්‍යාලයේ පශු වෛද්‍ය පීඨයේ ප්‍රතිකාර ලැබූ බලු සුරතලෙක්
ඡායාරූප මූලාශ්‍රය,CEVA/YOUTUBE
ඡායාරූප ශීර්ෂ වැකිය,
පේරාදෙණිය විශ්වවිද්‍යාලයේ පශු වෛද්‍ය පීඨයේ ප්‍රතිකාර ලැබූ සුනඛ සුරතලෙක්

සංස්කෘතික ලක්ෂණ
ඒ අතරම ශ්‍රී ලංකාව සහ ඉන්දියාව වැනි ආසියානු කලාපීය සමාජවලට ආවේණික වූ ගති ලක්ෂණයක් ගැන ද සම්මානලාභී පශු වෛද්‍යවරිය සිහිපත් කරයි.

විශේෂයෙන්ම සත්ත්ව හිංසාවට එරෙහි ශ්‍රී ලංකාව සහ ඉන්දියාව වැනි රටවල සමාජයන්ට සත්ව සුබ සාධනය පහදාදීම පහසු බව බීබීසී සිංහල සේවය සමඟ කියා සිටි ආචාර්ය තරංගා තෝරදෙණිය වැඩිදුරටත් සඳහන් කළේ, "අපි ඉගෙනගන්න කාලේ අපිට මේක එතරම් දැනුණේ නෑ මොකද පර්යේෂණය ගැන හා ඉගෙන ගන්න එක ගැන නේ වැඩි අවධානය යන්නේ," යනුවෙනි.

"නමුත් අපි පෙන්වල දෙනවා නම් අපේ සමාජය මේ කරුණු ගැන ඉතා සංවේදීයි. ඉතින් මම දැක්ක දෙයක් තමා ලංකාවේ අය ගොඩක් අපිට ඇහුම්කන් දෙනවා. ඒ වගේම එයාල මේ ගැන තවදුරටත් ඉගෙනගන්න උනන්දුයි."

"උදාහරණයක් විදියට කුඩා දරුවන් තුළ සතුන් ගැන ස්වභාවිකවම සහජ ආදරයක් තියෙනවා. අපි කළ යුත්තේ දරුවන්ට සතුන් එක්ක ගැවසෙන්න තියෙන අවස්ථාව වැඩි කරලා ඒ ආදරය, ඒ රැක බලා ගැනීමේ ආසාව තවත් ප්‍රවර්ධනය කරන එක. මෙය සතුන්ගේ සුභසාධනය සඳහා පමණක් නොව මිනිසුන්ගේ සෞඛ්‍යය හා යහපැවැත්ම සඳහා ද ඉතා වැදගත් වෙනවා."

සත්ත්ව සුභසාධනය සහ ආචාර ධර්ම පිළිබඳ සංසදයක් (forum) නිර්මාණය කිරීම සඳහා අඩිතාලම දමා ඇති බවත්, සමාන අදහස් ඇති ශ්‍රී ලාංකික පර්යේෂකයන් සහ විද්වතුන්ට සම්පත් හා දැනුම බෙදාහදා ගැනීම සඳහා මේ හරහා එකම වේදිකාවක එක්විය හැකි බවත් ඇය පවසන්නීය. මෙම සහයෝගිතාව පුළුල් කිරීම සඳහා තමන් සමග අත්වැල්බැඳගන්නා මෙන් සමාන අදහස් ඇති අයට ආරාධනා කරන බවත් ආචාර්ය තෝරදෙණිය පවසන්නීය.

සත්ත්ව සුභසාධනය පිළිබඳ පිළිගැනීමට ලක්වූ ඉන්දියාවේ ආචාර්ය විජේ පාල් සිං සමඟ එක්ව ආචාර්ය තෝරදෙණිය නිර්මාණය කළ පදනම හරහා පර්යේෂණ සතුන්ගේ සුභසාධනය පිළිබඳ මෙම සංකල්පය තරුණ නව පර්යේෂකයන් පුහුණු කිරීම් මාර්ගයෙන් ආසියාවේ වෙනත් ප්‍රදේශවලට ගෙන යාමට ඇය අදිටන් කරගෙන සිටින්නීය.

"මම ඇත්තෙන්ම කැමතියි සතුන් යොදා නොගන්නා පර්යේෂණ සංස්කෘතියක් දකින්න," ආචාර්ය තරංගා තෝරදෙණිය මා සමඟ කියා සිටියාය.

"එවැනි කාලයක් වන තෙක් මගේ රටේ හා ආසියානු කලාපයේ පර්යේෂකයන් ඔවුන්ගේ රසායනාගාර සතුන්ගේ සුභසාධන හා සම්බන්ධ ගැටලු උද්‍යෝගිමත්ව හා විවෘතව විසඳනව දකින එක තමයි මගේ එකම බලාපොරොත්තුව," ඇය සංවාදය නිමා කළේ එලෙසිනි.

සරෝජ් පතිරණ විසින් BBC සිංහල සේවයට වාර්තාකළ ලිපියක් ඇසුරෙනි.

 

Posted On Wednesday, 02 December 2020 08:18 Written by

 

 

“මට තිබුණේ දඩබ්බර ගති. මම හිතපු, කරපු කියපු දේවල්වලට කවුරුවත් කැමති වුණේ නැහැ. සමහරු මට පිස්සු කියල කිව්වා. මම අසාර්ථක මිනිහෙක් කියලා කිව්වා. හැමෝම මාව ප්‍රතික්ෂේප කළා. එහෙත් මට ඕන වුණේ කාටවත් අත දිගඇරලා අල්ලන්න බැරි තරම් දුරක් යන්න. මම හිතනවා අද මම මගේ ගමන ඇවිත් කියලා.” මෙහෙම කියන්නේ ජැක් මා නමැති චීනයේ ලොකුම පොහොසතාය.

2019 වර්ෂයේ මාර්තු මාසය අවසන්වන විට ඇමෙරිකානු ඩොලර් බිලියන 39.9ක වත්කමකට හිමිකම් කියන ජැක් ලොව සාර්ථකම මිනිසුන් අතර ප්‍රමුඛයෙකි. චීනයේ පොහොසත්ම මිනිසා වන ජැක් මා චීන කොමියුනිස්ට් පක්ෂයේ ක්‍රියාකාරියකු වීම ද විශේෂත්වයකි.

ජැක් මා යුං යනු චීනයේ අන්තර්ජාලයේ මහා දැවැන්තයාය. එක් දිනක් හෝ අන්තර්ජාලයේ සැරිසරා ඇත්නම්, අන්තර්ජාලයේ මොනයම් හෝ දෙයක් ඔබ සොයා ඇත්නම් ජැක් මා විසින් නිර්මාණය කළ අන්තර්ජාලයේ දැවැන්ත ව්‍යාපාරය වූ අලිබබා සමාගමේ නාමය ඔබ අනිවාර්යයෙන්ම දැක ඇතුවාට සැකයක් නැහැ.

අලිබබා Alibaba යනු අන්තර්ජාලයෙන් භාණ්ඩ මිලදී ගැනීම සඳහා සකස් කරන ලද සමාගමකි. ලෝකය පුරාම ප්‍රසිද්ධ මේ වෙබ් අඩවියේ නිර්මාතෘවරයා වන්නේ ජැක් මා යුං ය. ජැක් මා අද ලෝකයේ සිටින විශාලතම ධනවතෙක්. නමුත් ඔහුගේ ජීවිතය ආරම්භයේදී සුන්දර යහනාවක් බවට පත්ව නොතිබීම විශේෂත්වයක්. තමන් ජීවත් වූ සමාජයම තමන් ප්‍රතික්ෂේප කරද්දී ජැක් මා තම උත්සාහයෙන් ලෝකයටම අත්‍යාවශ්‍ය පුද්ගලයකු බවට පත්වූ ආකාරය අපූරුයි. ඔහු මේ වනවිට ආසියාවේ ධනවත්ම පුද්ගලයා බවට පත්ව අවසන්.
1964 සැප්තැම්බර් 10 වැනි දින චීනයේ දකුණු නැගෙනහිර හැංග්ෂු පළාතේ සාමාන්‍ය පවුලක උපත ලබන ඔහුගේ මුල් නම වන්නේ මා යුං ඒ.කේ.ඒ. යන්නයි. කැතී ෂෑං යිං සමඟ විවාහ වී සිටින ඔහුට දරුවන් තිදෙනෙකි. පවුලේ වැඩිමලා වූ මා හට සහෝදරියන් දෙදෙනෙකි. ඔහුගේ මවත් පියාත් සම්ප්‍රදායික සංගීතඥයන්. මේ නිසාම කුඩා කල සිටම ඔහුට මුහුණ දෙන්නට සිදුව ඇත්තේ විශාල ආර්ථික දුෂ්කරතාවකට.

අධ්‍යාපනය සඳහා එතරම් දක්ෂතා නොපෙන්වූ ඔහු පාසලේ පළමු වසරේදීම දෙවරක් අසමත් වීම විශේෂත්වයකි. ද්විතීක විභාගය ද ඔහු තුන්වරක් අසමත්ව ඇත. එහෙත් ඔහුගේ ආශාව බවට පත්ව තිබුණේ ඉංග්‍රීසි භාෂාව ඉගෙන ගැනීම. චීනයේදී මේ සඳහා පහසුකම් ප්‍රමාණවත් නොවුණු නිසා ඔහු භාවිත කළේ තමන්ටම ආවේණික ක්‍රමයක්.
1972 වර්ෂයේදී ඇමෙරිකාවේ ජනාධිපති රිචර්ඩ් නික්සන් හොන්ෂු ප්‍රදේශයට සංචාරයක් සඳහා පැමිණීමෙන් අනතුරුව මේ ප්‍රදේශයේ සංචාරක කර්මාන්තය වර්ධනය වීම ඔහුගේ අරමුණ ඉටුකරගැනීමට රුකුලක් වී තිබිණි.

මා දිනපතා උදෑසන මගේ පාපැදියෙන් උද්‍යානයට ගොස් විදෙස් සංචාරකයන් නොමිලයේම මගේ පාපැදියෙන් සංචාරය සඳහා රැගෙන යාමට පුරුදුව සිටියා. මේ යන ගමනේදී තමන් දන්නා ලෙස ඔවුන් සමඟ ඉංග්‍රීසි බසින් කතා කිරීම පුරුද්දක් වී තිබුණා. මේ අතර හමුවූ එක් විදෙස් කාන්තාවක් මට ‘ජැක්’ යන නම පටබැන්දාය.
මා යුන් නම් ගැටයා ‘ජැක් මා’ වූයේ ඒ ආකාරයෙනි.

අසීරුවෙන් වරින් වර අසමත් වෙමින් සිය පාසල් අධ්‍යාපනය අවසන් කළ ජැක් විශ්වවිද්‍යාල අධ්‍යාපනය සඳහා අයදුම් කළේය. එහෙත් ඔහුට ඒ සඳහා අවස්ථාව ලැබුණේ නැත. වරින් වර දසවතාවක් හාවර්ඩ් විශ්වවිද්‍යාලයෙන් අධ්‍යාපන අවස්ථා ඉල්ලා සිටිය ද ඔහු ගැන කිසිදු තැකීමක් නොකෙරිණි. අවසානයේ ඔහු හොංෂු හි සාමාන්‍ය විශ්වවිද්‍යාලයකට ඇතුළත් වීමට සමත් වූයේය.

එහිදී ඉංග්‍රීසි භාෂාව පිළිබඳ උපාධියක් ලබාගන්නා ජැක් මා රැකියාවක් සඳහා උත්සාහ කරන්නට විය.

ජැක් මා පවසන්නේ තමන් රැකියා 30කට පමණ ඉල්ලු කළ ද ඒ සියලුම ස්ථානවලින් තමන් ප්‍රතික්ෂේප වූ බවයි. වරක් KFC ආයතනයේ රැකියාවකට ඉල්ලු කළ අතර එහිදී ඔහු සමඟ තවත් 24 දෙනකු රැකියාව සඳහා සම්මුඛ පරීක්ෂණයට ගොස් තිබේ. එ් අතරින් 23 දෙනකු තෝරාගෙන ඇති අතර ප්‍රතික්ෂේප වූ එකම පුද්ගලයා වූයේ ජැක් මා ය.
පසුව පොලිස් සේවයට ඉල්ලුම් කරන ඔහු පස්දෙනකු සමඟ අදාළ පරීක්ෂණයට ගිය විට අනෙක් සිව් දෙනාම පොලිස් සේවයට බඳවා ගත්ත ද ජැක් මා ප්‍රතික්ෂේප වූයේය.
අවසානයේ ඔහුට පිහිටට එන්නේ දැඩි උත්සාහයෙන් හා අසීරුවෙන් ඔහු විසින් ඉගෙන ගත් ඉංග්‍රීසි භාෂා දැනුමයි. ඒ හොංෂු විශ්වවිද්‍යාලයේ ඉංග්‍රීසි ගුරුවරයකු ලෙස සේවය කිරීමේ අවස්ථාවයි. එයින් මසකට වැටුප් ලෙස ලැබුණේ ඩොලර් 12ක මුදලකි.

1995 වර්ෂයේ දී ඔහුගේ ජීවිතය වෙනස් වීමේ සංචාරයකට මග පෑදිණි. චීන ජාතිකයකු වන ජැක් මා යුං හට ඇමෙරිකාවේ සංචාරය කිරීමට අවස්ථාව ලැබිණි. ඒ භාෂා පරිවර්තකයකු ලෙසිනි. ඒ වනවිට ඔහු කිසිදිනක අසා නොතිබුණු අන්තර්ජාලය ගැන ඒ සංචාරයේ දී දැනගන්නට ලැබිණි.

“මම ඇමෙරිකාවේදී මේ අපූරු තාක්ෂණය දැක්කා. මුලින්ම හෙව්වේ Beer යන වචනය. එයට අදාළව තොරතුරු ලෝකයේ රටවල් ගණනාවකින් ලැබුණා. ඉන් පස්සේ මම China යන වචනය හෙව්වා. මේ වචනයට කිසිම ප්‍රතිචාරයක් ලැබුණේ නැහැ. මට එය ගැටලුවක් වුණා. චීනය අන්තර්ජාලයට ගෙන යා යුතු බව මම තීරණය කළා.” යැයි ජැක් මා යුං පසුකලෙක කියා තිබිණි.

බිලියන ගණනක ජනගහනයක් සිටින චීනයෙන් ඒ වනවිට අන්තර්ජාලය සඳහා දායකත්වයක් නොමැති වීම ජැක්ට ගැටලුවක් වී තිබිණි. ඇමෙරිකාවේ සිටි දින කිහිපයේදී අන්තර්ජාලය පිළිබඳ හැකි තරම් අධ්‍යයනය කළ ජැක් චීනයට පැමිණ වහාම තම මිතුරන් කිහිපදෙනකු සමඟ අන්තර්ජාලය ගැන පවසා චීනයට එයින් වැඩගත හැකි ආකාරය ද කියා දෙන්නට උත්සාහ ගත්තේය.

එහෙත් මිතුරන්ගෙන් ඔහුට ලැබුණු ප්‍රතිචාරය වූයේ ජැක් මේ පිස්සකු බවයි. තම අතීතය ගැන සතුටින් සිහිපත් කරන ජැක් පවසන්නේ “පිස්සකු වෙන එක හොඳයි මෝඩයකු වනවාට වඩා” යනුවෙන් පවසමිනි.

ඇමෙරිකාවට යද්දී පරිගණකයක් භාවිත කිරීමට හෝ හැකියාවක් නොතිබූ ජැක් මේ අන්තර්ජාලයෙන් දැවැන්ත අනාගතයක් දුටුවේය. නමුත් ඔහු පවසන්නේ එයින් ලාබ ලැබීමේ අපේක්ෂාවක් තමන්ට නොතිබූ බවයි. ඇමෙරිකාවේ දී චීනය යන වචනය අන්තර්ජාලයෙන් සොයා ගැනීමට නොහැකි වූ නිසාම චීනයට මේ පහසුකම ලබාදීම පමණක් තම අරමුණ වූ බව ඔහු පවසයි.

“ලාභ ලැබීමේ අරමුණින්ම යම් කිසිදෙයක් ආරම්භ කරනවානම් අසාර්ථක වෙන්න තිබෙන ඉඩ ගොඩක් වැඩිවෙනවා. වඩා වැදගත් වෙන්නේ අප කරන දේ අවංකවම කිරීමයි. අප කරන දේ නිවැරදි අවබෝධයකින් අවංකව සිදුකරනවානම් මුදල් අප පසුපස එනවා.”

ඒ ජැක් මා ජීවිත දර්ශනය ලෙස පවසන දෙයකි.

ජැක් මා හට පිස්සුයැයි කී මිතුරකු ඔහුට මෙම නව සිහිනය සැබෑවක් කරගැනීමට මුදලක් ණයට දීමට එකඟ වී ඇත. මිතුරන්ගේ උදව්වෙන් ඔහු “Chinapage” නමැති වෙබ් අඩවිය ආරම්භ කළේය. එහි ඔහු චීනය ගැනත් චීන නිෂ්පාදන ගැනත් සඳහන් කෙරිණි.

කාලය ක්‍රමයෙන් ගෙවී යමින් තිබිණි. වසර හතරක කාලයක් ගතවනතුරු ජැක් හට මෙයින් කිසිදු ආදායමක් ලැබුණේ නැත. එහෙත් නොපසුබට උත්සාහයෙන් ජැක් තම පුද්ගල සම්බන්ධතා වර්ධනය කරගනිමින් වෙබ් අඩවිය ප්‍රචලිත කරන්නට සමත්ව සිටියේය. මේ අතර Yahoo ආරම්භක සාමාජිකයකු වන Jerry Yang ජැක් හා සම්බන්ධවීම ඔහුගේ ව්‍යාපාරයේ පරිවර්තනයට හේතුවක් විය.

1999 වර්ෂයේදී ජැක් තම බිරිඳ සහ 18 දෙනකුගෙන් යුතු කණ්ඩායමක් සමඟ චීනයේ සුළු හා මධ්‍ය පරිමාණ ව්‍යාපාර අන්තර්ජාලය ඔස්සේ ප්‍රචලිත කිරීමේ කාර්ය ආරම්භ කර තිබේ. අලිබබා Alibaba සමාගම ආරම්භ වන්නේ එහි ප්‍රතිඵලයක් ලෙසිනි.

 

“අපි මේ සමාගම ආරම්භ කළේ මම ජීවත් වූ කුඩා කුලී නිවස තුළ. අපි වැඩ කළේ, ආහාර ගත්තේ, නිදා ගත්තේ කාර්යාලය තුළමයි. එහෙත් අපි හොඳ සේවාවක් ලබාදීම ගැන හැමතිස්සේම හිතුවා.” ජැක් මා තම Alibaba සමාගමේ ආරම්භය සිහිපත් කරන්නේ ඒ ආකාරයෙනි.

ඉතා අපහසුවෙන් සොයාගත් මුදල් යොදා අන්තර්ජාලය ඔස්සේ භාණ්ඩ අලෙවි කිරීමේ අරමුණින් ආරම්භ කළ මේ සමාගමට 1999 වර්ෂයේ අගභාගයේ සොෆ්ට් බෑන්ක් සමාගමෙන් ඩොලර් මිලියන 20ක ආයෝජනයක් ලැබෙන අතර තවත් ඩොලර් මිලියන පහක ආයෝජනයක් ගෝල්ඩන් සචේ සමාගමෙන් ලැබිණි. එතැන් සිට ජැක් මා පිස්සුවෙන් මෙන් දුටු අනාගත අන්තර්ජාල සාප්පුව සැබෑ යථාර්ථයක් බවට පත්වන්නට වූයේ අතිශය වේගයෙනි.

එහෙත් අන්තර්ජාලය ඔස්සේ ව්‍යාපාර කිරීමට චීන ජාතිකයන් බහුතරයක් අකමැති වීම ජැක් මා හට එල්ල වූ අභියෝගයක් විය. තමන්ට නුහුරු නුපුරුදු ක්‍රමයකට මුදල් ගෙවීම ගැන චීන ජාතිකයන්ට වැඩි විශ්වාසයක් තිබුණේ නැත. මේ ගැටලුවට පිළියමක් ලෙස ජැක් Alibaba නාමය යටතේ Alipay සංකල්පය හඳුන්වා දුන්නේය. බැංකුවක අනුමැතියකින් තොරව ව්‍යාපාර කටයුතුවල දී මුදල් ගනුදෙනු කළ හැකි මේ ක්‍රමය අදටත් Paypal සේවාවට වඩා බහුලව භාවිත වන්නකි.

මේ සේවාවන් ද හඳුන්වාදීමත් සමඟම අලිබබා සමාගම හා එහි සේවාවන් තව තවත් ජනප්‍රිය වන්නට විය. 2003 දී ජැක් සහ කණ්ඩායම Taobao.com අන්තර්ජාල වෙන්දේසි සේවාවක් ආරම්භ කළ අතර එයට සමගාමීව Tmall සහ AliExpress අතිරේක සේවාවන් ද ආරම්භ කර තිබේ.

ජැක් පවසන්නේ ව්‍යාපාරයකදී තම සේවාදායකයන්ට නිරන්තරවම ප්‍රමුඛත්වය ලබාදිය යුතු බවයි. එමෙන්ම සේවකයන් හා කොටස්කරුවන් පිළිබඳව ද අවධානය යොමු කිරීම අත්‍යාවශ්‍ය බව පවසන හෙතෙම වැඩිදුරටත් කියා සිටින්නේ අවංකබව හා විනිවිධභාවය ව්‍යාපාරයක දියුණුවට අතිශය වැදගත් බවයි.

ලෝකයේ මහා ධනවතුන් අතර ඉහළින්ම වැජඹෙන ජැක් මේ වරක් ප්‍රසිද්ධ දේශනයක දී මෙසේ කියා තිබිණි.

“මට තිබෙන විශාලතම කනගාටුවක් තමයි වර්තමානයේ තරුණ ළමයින්ට බලාපොරොත්තු නැහැ. ඔවුන්ට නිවැරදි දැක්මක් නැහැ. ඔවුන් නිතරම නැති දේවල් ගැන කියමින් කනගාටුවෙනවා. දුක්වෙනවා. මමත් ඒ වගේ සියලු දේ අහිමිවීමේ මානසිකත්වයකට ඇදවැටුණු අවස්ථා තිබුණා. ඒත් මම මගේ අවස්ථාවන් හරියටම ගන්නේ කොහොමද කියලා ඉගෙන ගත්තා.

අනිත් අයට දෝෂාරෝපණය කරමින් නැති දේ ගැන වධ වෙනවානම් අපිට කවදාවත් නැගිටීමක් නැහැ. පරාජයන් හා බිඳවැටීම්වල දී සමාජයට චෝදනා කරනවා වෙනුවට ඒ පරාජය තුළින්ම නැගී සිටීමේ ආත්ම ධෛර්යය ඇතිකරගත යුතුයි. අද දවස අමාරුයි. හෙට ඊටත් වඩා අමාරු වේවි. නමුත් හිරු පායන්නේ හෙට නම්, ඔබ හෙට ජීවිතය අත හැරියොත් කවදාවත් ඔබට ආලෝකය දකින්න බැරි වේවි.”

ජැක් මා පවසන ඒ කතාව ලෝකය පුරාම වර්තමාන තරුණ පරපුරට මහා ආදර්ශයකි.

 

සජීව විජේවීර
-Lankadeepa

Posted On Monday, 23 November 2020 06:28 Written by


පුංචි තිරයේ ආදරබර නිහතමානි චරිතයක් වන නයෝමි තක්ෂිලාට ස්වකීය රංගන දිවියේදී නිර්මාණ වෙනුවෙන් පුදකළා වූ සාධාරණත්වය හා වටිනාකමෙහි අස්වැන්න ඇයට හිමිවෙනවා. වසරේ වැඩිම පිරිසකගේ ආදරය දිනාගත් ටෙලි නාට්‍ය නිළිය ලෙස සම්මානයෙන් පිදුම් ලැබීමෙන් පසුව නයෝමි තක්ෂිලා අප හා පැවැත්වූ සුහද පිළිසඳරයි මේ.

සම්මානය හිමිවීමේ මොහාතේ දැනුන සතුට කොතරම්ද?
මගේ ජීවිතයේ සතුටුදායක අවස්ථා මට ලැබිලා තියෙනව. හැබැයි ඒ සතුටුදායක අවස්ථාවලින් මම වැඩියෙන්ම සතුටු වුණ මොහොත තමයි මේ සම්මානය මගේ දෝතට ලැබුණ දවස.

මේ වසරේ නිර්මාණ වැඩි සංඛ්‍යාවකට දායක වෙමින් ජනප්‍රියම නිළිය වෙන්න හීන මැවුවාද?
ඕනම කෙනෙක් නිළියක් වුණාට පස්සෙ සම්මාන හා ඇගයීම් බලාපොරොත්තු වෙනව. එහෙම නැහැ කිව්වොත් ඒක බොරුවක්. හැබැයි මෙවර සම්මාන උළෙලේ ජනප්‍රිය නිළිය සම්මානයට මගේ නමත් නිර්දේශ වෙයි කියලා මම හිතුවෙ නැහැ. හැබැයි මගේ නම නිර්දේශ වෙලා අන්තිම දහයටත් ආවට පස්සෙ තමයි මට බලාපොරොත්තුවක් ආවේ මට මොකක් හරි අවස්ථාවක් ලැබෙයි කියලා.

සම්මානය හිමිකර ගැනීමෙන් පසු ඔබට දැනෙන්නේ අභියෝගයකට මුහුණ දීමෙන් පසු දැනෙන හැඟුමද?
සම්මානය ලැබෙයිද කියලා අභියෝගයක් තිබුණා. නමුත් මේ අවුරුද්දෙ මම රඟපාන ටෙලි නාට්‍ය හයක්ම විකාශනය වෙනව. මම මේ කාලය තුළ චරිත හයකින් ප්‍රේක්ෂකයන් අතර ඉන්නව. මා සමග නිර්දේශ වූ අනිත් රංගන ශිල්පිනියනුත් මට කලින් රංගනයට ආපු අය. මේ හැම දෙයක්ම ගැන බලද්දි ඒක එහෙම නොවෙයි කියලා කියන්නත් බැහැ.

ජනප්‍රියත්වයේ සම්මානයෙන් ක්ෂේත්‍රයේ ඔබව වෙනස් මානයකට යොමු කළාද?
රංගන ශිල්පිනියක් විදිහට සම්මානයක් ලැබීම ලොකු ශක්තියක්. නමුත් මම ඒ මතම ඉන්නෙ නැහැ. සාමාන්‍ය විදිහට මම කරගෙන ආපු වැඩටික කරගෙන යනවා.

මේ සම්මානය බොහොම කෙටි කලකින් පහසුවෙන් හිමිවූ දෙයක්ද?
නැහැ. නැහැ. ඇත්තම කිව්වොත් මං සම්මානය ගත්ත මොහොතෙත් මේ ගැන මතක් කළා. මම 2013 අවුරුද්දෙ කොළඹට ආපු දා ඉඳන් කළ කැපවීම මහන්සිය මේ තරම් කාලයක් මම ක්ෂේත්‍රයේ කටයුතු කළ ආකාරය මගේ නිහතමානීකම මේ හැම දෙයකම ප්‍රතිඵලයක් විදිහටයි මට මේ සම්මානය ලැබුණෙ.

ඔබ පැමිණි ගමනේ මතක සටහන් සිහිපත් කර තබන්න මේ අනගි මොහොතක් කියා හැඟෙනවා
මම අනුරාධපුරයෙ නෙල්ලිකුලම ගමේ ඉඳන් කොළඹට එන්නෙ ටවර් හෝල් පදනමේ නාට්‍ය හා රංගකලා උපාධිය හදාරන්න. උපාධිය හදාරල අවසන් වුණාට පස්සෙ මට අකලංක සපුමල්ගෙ හිනාවෙලා හේතුවක් වේදිකා නාට්‍යයේ රඟපාන්න ලැබුණා. එම රංගනය වෙනුවෙන් 2015 මම යෞවන සම්මාන උළෙලේ හොඳම නිළියගේ සම්මානය මට ලැබුණා. එතැනින් තමයි මම මගේ රංගන දිවිය ආරම්භ කරන්නෙ. ඊට පස්සෙ 2016 රාජ්‍ය නාට්‍ය උළෙලේ හොඳම නිළියට මගේ නම නිර්දේශ වුණා. ඊට පස්සෙ තමයි මම ටෙළිනාට්‍ය වලට යොමුවුණේ.

නයෝමි පටන් ගන්නෙ ප්‍රධාන නිළියගේ චරිතයෙන්ද?
මට මුලින් ප්‍රධාන චරිත ලැබුණෙ නැහැ. මම ඕන තරම් පොඩි පොඩි චරිත කරල තියෙනව. උදාහරණයක් විදිහට මුළු නාට්‍යයේම එක දර්ශනයක පමණක් රඟපාන චරිත කරලා තියෙනව. පොඩි තැනකින් ආවහම තමයි මේ වගේ දිනුමකදී ලොකු වටිනාකමක් දැනෙන්නෙ.

ඔබ පවසන්නෙ දුෂ්කර ගමනක ප්‍රතිඵලයක් ලෙස අද ඔබ ජනප්‍රියත්වයේ සම්මානය හිමිකරගත් බවද?
අනේ ඔව්. අපි අවුරුදු දෙකක් ඉගෙනගන්න කාලෙ ඉතා දුෂ්කර ජීවිතයක් ගත කළා. අපි කොළඹ ජීවත්වුණේ. ගෙදරින් දෙන මුදල් ටිකෙන් සල්ලි ඉවර වුණහම මෙහෙ සල්ලි ඉල්ලගන්න කෙනෙක් නැහැ. බස් එකේ යන්න සල්ලි නැතිව පයින් ගිහින් තියෙනව. රෑට බෝඩිම්වල බත් කන්න ව්‍යංජන නැතිවුණාම රෑට පවා කිරිබත් හදාගෙන කාල තියෙනව. එහෙම කට්ටක් කාල තමයි මෙතැනට ආවෙ. දැන් මට හැමදේම ලැබිලා තිබුණත් ඉස්සර ගතකරපු සරළ ජීවිතයට තමයි මම කැමති. අදටත් මට එදා උන්න ඒ සරළකමේ ඉන්න පුළුවන්.

පාසල් සමය නයෝමිට නිළියක් විමේ මංපෙත හෙළි පෙහෙළි කර දුන්නද?
පුංචි කාලෙනම් මම කියල තියෙනව මම හින්දි නිළියක් වෙන්න කැමතියි කියලා. ඒත් මම ඉගෙනගත්ත අපේ ගමේ නෙල්ලිකුලම පාසලේ නාට්‍ය හා රංගකලාව කියල විෂයක් තිබුණෙ නැහැ. ඒ නිසා පාසලේ සාමන්‍ය පෙළ දක්වා මට කලාව ටිකක් මග හැරුණ. සාමන්‍ය පෙළට නම් නැටුම් ඉගෙන ගත්තා උස්සපෙළ කරන්න. අනුරාධපුර ස්වර්ණපාලි බාලකා විද්‍යාලයට ඇතුළු වුණාට පස්සෙ මට නාට්‍ය හා රංගකලාව හදාරන්න ලැබුණා.

එකම වකවානුවක ටෙළි නාට්‍ය හයක රඟපෑම පහසු කාර්යයක්ද ?
මේ දවස්වල මම රඟපාන නාට්‍ය හයක් විකාශනය වෙනව. ඒ සඳහා කාලය වෙන්කරගන්න එක පවා හරිම සූක්ෂම විදිහට කරන්න වෙනව. උදාහරණයක් විදිහට විශේෂයෙන් අද මම යන්නෙ නීල පබළු ටෙළි නාට්‍යයේ රඟපාන්න නම් මම උදේ ඉඳන් ඒ චරිතය ගැන විතරමයි හිතන්නෙ. නැත්නම් මම ඒ තැනට ගිහින් ඔළුව හදාගන්න කැමතියි.

නිළියක් විදිහට චරිතයක් වෙනුවෙන් ඕනෑම ආකරයක කැපවීමක් කරන්න ඔබ සූදානම්ද?
ඒක මම තීරණය කරන්නෙ නිර්මාණයේ පිටපතත් එක්ක.

නයෝමිගේ මීළඟ ඉලක්කය කුමක්ද ?
මගේ හීනය වුණේ කවද හරි හොඳම නිළිය වෙන්න ඕන කියන එකයි. හැබැයි ඊට කලින් මට ජනප්‍රියම නිළිය සම්මානය ලැබුණා. මට හොඳම නිළියගේ සම්මානය ලැබෙන දවසත් එයි කියලා හිතනව.

ගමේ ඉඳන් කොළඹ ආපු නයෝමි මේ හැම දෙයටකටම මුහුණ දෙන්නෙ තනියමද?
මම තනියම තීරණ ගන්න අවස්ථා තියෙනව. නමුත් මගේ දෙමවුපියන්ගෙ අනුදැනුම ඇතිව තමයි මම වැඩ කරන්නෙ. මම නතර වෙලා තියෙන්නෙ කොළඹ මගේ පුංචි අම්මගෙ ගෙදර. මගේ අම්මත් නිතරම කොළඹ ඇවිත් මාත් එකක් ඉන්නව.

මේ අවස්ථාවේ ඔබ හැරුණම ඔබත් සමග සතුටුවෙන අය අතර ඉන්නෙ?
වැඩියෙන්ම සතුටු වු​​ණේ අම්මයි තාත්තයි.

ඇයි ඔබගේ පෙම්වතා
නැහැ. එහෙම නැහැ. මගේ අම්මයි තාත්තයි තමයි මේ මොහොතේ මාත් එක්ක සතුටු වෙන්නෙ. මම බැඳී සිටින්නෙ මගේ දෙමව්පියන් සමගයි.

උපුටා ගැනීම - අරුණ  පුවත්පත 

Posted On Tuesday, 10 November 2020 05:12 Written by

 

ප්‍රධාන ධාරාවේ සියළුම ගෝලීය මාධ්‍ය විසින් ඊයේ වාර්තා කරන ලද කෝවිඩ් 19 සඳහා සාර්ථක ලෙස අත්හදා බලමින් යන එන්නත පිටුපස සිටිනා විද්‍යාඥ දෙපල ගැන ඩෙලි මේල් වෙබ් අඩවිය අද පුවතක් රැගෙන එනවා. කෝවිඩ් 19 සඳහා Pfizer සහ BioNTech සමාගම් විසින් අත්හදා බලමින් තිබෙන මේ එන්නත ගැන මුල්ම උණුසුම් පුවත රැගෙන ආවේද ඩේලි මේල් ඔන්ලයින් පුවත් පතයි ( ඒ ගැන මම මගේ පිටුවේ මීට කලින් සටහනක් තබා තිබෙනවා). ඇමෙරිකානු ජනාධිපති වරණය අවසන් වූ අල්ල පනල්ලේම මේ එන්නත පිළිබද පුවත එළියට පැමිණීම ගැන කුමන්ත්‍රණ න්‍යාය කරුවන් ද සැක පළකරනවා.

කෙසේ වුවත් Pfizer සහ BioNTech සමාගම් විසින් හඳුන්වා දී ඇති මෙම තීරණාත්මක සහ දෛවෝපගත එන්නතේ සමාරම්භකයින් ලෙස සැලකෙන්නේ උගුර් ෂහින් (Ugur Sahin) සහ ඔයිස්ලම් ටියුරේසි (Oezlem Tuereci) නම් දෙපළක්. උගූර් තුර්කි ජාතිකයෙක් වන අතර පසුව ඔහු ජර්මනියට සංක්‍රමණ වී තිබෙනවා. ඔහුගේ බිරිඳ වන ටියුරේසි ද එසේම තුර්කි පසුබිමක් සහිත වෛද්‍යවරයෙක් ගේ දියණියක් වන අතර ඇය ද පසුව ජර්මනියට සංක්‍රමණය වී තිබෙනවා. ටියුරේසි BioNTech සමාගමේ අධ්‍යක්ෂිකාවක් වන අතර තම වෛද්‍ය වෘත්තීය තුළ මිනිස් ප්‍රතිශක්තිය (human immunity) පිලිබඳ විශේෂඥ බවක් අත් කරගෙන තිබෙනවා. කෝවිඩ් වෛරසය පැමිණීමට පෙර ඔවුන් විශාල වශයෙන් වෙහෙස වී ඇත්තේ පිලිකා රෝගය සඳහා ප්‍රතිජීවක ඖෂධයක් සොයා ගැනීම සඳහා වෙහෙස වීමටයි.

මෙම ගෝලීය වසංගතය වෙනුවෙන් එන්නත නිපදවීමේ සහ එය සාර්ථකව අත්හදා බැලීමේ තරඟයෙන් මේ අනුව Pfizer සහ BioNTech සමාගම් ඉදිරියට පැමිණ තිබෙනවා. දැනට එන්නත් කර ඇති විශාල පිරිසකට අතුරු අබාධ රහිතව මෙම එන්නත සාර්ථක ප්‍රථිපල අත්පත් කර දී ඇති අතර එම ශුභ ආරංචිය සමග යුරෝපයේ කොටස් වෙළඳ පළ මිළ ගණන් මේ අනුව ඉහල නගිමින් පවතිනවා.

උගූර් සහ ඔහුගේ බිරිඳ සතු මෙම වෛද්‍ය රසායනාගාර සමාගම් හේතුවෙන් ඔවුන් ජර්මනියේ පොහොසත්ම සිය දෙනා අතරට එකතු වෙනවා. කොතරම් මුදල් තිබුණද උගූර් අදටත් තම රැකියාව සඳහා පැමිණෙන්නේ තම මවුන්ටන් බයිසිකලයෙන් බව සඳහන් කරන්නත් ඩේලි මේල් වෙබ් අඩවිය අමතක කරන්නේ නැහැ.

කෙසේ වුවත් ගෝලීය වශයෙන් තවත් එන්නත් ගණනාවක් සඳහා මේ මොහොත වන විටත් මිනිස් බුද්ධිය වැය වෙමින් පවතිනවා. එහෙත් කුමන එන්නත පැමිණියත් තව යම් කාලයක් සඳහා දැන් අනුගමනය කරන නව සාමාන්‍ය පුරුදු දිගටම අනුගමනය කරන ලෙස ලෝක සෞඛ්‍ය සංවිධානය මුළු ලෝක ප්‍රජාවෙන් ඉල්ලා සිටිනවා.

 

මුල් පුවත සඳහා https://www.dailymail.co.uk/news/article-8930359/The-husband-wife-covid-vaccine-change-worl.html

 

Posted On Tuesday, 10 November 2020 04:35 Written by
Page 1 of 2