Tuesday, 19 March 2024
දසත විත්ති

විදෙස් පුවත්

නැගෙනහිර යුක්රේනයේ වෙනම රාජ්‍යයක් ලෙස රුසියාව විසින් පිළිගනු ලැබූ ඩොන්බාස් කලාපයේ ලුහාන්ස් හි පිහිටි සෙවරොඩොනෙට්ස්ක් නගරයේ මේ වන විට රුසියා හමුදාව සහ යුක්රේන හමුදාව අතර දරුණු සටන් ඇවිළෙන බව විදෙස් මාධ්‍ය වාර්තා කළේය. එම නගරය මේ දින කිහිපය ඇතුළත යුක්රේන යුද්ධයේ වඩාත්ම දරුණු ප්‍රහාර එල්ල වන නගරය බවට පත් වී ඇතැයි යුක්රේන හමුදා බුද්ධි අංශ ප්‍රධානියා වන මේජර් ජෙනරාල් කිරිලෝ බුඩානොව් ද තහවුරු කර තිබේ. දැනට එම කලාපයේ යුක්රේන හමුදාව අත්පත් කරගෙන සිටින එකම නගරය ලෙසත් සැලකෙන සෙවරොඩොනෙට්ස්ක් නගරයේ බලය අත් කරගෙන සිටින යුක්රේන හමුදාවට රුසියා හමුදාව අඛණ්ඩව එල්ල කරන ප්‍රහාර එල්ල කරමින් සිටින බව විදෙස් මාධ්‍ය වැඩිදුරටත් වාර්තා කළේය.

මේ ප්‍රහාර හමුවේ යුක්රේන හමුදාව ක්‍රම ක්‍රමයෙන් සෙවරොඩොනෙට්ස්ක් නගරයෙන් පසු බසිමින් සිටින බවට රුසියා ආරක්ෂ අමාත්‍යාංශය නිවේදන නිකුත් කළ ද, නගරයේ බලය තහවුරු කරගැනීමට යුක්රේන හමුදාව සමත්ව සිටින බව යුක්රේන රජය නිවේදනය කර තිබේ.

 

ඩොන්බාස් කලාපයේ උපාය මාර්ගික වශයෙන් අතිශය වැදගත් සෙවරොඩොනෙට්ස්ක් නගරයේ ගොඩනැගිලි පොලොවට සමතලා වී ඇතැයි ද, වරින් වර රුසියා මිසයිල ප්‍රහාරවලින් නගරය තවදුරටත් විනාශ වෙමින් තිබෙන බව ද වාර්තා වේ.

සෙවරොඩොනෙට්ස්ක් නගරයේ වැඩි කොටසක පාලනය තවමත් යුක්රේන හමුදාව සතුව පවතින අතර, යුක්රේන හමුදාව සෙවරොඩොනෙට්ස්ක් නගරයේදී යටත් නොවන බව නගරාධිපති ඔලෙක්සැන්ඩර් ස්ට්‍රියුක් ප්‍රකාශ කර ඇත. යුද බිමේ සිට වාර්තා ඉදිරිපත් කරන රුසියාවේ රාජ්‍ය මාධ්‍ය ආයතනයක මාධ්‍යවේදියකු පවසන පරිදි රුසියාවේ ඉහළ මට්ටමේ හමුදා නිලධාරියකු වන මේජර් ජෙනරාල් රොමාන් කුටුසොව් මේ යුද ගැටුම්වලින් මරුමුවට පත්වී තිබේ.

Posted On Wednesday, 08 June 2022 03:04

 


 

රුසියානු බුද්ධි සේවාවේ ප‍්‍රධානියකු වූ ජනරාල් සර්ජෙයි බෙසීඩා අත්අඩංගුවට ගෙන නිවාස අඩස්සියේ තබා ඇත. ආරක්‍ෂක අමාත්‍යාංශ නිලධාරීන් සමග ඇති කරගත් අර්බුදයකින් ඔහුව අත්අඩංගුවට ගෙන තිබේ. යුක්රේන ආක‍්‍රමණය පසුබිමේ ජනරාල් බෙසීඩා ක‍්‍රියාත්මක විය.

 යුක්රේන අගනුවර වූ කිව් දින දෙකක් තුළ අල්ලාගැනීමට හැකිවන බවට බුද්ධි සේවාව වාර්තා කළත් මේ දක්වාම කිව් අගනුවර අල්ලා ගැනීමට හැකි වී නැත. මේ අතර අසෝව් මුහුද අසල පිහිටි මරියුපොල් නගරයේ සටන් කරන යුක්රේන හමුදාවට යටත්වන ලෙස රුසියානු ජනපති පුටින් නියෝග කර ඇතත් යුක්රේන ජනපති සෙලෙන්ස්කි එම නියෝගය ප‍්‍රතික්ෂේප කර තිබේ. මෙවන් පසුබිමක් මැද රුසියානු නාවික හමුදාවේ කළු මුහුදු කලාපය බාර නාවික හමුදාපති ඇන්ඩි‍්‍ර පාලියි යුක්රේන ප‍්‍රහාරයකින් මරුමුවට පත් වී ඇත. මේ වනවිට රුසියානු හමුදාවේ ජනරාල්වරු පස්දෙනෙක් මරුමුවට පත් වී ඇත. රුසියානු නාවික හමුදාවේ කළු මුහුදු බළකායේ ප‍්‍රධානියාගේ මරණය ජනපති පුටින්ට එල්ල වූ බරපතළ පහරකි. ඇන්ඞ්රීට අමතරව රුසියානු 331 වැනි පැරෂුට් ප‍්‍රහාරක බළකායේ කර්නල් සර්ජි සුක්හාරෙව්ද මරුමුවට පත්වී තිබේ. මේ අතර රුසියානු සුපිරි පංතිය ජනපති පුටින්ට වසදී මරා දැමීමේ උත්සාහයක නිරත වී ඇතැයි යුක්රේන බුද්ධි අංශ හෙළිකර ඇත.

 පුටින් වෙනුවට එෆ්. එස්. බී. බුද්ධිසේවා ප‍්‍රධානි ඔලෙක්සැන්ඩර් බොර්ඞ්නිකෝව් පත්කර ගැනීමට රුසියානු සුපිරි පංතිය තීරණය කර තිබේ. රුසියානු අභ්‍යන්තර ආරංචි මාර්ග පැවසූවේ යුක්රේන ආක‍්‍රමණයෙන් භටයන් 15,000ක් මරුමුවට පත්වී ඇති බවයි. එහෙත් මෙම වසදීමට තැත් කිරීමේ උත්සාහය බටහිර බුද්ධි අංශ විසින් සනාථ කර නැත. යුක්රේන ජනපති සෙලෙන්ස්කි එරට දේශපාලන පක්‍ෂ 11ක් තහනම් කර ඇත. තහනමට ලක් වූ දේශපාලන පක්‍ෂ අතර රුසියානු ජනපති පුටින්ගේ මිනිබිරියගේ පක්‍ෂයද වේ. මෙම දේශපාලන පක්‍ෂ 11ම රුසියාව සමග සම්බන්ධකම් පවත්වන බව ජනපති සෙලෙන්ස්කි චෝදනා කර ඇත. යුක්රේනයේ විශාලතම විරුද්ධ පක්‍ෂය මෙහෙය වන වික්ටර් වෙද්චුක්ද තහනමට ලක්වී තිබේ.

 2021 දී රාජද්‍රෝහිත්වය යන චෝදනාවක් මත ඔහුව අත්අඩංගුවට ගෙන තිබුණි. මෙයට සමගාමීව යුක්රේනයේ පුද්ගලික මාධ්‍යයන් ද තහනම් කර ඇත. යුක්රේන පාර්ලිමේන්තුවේ ආසන 450න් විරුද්ධ පක්‍ෂවලට හිමිවී ඇත්තේ ආසන 44කි. මේ අතර යුක්රේනයේ සියලූම ජාතික රූපවාහිනි සේවා ඒකාබද්ධ කිරීමේ නියෝගයක් ජනපති සෙලෙන්ස්කි ප‍්‍රකාශයට පත්කරනු ලැබීය. යුක්රේනයේදී අත්අඩංගුවට ගනු ලැබූ රුසියානු සෙබලූන් පැවසුවේ මියයන සෙබලූන් සමූහ මිනීවලකට දමන බවයි. අත්අඩංගුවට ගත් ඇතැම් රුසියානු සෙබලූන් හඬන අයුරු විදේශ රූපවාහිනි සේවාවන් විසින් විකාශනය කර ඇත.

 යුක්රේනයේ ඇන්ටනොව් කම්හලේ අංගනයක නතරකර තිබූ ලොව විශාලතම ගුවන් යානාව වූ ඇන්ටනෝව් 225 යානාව විනාශ වූයේ බලධාරීන්ගේ වරදින් බව පැවසූ මේජර් දිමිත‍්‍රි ඇන්ටනෝව් කළ ප‍්‍රකාශය නිසා ඔහුට මරණ තර්ජන එල්ල වී ඇත.

 මෙම යානාවට ප‍්‍රහාර එල්ලවනු ඇති බවට නේටෝ සංවිධානය කළ අනතුරු ඇගවීම බලධාරීන් නොසලකා තිබේ.

 මෙකී යානාව ජර්මනියේ ලිප්සිග් වෙත ගෙනයෑමට ක‍්‍රියාකළ හොත් එය විනාශ නොවන බව දිමිත‍්‍රි ඇන්ටනෝව් තවදුරටත් පවසා තිබේ. මේ අතර රුසියානු ජනපති සහ යුක්රේන ජනපති අතර සෘජු සාකච්ඡා පැවැත්වීමට එක`ග වී ඇතත් ඒ කවර දිනයකදැයි හෙළිවී නැත.

 රුසියානු ආරංචි මාර්ග පැවසූවේ බටහිර සම්බාධක නිසා රුසියාවේ ජනතාවද දැඩි දුෂ්කරතාවයකට පත්ව සිටින බවයි. මෙම යුක්රේන ආක‍්‍රමණය නතර කරන ලෙස රුසියාවේ විරුද්ධ පක්‍ෂ රුසියානු රජයෙන් ඉල්ලා ඇතත් ජනපති පුටින් ඊට ප‍්‍රතිචාර දක්වා නැත.

 පසුගිය පෙබරවාරි 25 ආරම්භ වූ යුක්රේන ආක‍්‍රමණය තවදුරටත් ක‍්‍රියාත්මක වන අතර ඉන් මියගිය සිවිල් වැසියන් සංඛ්‍යාව කොපමණදැයි තහවුරු වී නොමැත. රුසියානු හමුදාව යුක්රේනයට එරෙහිව හයිපර් සොනික් නමැති බලගතු මිසයිල භාවිතා කරන බව රුසියානු ආර්. ටී. ප‍්‍රවෘත්ති සේවාව මුල්වරට අනාවරණය කර තිබේ.

 සංස්කරණය – කීර්ති වර්ණකුලසුරිය

Posted On Tuesday, 22 March 2022 06:25

2022/03/09 22 01 26 154142

අග හිගකම් ඇතිවෙන විට වැට කඩොලූ බැදේ. අවහිරතා පැනැවෙන්නේ ඇති නැති පරතරය අනුවය. සාමාන්‍ය ජනතාවට මෙතෙක් හිමිව තිබුණ අවස්ථා පාලනය කරනබව කියැවේ. පවතින ආර්ථික තත්ත්වය අනුව පාලන විධිවිධාන යෝජනාවෙමින් පවතී. සම්පත් හිගය සලකා අරපිරිමැස්මකින් ක‍්‍රියා කිරීම නරක නැත. පාලන පැනැවීමේ දී සියළුම දෙනාටම සාධාරණ ක‍්‍රම අනුගමනය ඉතාම වැදගත්ය.

ආනයන සීමා පනවා ඇත. වාහන ගෙන්වීම නතර කර තිබේ. විදේශ ගමන් බිමන් සීමා කර ඇති බව පෙනේ. විශ්ව විද්‍යාලයකට ඇතුළුවන අවස්ථාව අහිමි වූ දරු දැරියන්ට විදේශ රටකට ගොස් අධ්‍යාපනය ලැබීමට අවස්ථාව තිබුණි. ඇතැම් අංශ යෝජනා කරන පරිදි පිටරට අධ්‍යාපනය තහනම් කළ යුතුය. ඇපල්, මිදි වැනි දේ ආනයනය කිරීම ද නතර කළ යුතු බව කියැවේ. සුඛෝපභෝගී ද්‍රව්‍ය ආනයනය සම්පූර්ණයෙන්ම තහනම් කළ යුතු අතර ඒවා රට තුළ නිපදවීමට පියවර ගත යුතු බව ප‍්‍රකාශවන තවත් කරුණකි.

පාලනය නරක නැත. ශ‍්‍රී ලංකාවේ ක‍්‍රම අනුව නීතිය හැදෙන්නේ අසරණ පිරිස පැත්තකට තල්ලූකරම්න් බව ස`දහන් කළ යුතුව ඇත. බලය සහ ධනය ඇති ජන කොටසට කිසිම පාලනයක් බලපාන්නේ නැත.

චන්ද්‍රබාබු නයිදු මහතා මහ ඇමැති වශයෙන් ඉන්දියාවේ අන්ද්‍රා ප‍්‍රදේශය පාලනය කරන කාලයේ එක්තරා ඇමැතිවරයෙකු ප‍්‍රාන්ත ආණ්ඩුවට මේ හා සමාන යෝජනාවක් ගෙන එන ලදී. ප‍්‍රාන්තයේ සිසුන් ඉගෙනගැනීම සදහා විදේශගතවීම තහනම් කළ යුතු බව එහි දී අවධාරණය කෙරිණ. ‘‘දැනටමත් ඔබගේ දරුවන් පිටරටවල ඉගෙනගන්නේ දැයි’’ ප‍්‍රශ්න කළ මහ ඇමැතිවරයා ‘‘එසේ කරගෙන යන අයට අත් ඔසවන්නැයි’’ එවකට පලාත් සභාව නියෝජනය කළ මහජන නියෝජිතයන්ගෙන් ඉල්ලීමක් කළේය. වැඩි දෙනෙකුගේ අත් එසැවිණ. ‘‘පළමුවෙන් ඔබගේ දරුවන් ආපසු කැ`දවන්න. ඔබ සියළු දෙනා එයට එක`ගනම් පමණක් විදේශ අධ්‍යාපනය තහනම් කළ හැකි’’ බව එහි දී කියා සිටියේය.

පාලකයන්ට අනුගමනය කළ නොහැකි තීරණ ජනතාවට පමණක් පැනැවීම සුදුසු නැත. සමාජයට ආදර්ශයක් දිය යුතු පාලකයන්ය. ඉහළ පැලැන්තිය තමන්ගේ කැපවීම පෙන්විය යුතුය. ඔවුන් ආරක්ෂාවන අතරවාරයේ මධ්‍යම පැලැන්තියට සහ ඉහළට නගින නොතිත් ආශාවකිස් පසුවන පහල තලයට බාධා පැනවීම සුදුසු නැත.

ආර්ථික ක‍්‍රමයක උස් පහත්වීම් සිදුෙවි. ප‍්‍රශ්න පැන නැගේ. සම්පත් සීමා සහිත වන අවස්ථා ඇතිවේ. සංකීර්ණ ගැටළු බව පිලිගත යුතුය. ගැටළු නිරාකරණයට ගත හැකි හො`දම පියවර තෝරාගත යුතුය. එම පියවර සමාජයේ හරස්කඩක් නියෝජනය කළ හැකි ගෞරවාන්විත එකක් බවට හැරවීම පාලකයන්ගේ වගකීමකි. නැති බැරි ජන කොටස් වි`දින පීඩනය නොතකා තීරණගැනීම වරදකි. පංති පරතරය වැඩිකරන, සාධාරණ අවස්ථා අහිමිකරන තීරණ ඉදිරියේ හටගත්තත්ත්ව අමතක කළ යුතු නැත. පසුගිය දශක කිහිපය තුළ පැවැති ගැටුම්, අරගල, ත‍්‍රස්තවාදී ක‍්‍රියා අපට උගන්වන ලද පාඩමක් තිබේ. ඒවායේ අමිහිරි අත්දැකීම් අමතක කළ යුතු නැත.

රටට අවශ්‍ය අලූත් නැගිටීමක් වන අතර සමාජය එකතු කරගෙන ගමන ඉක්මන් කිරීමට ගැලපෙන තීරණ අවශ්‍යය. ආර්ථිකය සක‍්‍රීය කරන්නට පියවර ගත යුතුය. ප‍්‍රතිසංස්කරණ අවශ්‍යය. මෙතෙක් අනුගමනය කරන ලද රාමුව වෙනස් කිරීම නරක නැත. එම තීරණ වලින් උද්දාමයක්, පිබිදීමක් අපේක්ෂා කළ යුතු අතර සමාජ වෛරය ඇවිලවිය යුතු නැත. මැති ඇමැතිවරුන් ඇතුළු ප‍්‍රභූ පැලැන්තියට ලැබෙන වරප‍්‍රසාද ගැන සමාජය තුළ කනස්සල්ලක් තිබේ. දේශපාලන ක‍්‍රමය ගැන පිලිකුලක් ඇත. මහජන නියෝජිතයන් කරන කියන හා හැසිරෙන ආකාරය ගැන ප‍්‍රසන්න හැ`ගීමක් නැත. රටට අවශ්‍ය කරන්නේ එකමුතුවකි. පවතින අවස්ථා අහිමි කිරීම වෙනුවට ඒවා පවත්වාගෙන යන්නට සුදුසු තරමට ගැලපෙන ක‍්‍රමවේදයකි.

Posted On Wednesday, 09 March 2022 11:08
කොරෝනා වෙරසයට එරෙහිව නිපදවූ Pfizer එන්නතේ පළමු මාත්රාව ගත් නෝවේජියානු වැසියන් 23 දෙනෙකු මියගොස් ඇති අතර එන්නත නිසා ඇති වූ සංකූලතා හේතුවෙන් එම පුද්ගලයන් මියයන්නට ඇති බව විදෙස්
වාර්තා සඳහන් කරයි. ඒ අතර සාත්තු නිවාසයක සිටි වැඩිහිටියන් 13 දෙනෙකු වන බව ද වාර්තා වේ.සාත්තු නිවාසයක සිටි පුද්ගලයන් දෙදෙනෙකු Pfizer එන්නත ලබා ගැනීමෙන් පසු මිය ගිය බවට නිල වශයෙන් වාර්තා වීමෙන් සතියකට පමණ පසු මරණ වාර්ත වී ඇත.
එන්නතෙහි උණ, ඔක්කාරය වැනි අතුරු ආබාධ සහිත වන අතර සෞඛ්ය තත්ත්වය දුර්වල මට්ටමක පවතින රෝගීන්ට එම අතුරු ආබාධවලින් මාරාන්තික තත්වයන් හටගත
හැකි බව නොවේජියානු වෛද්ය කාර්යාංශයේ ප්රධාන වෛද්යාචාර්ය සිගර්ඩ් හෝමෝ ප්රකාශ කර තිබේ. මෙම තත්වය කලබල විය යුතු තත්වයක් නොවන බව සහ දුර්වල සෞඛ්ය තත්ත්වයක් සහිත පුද්ගලයන්ට හැර
මෙම එන්නත අවදානම ඉතා අවම එන්නතක් වන බව නෝර්වේජියානු වෛද්ය කාර්යාංශයේ අධ්යක්ෂ, වෛද්ය ටෙයිනර්මිඩිසන් නෝවේජියානු ගුවන්විදුලි විකාශයක්
වෙත ප්රකාශයක් නිකුත් කර ඇත. එන්නත ලබා දිය යුත්තේ කාටද යන්න පිළිබඳව වෛද්යවරුන් සැලකිලිමත් විය යුතු බව ද ඔහු තවදුරටත් ප්රකශ කර තිබේ.
Posted On Monday, 18 January 2021 11:03

කොරෝනා වයිරසයෙන් ආරක්ෂාවීම සඳහා භාවිතා කරන විෂබීජ නාශක දියර වර්ගයක් පානය කිරීමෙන් 7දෙනෙකු මියගොස් අසාධ්‍ය තත්ත්වයේ පසුවන තවත් දෙදෙනකු රෝහල් ගත කර ඇති බවත් dailymail පුවත් සේවය වාර්තා කළා.

රුසියාවේ ටැටින්ස්කි දිස්ත්‍රික්කයේ ටොම්ටර් ගම්මානයේ පැවති සාදයකදී ගෙනවිත් තිබූ මත්පැන් අවසන් වීමෙන් පසු ඒ වෙනුවට සනීපාරක්ෂක දියර පානය කර ඇතැයි පොලිසිය පවසයි.

එම සනීපාරක්ෂක දියර වර්ගය නිෂ්පාදනයේදී මෙතනෝල් 69%ක් යොදාගෙන ඇති බවද පොලිසිය සිදුකළ මූලික විමර්ශනයේදී හෙළවී තිබේ.

සිද්ධිය සම්බන්දව පොලිසිය පුළුල් පරීක්ෂණයක් ආරම්භ කර ඇති අතර මියගිය අය අතර කාන්තාවක් ද සිටින බව වාර්තා වේ

https://www.google.com/amp/s/www.dailymail.co.uk/news/article-8972801/amp/Seven-die-drinking-coronavirus-hand-sanitiser-alcohol-ran-party-Russia.html

Posted On Monday, 23 November 2020 10:31

 

‘කොවිඩ්-19’ වයිරසය මර්දනය කිරීමට සොයාගන්නා ඕනෑම එන්නතක් තම රටේ ජනතාවට නොමිලේ ලබාදීමට පියවර ගන්නා බව බෙල්ජියම ප්‍රකාශ කරයි.

බෙල්ජියමේ ජනගහනය මිලියන 11.5ක් වන අතර මේ වනවිට එරටින් වාර්තා වී ඇති වයිරස ආසාදිතයන්ගේ ගණන 540,000කි.

“සෑම පුරවැසියකුටම මේ එන්නත නොමිලේ ලබාදෙන්න අපි බලාපොරොත්තු වෙනවා” යැයි බෙල්ජියමේ සෞඛ්‍ය අමාත්‍ය ෆ්‍රෑන්ක් වැන්ඩබෲකේ පැවැසීය.

අන්තර්අමාත්‍ය සෞඛ්‍ය සමුළුවක් අමතමින් බෙල්ජියමේ සෞඛ්‍ය අමාත්‍යවරයා ඒ බව ප්‍රකාශ කළේය. එම සමුළුවට කලාපයේ අනෙක් සෞඛ්‍ය අමාත්‍යවරුද සම්බන්ධ වූහ.

සායනිකව තහවුරු කර සංවර්ධනය කෙරෙන නව කොරෝනා වයිරස එන්නත බෙල්ජියමේ ජනගහනයෙන් 70%කට එනම් මිලියන අටකට ආසන්න ජනතාවකට නොමිලේ ලබාදීමට බලාපොරොත්තු වන බව ද මෙම සමුළුව අමතමින් බෙල්ජියමේ සෞඛ්‍ය අමාත්‍යවරයා කීය.

“සමාජ විවාදයකින් සහ විද්‍යාත්මක අදහස සහ මතය අනුව එන්නත මුලින්ම දෙන්නේ කාටදැයි තීරණය කරනවා. ඒ අනුව ප්‍රමුඛත්වය දෙනවා” යැයි බෙල්ජියමේ සෞඛ්‍ය අමාත්‍ය වැන්ඩබෲකේ පැවැසීය.

බෙල්ජියමෙන් මේ වනවිට වාර්තා වන නව කොරෝනා වයිරස ආසාදිත මරණ ගණන 14,000 ඉක්මවයි. බෙල්ජියමේ, ජනගහනයෙන් මිලියනයකට වාර්තා වයිරස මරණ අනුපාතය ඉතා ඉහළ වන අතර එය යුරෝපයේ දරුණුම නව කොරෝනා වයිරස ආසාදිත මරණ අනුපාතය ද වේ.

ඉදිරි මාස කිහිපයේදී එන්නත් තොග මිලදී ගැනීම සඳහා බෙල්ජියම ඇතුළු යුරෝපා සංගමයේ රටවල් මේ වනවිට පියවර ගනිමින් සිටියි.

ජර්මනියේ කියෝවැක් ඖෂධ සමාගම ද මේ වනවිට නව කොරෝනා වයිරසයක් අත්හදා බලමින් සිටින අතර බෙල්ජියම ඊයේ, එම සමාගම සමඟ ද ගිවිසුමකට අත්සන් තැබීය.

බෙල්ජියම මේ වනවිට ඇස්ට්‍රාසෙනෙකා සමාගමෙන් එන්නත් මාත්‍රා මිලියන 7.7 ලබාගැනීමට ගිවිසුම් අත්සන් කර තිබෙන අතර ජොන්සන් ඇන්ඩ් ජොන්සන් සමාගමෙන් එන්නත් මිලියන 5.5 ලබාගැනීමට ගිවිසුම් අත්සන් තබා ඇත.

 

උපුටා ගැනීම - ද  ගාඩියන්

Posted On Friday, 20 November 2020 02:49

ඇමරිකා එක්සත් ජනපදයේ ජනපතිවරනයේ මූලිම ජන්ද විමසීම ආරම්භ වී අති අතර මේ වනවිට මිලියන   105කට අදික ජන්ද දායකයින් පිරිසක ජන්දය ප්‍රකාශ කර අවසන් බව the Indianexpress පුවත් සේවය මීට සුලු මොහොතකට පෙර වාර්තා කළ අතර ජනපති ඩොනල්ඩ් ට්‍රම්ප් ට කොරෝනා වෛරස පාලනය කිරීමෙදී දැක් වූ අසමත්කම මෙම මැතිවරණයට තදින්ම බලපානු ඇතැයි විදෙශ පුවත් සෙවා  වාර්තා කර ඇත.ප්‍රාන්ත 52 ක් පදනම් කරගත් ජන්ද විද්‍යාල 538කින් ජයග්‍රහනය සදහා එක් අපේක්ශකයෙක් ජන්ද විද්‍යාල 270 ක් ජයගත යුතුයි. එරට ජනතාව මැතිවරණය ප්‍රතිපල අර්ධ ගනනයකිරීම් මත පදනම්ව ප්‍රවෘත්ති සංවිධාන විසින් ඉදිරිපත් කරන මතයන් පිලි ගැනීමට උත්සුක වන බව නිව් යෝර්ක් ටයිම්ස් වාර්තා කර ඇත.ඒ අනුව වත්මන් ජනාධිපති ඩොනල්ඩ් ට්‍රම්ප් ට වඩා ඩිමොක්‍රටික් අපේක්ෂක හිටපු   උප ජනාධිපති. වරයෙකු වන ජෝ බිඩෙන් ඉදිරියෙන් බව වාර්තා කර ඇත.

Posted On Tuesday, 03 November 2020 14:19

ඔස්ට්‍රියාවේ, වියානා අගනුවරට එල්ලවූ ත්‍රස්ත ප්‍රහාරයකින් පුද්ගලයින් 15 දෙනෙකු තුවාල ලබා එම ප්‍රහාරයට සම්බන්ධ ත්‍රස්තවාදින් දෙදෙනකු ද ජිවිතක්ෂයට පත්ව ඇති බවට විදෙස් මාධ්‍ය වාර්තා කර සිටිනවා. 

ව්‍යාප්ත වෙමින් පවතින කොරෝනා වෛරසය හේතුවෙන් ඔස්ට්‍රියාව අගුළු දැමීමට පැය කිහිපයක් ඉතිරිව තිබියදී මෙම ත්‍රස්ත ප්‍රහාරය එල්ලවී තිබෙනවා.

වියානා අගනුවර පිහිටි යාච්ඤා මධ්‍යස්ථානයක් අසල පළමුව ත්‍රස්තවාදීන් විසින් ප්‍රහාරයක් එල්ල කොට ඇත. එහිදී ඔවුන් ස්වයංක්‍රිය තුවක්කු යොදා ගෙන ප්‍රහාර එල්ල කොට තිබෙන අතර එක් ත්‍රස්තවාදියෙකු මරාගෙන මැරෙන බෝම්බයක් පුපුරා ගෙන ඇති බවයි වියානා පොලිසිය උපුටා දක්වමින් විදෙස් මාධ්‍ය සඳහන් කර සිටින්නේ.

මෙම පිරිස වියානා අගනුවර ස්ථාන 06කදී ප්‍රහාර එල්ල කොට තිබෙන බව සඳහන්.

මේ වන විට ප්‍රහාරයට පැමිණි සෙසු ත්‍රස්තවාදීන් සොයා වියානා පොලිසිය සහ විශේෂ බළකාය මෙහෙයුමක් දියත් කොට තිබෙන අතර ඊට සම්බන්ධ බවට සැකපිට පුද්ගලයින් පිරිසක් ද අත්අඩංගුවට ගෙන ඇති බවයි වැඩිදුරටත් වාර්තා වන්නේ.

Posted On Tuesday, 03 November 2020 02:51

ඔස්ට්‍රේලියානු අගමැති Scott Morrison ගේ මෝටර් රථයට රතු තීන්ත ප්‍රහාරයක් !

 

අග්‍රාමාත්‍ය Scott Morrison බ්‍රිස්බේන් හි ක්වීන්ස්ලන්ත විශ්ව විද්‍යාලයට ගිය අවස්ථාවේදී සරණාගතයින් වෙනුවෙන් පෙනී සිටින පිරිසක් විසින් ඔහුගේ මෝටර් රථයට රතු තීන්ත ප්‍රහාරයක් එල්ල කර ඇති බවට සඳහන් වේ.

එම අවස්ථාවේදී ක්වීන්ස්ලන්ත පොලීසිය විසින් ඔහුව එතැනින් පිටත් කර ඇත.

මෙම විරෝධතාවයට හේතු වී ඇත්තේ සරණාගතයින් 120 දෙනෙකු Kangaroo Point හි රඳවා තබා ගෙන සිටීමයි.

Posted On Tuesday, 13 October 2020 04:56

 

Covid-19  වසංගතය හමුවේ පැවති මෙවර එක්සත් ජාතීන්ගේ මහාමණ්ඩල සැසිවාරය ට බොහෝ රාජ්‍ය නායකයන් සිය දායකත්වය ලබාදුන්නේ සජීවීව තම රටේ සිටම සම්බන්ධ වෙමින් ය. දේශන පැවැත්වූ ලෝක නායකයින් ගෝලීය අර්බුධ දෙකක් ගැන වැඩිවශයෙන් අදහස් දක්වා ඇත. එනම් කොරෝනා  හෙවත් කෝවිඩ් -19 වෛරසය හා පෘතුවියේ නොවැලැක්විය හැකි උණුසුම යන කරුණු දෙක පිළිබඳවයි. sannasa_23-09-2020_01.jpg

බ්‍රසීල ජනපති එක්සත් ජාතීන්ගේ මහා මණ්ඩල සැසිය අමතමින් 

 

ඇමසන් වනාන්තරය  බ්‍රසීලයේ භූමි ප්‍රමාණයෙන් 49% ක් පමණ අයත්වන අතර  පෘතුවියේ  උණුසුමේ උච්චාවචනයට ඇමසන් සෘජුවම දායකවන බව පැහැදිලි කරුණකි. පසුගිය කාලයේ ඇමසන් වනය විශාලවශයෙන් ගිනිබත් වීම හමුවේ ගෝලීය උණුසුමේ ඉහළයාම වේගවත් වී ඇති බව පැහැදිලි කරුණක් වන අතර වනාන්තරයේ ගිනිගැනීම් පාලනයට ජනපතිවරයා අසමත්වීම ගැන කරුණු ඉදිරිපත්විය. මෙවැනි පසුබිමක බ්‍රසීල ජනපති යායිල් බෝල්සොනාරෝ පටිගතකල වීඩියෝවක් මගින් සමුළුව අමතමින් තමන්ට එල්ලවන චෝදනා ප්‍රතික්ෂේපකරන බව පැවසීය. ගෝලීය උණුසුම පාලනය සඳහා බ්‍රසීල ජනපතිවරයා ගේ දෑතේ විශාල වගකීමක් ඇති බවත් එය ඔහු නිසියාකාරව ඉටුකර නොමැති බවත් පැහැදිලි කරුණකි. 2018 වසරේ දී බලයට පත් වූ වත්මන් ජනපති යායිල් බෝල්සොනාරෝ කෝවිඩ් වෛරසය පිලිබඳ තැකීමක් නොකිරීමෙන් ඇතිවූ තත්වය මෙන්ම ඇමසන් වනයේ ගිනිගැනීම් හා ගිනිතැබීම් ඇතුළු වනාන්තර විනාශය ගැන  තැකීමක් නොකරන බවට අදහස් පලවිය. බ්‍රසීල ජනපති අඟහරුවාදා (22-09-2020) එක්සත් ජාතීන්ගේ මහාමණ්ඩල සැසිය අමතමින් ඇමර්සන් වනාන්තරය  මෙන්ම බ්‍රසීලයේ පැන්ටනල් තෙත්බිම විනාශ කරන බවට විදේශීය “නළු නිළියන්” විසින් ගොතන ලද  ම්ලේච්ච සහ සාවද්‍ය තොරතුරු ප්‍රචාරක ව්‍යාපාරයක් ගැන චෝදනා එල්ල කළේය. ඇමර්සන් වනාන්තරයේ ඇති වූ  ගින්න පිලිබඳ  වාර්තා අතිශයෝක්තියට නංවා ඇති අතර බටහිර යුරෝපයට වඩා විශාල ඇමසන් භූමිය නීති විරෝධී කැලෑ ගිනිතැබීම් සහ වනාන්තරය විනාශකරමින් ඇති ක්‍රියාවන් පාලනය ඉතා දුෂ්කර හා ලෙහෙසි පහසු කටයුත්තක් නොවන බවද පැවසී ය.

 


sannasa_23-09-2020_11.jpg

කෙසේ වෙතත් වත්මන් බ්‍රසීල ජනපතිවරයාගේ ධුරකාලයේ පළමු වසර වන 2019 වසරේදී ඇමසන් වනයේ ගිනිගැනීම් 126,086ක් පිලිබඳව  බ්‍රසීලයේ අභ්‍යවකාශ පර්යේෂණ සඳහා වූ ජාතික ආයතනය (INPE) වාර්තා කළේය. එය ඔහු බලයට පත්වීමට පෙර වසරට වඩා 40% කින් පමණ ඉහළ යාමකි.

ඇලිගේටර්,ජගුවර් වැනි දුර්ලභ සතුන් මෙන්ම තවත් බොහෝ සතුන්ගේ නිවහන වන ඇමසන් වනයට අයත් පන්ටනල් රක්ෂිතයේ ගිනිගැනීම් 16,119ක් වාර්තා වී ඇති බව බ්‍රසීලයේ අභ්‍යවකාශ පර්යේෂණ සඳහා වූ ජාතික ආයතනය (INPE) දත්තයන් තහවුරු කර තිබේ.මෙය 1998 වසරෙන් පසු වාර්තා වූ ඉහලම අගයයි.

 


sannasa_23-09-2020_10.jpg

බ්‍රසීල ජන පති බොල්සොනාරෝ එක්සත් ජාතීන්ගේ මහා මණ්ඩල සැසිවාරයට කියා සිටියේ බ්‍රසීලය තරම් වන භූමි ප්‍රදේශයන් ආරක්ෂා කරන  වෙනත් කිසිදු රටක් ලොව නැති බවයි. කෙසේ වෙතත් වර්තමානයේ ඇති බලපෑම් හමුවේ බ්‍රසීල ජනපතිවරයා සාධනීය පියවරයන් කීපක ද අනුගමනය කර ඇති බව දක්නට ඇත. එනම් වනාන්තර භූමියට අයත් ඉඩම් ආරක්ෂා කිරීම සඳහා වැසි වනාන්තරයන්ට සම්බන්ද විෂයන් ඇතුලත් කරමින් ඇමසන් ලේකම් කාර්යාලය නමින් වෙනම කාර්යාල පද්ධතියක් ස්ථාපනය කරන බව එරට පරිසර අමාත්‍යංශය සදුදා නිවේදනය කලේ ය. වන විනාශය මැඩපැවැත්වීම සඳහා බොල්සොනාරෝ විධායක නියෝග දෙකකට අත්සන් තැබීය එනම් වනාන්තර ගිනි තැබීම තහනම් කිරීම හා ගොවීන්ගේ නීතිවිරෝධී වන එළිකිරීම් හා යන්ත්‍රසුත්‍ර භාවිතයෙන් කරන මහා පරිමාන වන විනාශය වැලක්වීමට දියුණු තාක්ෂණයෙන් සන්නද්ධ හමුදා කණ්ඩායමකට  මුරා සංචාර සඳහා බලය පැවරීම දෙවැන්නයි.

sannasa_23-09-2020_06.jpg

නමුත් “ ඔපරේෂන් ග්‍රීන් බ්‍රසීල් “ මෙහෙයුම මගින් ක්‍රියාත්මක වූ මෙවැනිම මෙහෙයුමකින් වනාන්තර ගිනි තැබීමේ තහනම ඵල රහිත බව ඔප්පු වී ඇත. පසුගිය කාලයේ මෙවැනි වනාන්තර විනාශ කළ පුද්ගලයින් ට ඇමරිකානු ඩොලර් මිලියන 96.3 ක දඩ නියමකර ඇති පසුබිමක වන ගිනි තැබීම් පාලනය වී ඇති බවක පෙනෙන්නට නැත. ඒ වෙනුවට වනාන්තර ගිනි තැබීම ඉහල ගොස් ඇත.පසුගිය අගෝස්තු මස දී පමණක් වනාන්තර ගිනි තැබීම් 29307 ක් වාර්තා වූ බව බ්‍රසීලයේ අභ්‍යවකාශ පර්යේෂණ සඳහා වූ ජාතික ආයතනය (INPE) දත්තයන් ගෙන් පැහැදිලි වෙයි. එය සැප්තැම්බර් මස 27660 ක් ලෙස සටහන් වන්නේ මාසය ඉවර වීමට දින අටකුත් ඉතිරිව ඇති පසුබිමක ය. වර්තමානයේ පවතින වියලි කාලගුණික තත්වය මීට බොහෝ සෙයින් බලපා ඇති නමුත් එය පෙර වසරට වඩා 69.7% ක වැඩිවීමකි.sannasa_23-09-2020_5.jpg

sannasa_23-09-2020_13.jpg

sannasa_23-09-2020_07.jpgඅභ්‍යන්තර පරිසර වේදීන්ගේ මතය

බොහෝ පරිසරවේදීන් බ්‍රසීල ජනපති බොල්සොනාරෝගේ ප්‍රකාශයන් සැකයෙන් යුතුව සලකන අතර ඔහුගේ ජනපති ව්‍යාපාරයේ පොරොන්දු  අතර  “ඇමසන් ආර්ථික හැකියාවන් ගවේෂණය කිරීම”  යනුවෙන් ඇමසන් වනාන්තරය ව්‍යාපාරයක් කරන්නේ කෙසේදැයි ගැන වැඩි අවධානයක් යොමු කර කටයුතු කර ඇති බවයි.2011 වසරේ සිට 2018 වසර දක්වා නීති විරෝධී ලෙස වනාන්තර එලි කරමින් වන විනාශයන් කරමින් ඉඩම් අත්පත් කරගත් ඊනියා ඉඩම් කොල්ලකරුවන්ට නීතිමය අයිතිය ලබා දීමට ජනපති බොල්සොනාරෝ ද බල කර තිබේ.sannasa_23-09-2020_08.jpeg

sannasa_23-09-2020_09.jpg

කෙසේ වෙතත් ගෝලීය උණුසුම ඇමසන් වනාන්තරයේ ගිනිගැනීම වඩාත් තීව්ර කිරීමට හේතුවන බව පැහැදිලි කරුණකි දරුණු වියලි කාලගුණය වාර්තාගත උෂ්ණත්වය, වාතයේ වාර්තාගත වියලි බව දැවෙන ඉන්දන එකතුවක්  වැනි බව බ්‍රසීලයේ සාඕ පවුලෝ විශ්ව විද්‍යාලයේ ජ්‍යෙෂ්  පර්යේෂකයෙකු විදෙස් මාධ්‍ය වෙත පවසා තිබේ. මෙම තත්වය දේශගුණික විපර්යාශයන් වේගවත් කිරීමට හේතු  වෙයි. ඇමසන් වනාන්තරය වසරකදී ලොව කාබන්ඩයොක්සයිඩ් ටොන් බිලියන ගණනක්  අවශෝෂණය කරමින් ද  ඔක්සිජන් මුදාහරිමින් ද එහි විශාල ගස් වියනක්  වෙමින් පෘතුවිය සඳහා වායුසමීකරණ යන්තරයක් සේ ක්‍රියාකරමින් සේවය සලසන බව පරිසර විද්‍යාඥයෝ පවසති.

කෙසේ වෙතත් බ්‍රසීලය නමැති රට ලොවට විශාල වැදගත්කමක් ඇති රටක් වනවා සේම එහි පාලකයා ලෝක පාලකයෙක් ලෙස නිතරගයෙන් පත් වීම් ලබයි. ඔහු ඒ බව සිත් තබාගෙන වගකීමෙන් කටයුතු කිරීම ලෝකයේ යහපත් පැවැත්මට හේතුවෙයි.

RJ 

Posted On Wednesday, 23 September 2020 07:11
 

ඉන්දියාවේ, මුම්බායි නගරයේ තෙමහල් ගොඩනැගිල්ලක් කඩාවැටීමෙන් 10 දෙනෙකු ජීවිතක්ෂයට පත්වී තිබෙනවා. සුන්බුන් අතර සිරවී සිටි කුඩා දරුවෙකු ඇතුළු 31 දෙනෙකු මේ වනවිට බේරාගෙන ඇති බවයි ඉන්දීය වාර්තා සඳහන් කළේ.

එමෙන්ම 25 දෙනෙකු පමණ කඩාවැටුණු ගොඩනැගිල්ලේ සුන්බුන් අතර සිරවී සිටිනු ඇති බවයි ඉන්දීය මාධ්‍ය වාර්තා කර සිටින්නේ. මේ වන විට 40 දෙනෙකුගෙන් පමණ සමන්විත සහන කණඩායමක් සුන්බුන් අතරේ සිරවී සිටි පුද්ගලයින් බේරා ගැනීමට මෙහෙයුම් දියත් කර ඇත.

වසර 40 ක් පමණ පැරණි මෙම ගොඩනැගිල්ලේ පවුල් 20ක් පමණ ජිවත්ව සිට ඇති බවයි පැවසෙන්න

Posted On Monday, 21 September 2020 06:37
 

චීනය විසින් හිමිකාරීත්වය දරණ ටික් ටොක් සහ වී චැට් යන සමාජ මාධ්‍ය ඇප් තහනම් කිරීමට ට‍්‍රම්ප් පරිපාලනය ගෙන ඇති තීරණයට අමෙරිකානු අධිකරණයත් සිය විරෝධය පළ කර තිබෙනවා.

අමෙරිකානු මහේස්ත‍්‍රාත් අධිකරණයේ විනිසුරු ලෝරල් බිලර් පවසා ඇත්තේ මෙම තහනම ආණ්ඩුක‍්‍රම ව්‍යවස්ථාව සම්බන්ධයෙන් බරපතල ගැටළුවක් මතු කරන බවයි.

නිදහසේ අදහස් පළ කිරීමට එමගින් බාධාවක් සිදුවන බවයි විනිසුරුවරයා අවධාරණය කර ඇත්තේ.

කෙසේවෙතත් ට‍්‍රම්ප් පරිපාලනය පවසන්නේ වී චැට් සමාජ මාධ්‍ය යෙදුම එරට වේලාවෙන් ඉරිදා මධ්‍යම රාති‍්‍රයේ සිට තහනම් කරන බවයි. 

එම තහනමත් සමග අමෙරිකානුවන් හට ටික් ටොක් හා වී චැට් යෙදුම් බාගත කිරීමට හෙවත් ඩවුන්ලෝ්ඞ් කිරීම නොහැකි වන අතර ඒවා හරහා පණිවිඩ යැවීම සහ වීඩියෝ බෙදාගැනීමට ද නොහැකි වනවා. ටික් ටොක් තහනම කි‍්‍රයාත්මක වන්නේ එළඹෙන නොවැම්බර් 12 වැනිදා සිටයි.

ට‍්‍රම්ප් පරිපාලනය පවසන්නේ ටික් ටොක් සහ වී චැට්, ජාතික ආරක්ෂාවට තර්ජනයක් බවයි. කෙසේවෙතත් මෙම සියලූ චෝදනා චීනය තරයේ ප‍්‍රතික්ෂේප කරනවා. 

Posted On Monday, 21 September 2020 03:32

කාඩ්බෝඩ් කර්මාන්තශාලා සේවකයෙකු මෙන්ම ගොවියෙකුගේ පුත්රයෙකු වන යොෂිහයිඩ් සුගා මහතා ලෝකයේ තුන්වන විශාලම ආර්ථිකය හිමි රටේ නායකයා ලෙස තෝරාගෙන ඇත. .පසුගිය බදාදා (15-09-2020) එරට පාර්ලිමේන්තුවේ පවතී ජන්ද  විමසීමෙන් පසුව  සුගා මහතා ජපානයේ නව අග්‍රාමාත්‍යවරයා ලෙස තේරී පත්වී  ඇත.71 හැවිරිදි ඔහු පාලක ලිබරල ඩිමොක්‍ටීස් පක්ෂයේ නායකයා ලෙස 70% ජන්ද ප්‍රතිශතයක් ලබා ගත අතර නිල වශයෙන් අග්‍රාමාත්‍යවරයා ලෙස තේරී පත්වීමට නම් රටේ ජාතික ව්‍යවස්ථාදායක සභාවේ සහය අවශ්‍යය. ඒ අනුව පවතී ජන්ද විමසීමේදී  පහල මන්ත්‍රී මණ්ඩලයේ ජන්ද 465 න්  314ක් සහ ඉහල මන්ත්‍රී මණ්ඩලයේ ජන්ද 240 න් 142 ක් ලබාගනිමින් මීට සුළු මොහොතකට පෙර නිල වශයෙන් ජපාන අග්‍රාමාත්‍යවරයා ලෙස පත්විය.

ඒ අනුව නව අග්‍රාමාත්‍යවරයා සිය කැබිනට් මණ්ඩලය පත්කිරීමට නියමිත අතර හිටපු අග්‍රාමාත්‍ය ෂින්සෝ අබේ මහතාගේ කැබිනට මන්ත්‍රීන්ගෙන්  බොහෝ පිරිසක් නව කැබිනට මණ්ඩලයට ද ඇතුලත්වනු ඇතැයි අපේක්ෂා කෙරේ.

65 හැවිරිදි  ෂින්සෝ අබේ මහතා  පසුගිය දා අග්රමාත්යධුරයෙන් ඉල්ලා අස්විය. ඒ ඔහුගේ පුද්ගලික සෞඛ්‍ය ගැටළුවක් හේතුවෙනි. නව අග්‍රාමාත්‍යවරයාට ගෝලීය කොරෝනා වයිරසය හමුවේ ජපානය මෙහෙයවීම  මෙන්ම 2021 ඔලිම්පික් තරගාවලිය ඇතුළු විශාල අභියෝග රැසකට මුහුණ දීමට ජපානය පෙළගැස්විය යුතුය.

Posted On Wednesday, 16 September 2020 06:08

 

ඉන්දියාව සහ චීනය වෙන්වන හිමාලය කදුවැටියට අයත්  පැන්ගොන් දේශසීමාව අසල දෙරටේ බටපිරිස් අතර ගැටුමක් ඇති වී පසුව එය වෙඩි හුවමාරුවක් දක්වා දුරදිග ගොස් ඇති බව විදෙස් මාධ්‍ය වාර්තා කරයි. මෙම සිදුවීම දශක හතරකට පසු චීනය හා ඉන්දියාව අතර වෙඩි හුවමාරුවක් සිදු වූ පළමු අවස්ථාව ලෙස සටහන් වෙයි. මීට පෙර මෙවැනි ගැටුමක් ඇති වූ අතර එය ගුටිබැට හුවමාරුවකින් අවසන් වූ නමුත් මෙවර එය එරටේ දේශපාලනය උණුසුම් කිරීමටද හේතු වී ඇත.

 


sannasa.pngමෙම සිදුවීම ගැන දෙරටම එකිනෙකාට චෝදනාකරගනිමින් සිටින පසුබිමක සදුදා දින ( 07-08-2020) චීන හමුදාවේ විශේෂ ප්‍රකාශකයෙක්  පවසන්නේ ඉන්දියානු හමුදාව චීන දේශසීමාව තරණය කර තම රට තුලට අනවසරයෙන් ඇතුල් වූ බවයි. කිලෝමීටර් 3,379 දිග හිමාලය කදුවැටියේ බටහිර කොටසේ තම හමුදා නිරන්තර සෝදිසියෙන්  පසුවන බවත් එහි ඇති උපායමාර්ගික වැවක් අසල මෙම ගැටුම ඇතිවූ බවත් පළමුව තමන්ට වෙඩි තැබුවේ ඉන්දීය හමුදා බවත් චීන හමුදා ප්‍රකාශකයා වැඩිදුරටත් පැවසීය.

 

sannasa_02_09-09-2020.jpg
අදාළ සිද්ධියේදී   ඉන්දීය හමුදා සමග සාකජ්චාවට පැමිණි තම නිලධාරීන්ට   ප්‍රකෝපකාරී ඉන්දීය සෙබළුන් වෙඩි තැබූ බවත් චීන හමුදා ප්‍රකාශක කර්නල් ෂැං ෂුයිලි පැවසීය.

අගහරුවාදා ඉන්දීය හමුදාව විසින් චීනය එල්ල කළ මෙම චෝදනා ප්‍රතික්ෂේප කළ අතර චීනය දේශීය හා ජාත්‍යන්තර ප්‍රජාව නොමග යැවීම සඳහා මෙය විකුර්ති කර ඇති බව පවසයි. අදාළ අවස්තාවේදී තම හමුදා ඉතා ඉවසීමෙන් හා සංයමයෙන් යුක්තව හැසිරී ඇති බවත් නිර්දය ලෙස ඉන්දු චීන ගිවිසුම උල්ලංඝනය කලේ චීනය බවත් ඉන්දීය හමුදා ප්‍රකාශකයා පැවසීය.

RJ

Posted On Wednesday, 09 September 2020 07:06
Page 1 of 3