Friday, 09 December 2022

සන්නස ක්‍රීඩා

සන්නස ක්‍රීඩා

ලක්කෙළිබිම

වෝනර්ගෙන්  ශ්‍රී ලංකාවට එරෙහි  වාර්තාවක්

ශ්‍රී ලංකා පිලේ ඉදිරිපෙළ ක්‍රීඩකයන් ලබාදුන් ශක්තිය ඉදිරියට ගෙන යෑමට මැද පෙළ පිතිකරුවන් අසමත්වීම හේතුවෙන් සංචාරක ඔස්ට්‍රේලියානු පිල හා ශ්‍රී ලංකාව අතර පැවැති පළමු විස්සයි 20 තරගයෙන් පන්දු 36ක් ඉතිරිව තිබියදී කඩුලු 10ක ජයක් ඔස්ට්‍රේලියාවට හිමි විය.

කොළඹ ආර්. ප්‍රේමදාස ක්‍රීඩාංගණයේදී විදුලි ආලෝක ධාරා මැද ඊයේ රාත්‍රියේ පැවැති මේ තරගයේ මුලින් පන්දුවට පහරදුන් ශ්‍රී ලංකා පිල ඕවර් 19.3ක් අවසානයේ සියලු දෙනා දැවී ලකුණු 128ක් ලබාගත් අතර, ඔස්ට්‍රේලියා පිල ඕවර් 14කදී කිසිවකු නොදැවී ලකුණු 134ක් ලබා ජයග්‍රාහී ඉලක්කය පසු කළේය. ශ්‍රී ලංකා ඉනිමේ පිතිකරුවන් 7ක් බින්දු තුනකින් හා ලකුණු එක බැගින් ලකුණු පුවරුවේ සිටිද්දී ඔස්ට්‍රේලියානු ආරම්භක පිතිකරු යුගල වූ නායක ඇරොන් ෆින්ච් හා ඩේවිඩ් වෝනර් සැලසුම් සහගත පිතිකරණයකට පිවිස ජය මාවත විවරකර ගත්හ.

ඩේවිඩ් වෝනර් ශ්‍රී ලංකාවට එරෙහි අවසන් ඉනිම 5කදී පිට පිට ශතකයක් හා අර්ධ ශතක 4ක් වාර්තා කොට ඇති අතර, විස්සයි 20 තරග බිමේ ප්‍රතිවාදී කණ්ඩායමකට එරෙහිව ක්‍රීඩකයකු පිහිටවූ වාර්තාවක් ලෙස එය සටහන් විය. 2019 වසරේ ඔක්තෝබර් 19 වැනිදා ඇඩිලේඩ්හීදී නොදැවී ලකුණු 100ක්, එම තරගාවලියේදීම බ්‍රිස්බේන්හීදී නොදැවී ලකුණු 60ක් හා මෙල්බර්න් හීදී නොදැවී ලකුණු 57ක් වෝනර් රැස්කර ගත්තේය. අනතුරුව වෝනර්ට පසුගිය වසරේ ඩුබායි හී පැවැති ලෝක කුසලාන තරගාවලියේදී ශ්‍රී ලංකාව හමුවේ ලකුණු 65ක් වාර්තා කළේය. ඊයේ ඔහු වාර්තා කළේ ශ්‍රී ලංකාවට එරෙහිව ලකුණු 50ට වැඩියෙන් රැස් කළ 5වැනි අවස්ථාව විය.

ඩේවිඩ් වෝනර් පන්දු 44කදී හයේ පහර 4ක් හා හතරේ පහර 4ක් සමග නොදැවී ලකුණු 70ක් රැස්කළ අතර, ඇරොන් ෆින්ච් පන්දු 44කට මුහුණදී හතරේ පහර 9ක් සමග සමග නොදැවී ලකුණු 70ක් රැස් කළේය. ඔහු එල්ල කළ එකම හයේ පහර ජයග්‍රහණය වෙනුවෙන් ලකුණු 5ක් අවශ්‍යව තිබියදී එල්ල කිරීම අලංකාර දසුනක් විය.

ලෝක ශූර ඔස්ට්‍රේලියා පිලට එරෙහිව මුල් ඕවර් 12 තුලදී ශ්‍රී ලංකා පිතිකරුවන් පහර පිට පහර දෙමින් සිටියදී කලකට පසු විස්සයි 20 තරගයක ආශ්වාදය විදීමට පැමිණි ශ්‍රී ලංකා ප්‍රේක්ෂකයෝ ප්‍රීති ඝෝෂා නැගූහ. එහෙත් එතැන් සිට ශ්‍රී ලංකා ඉනිමේ කඩා වැටීමෙන් ඔවූහූ මළානිකවී ගියහ. ශ්‍රී ලංකා ඉනිම ඕවර් 12ක් වෙද්දී ලකුණු 100කට කඩුල්ලක් දැවී ගොස් තිබුණද, අවසන් කඩුලු 9ක් ලකුණු 28කට දැවී යෑම ක්‍රිකට් ක්‍රීඩාවේ අවිනිශ්චිත බව විදහා පෑමකි.

ඔස්ට්‍රේලියා මඳවේග පන්දු යවන ජොස් හේස්ල්වුඩ් ශ්‍රී ලංකා ඉනිම සුනු විසුණු කළ පන්දු යවන්නා වූ අතර, ඔහු යැවූ තරගයේ 13වැනි ඕවරයේ කඩුලු 3ක් බිඳ හෙලා ගැනීම තරගයේ හැරවුම් ලක්ෂය විය. හේස්ල්වුඩ් ලකුණු 16කට කඩුලු 4ක් බිඳ හෙලද්දී ඔහුට අනෙක් අන්තයෙන් සහය වූ වේග පන්දු යවන මිචෙල් ස්ටාර්ක් ලකුණු 26කට කඩුලු 3ක් බිඳ හෙලා ශ්‍රී ලංකා බලාපොරොත්තු සුන් කළහ.

පැතුම් නිස්සංක ලකුණු 22ක් ලබා සිටියදී ඩීප් මිඩ් විකට් වෙතට එල්ල කළ උඩ පන්දුව ස්ටීව් ස්මිත් අතින් ගිලිහී යෑම හැර ඔස්ට්‍රෙලියා ක්‍රීඩකයන් වෙතට ලැබුණු උඩ පන්දු හයම සුරැකිව රැක ගැනීම කැපී පෙණුනි.

පලපුරුදු පිතිකරුවකු වූ කුසල් මෙන්ඩිස් ලකුණු 1ක් ලබා තිබියදී බොහෝ වේලාවක් එකතැන උඩුගුවනේ සිට ‘මිඩ් ඕෆ්‘ වෙතට පැමිණි උඩ පන්දුව ඇෂ්ටන් අගාර් රැක ගැනීමත් සමග ශ්‍රී ලංකා ඉනිමේ බිඳ වැටීම ආරම්භ විය. අයිපීඑල් තරගාවලියේ දස්කම් දැක්වූ භානුක රාජපක්ෂගේ කඩුල්ල ලකුණු බින්දුවේදී විකට් රකින මැතිව් වේඩ් උඩ පන්දුවක් රැක ගැනීමෙන් හා නායක දසුන් ශානක කඩුල්ල මුවා කිරීමේ වරදට හසු කර ගැනීමෙන් හෙසල්වුඩ් ශ්‍රී ලංකා පිතිකරු ලැයිස්තුවට තර්ජන ගෙන දුන්නේය.

එක් අන්තයකින් කඩුලු පිට කඩුලු බිඳ වැටෙද්දී අංක එක පිතිකරු ලෙස පිටියට පිවිසි 24 හැවිරිදි චරිත් අසලංක ජ්‍යෙෂ්ඨයන්ට ආදර්ශයක් වන පරිදි පන්දු 34කදී හයේ පහරක් හා හතරේ පහර 3ක් සමග ලකුණු 38ක් ලබාගත් අතර, ආරම්භක පිතිකරු පැතුම් නිස්සංක පන්දු 31කදී හයේ පහරක් හා හතරේ පහර 2ක් සමග ලකුණු 36ක් ලබා ගත්තේය. අසලංක දුවද්දී දැවී යෑම ද ශ්‍රී ලංකාවට අවාසිදායක විය.

එමෙන්ම අනෙක් ආරම්භක පිතිකරු ධනුෂ්ක ගුණතිලක පන්දු 15කදී හයේ පහරක් හා හතරේ පහර 3ක් සමග ලකුණු 25ක් ලබා ගැනීමට සමත් විය. වනිදු හසරංග මැද පෙළට ශක්තියක් වූ එකම පිතිකරු වෙමින් පන්දු 15කදී හතරේ දෙකක් සමග ලකුණු 17ක් ලබා ගත්තේය. ශ්‍රී ලංකා ආරම්භක පිතිකරුවන් අතර වූ පළමු කඩුල්ලට සම්බන්ධතාව ලකුණු 39ක් වූ අතර, දෙවැනි කඩුල්ලට පැතුම් නිස්සංක හා චරිත් අසලංක ලකුණු 61ක් එක් කළහ.

ඊයේ දිනයේ අවස්ථා තුනකදී පමණ තරගයට වර්ෂාවෙන් බාධා සිදුවූ අතර, දෙවැනි විස්සයි 20 තරගය අද රාත්‍රී 7ට කොළඹ ආර්. ප්‍රේමදාස ක්‍රීඩාංගණයේදීම ආරම්භ වේ.

ලකුණු පුවරුව

ශ්‍රී ලංකාව

පී.නිශ්ශංක ප. ස්ටාක් 36

ඩී.ගුණතිලක ඇ.මාෂ් ප. හේස්ල්වුඩ් 26

සී.අසලංක දුවද්දී දැවී ගියා 38

කේ.මෙන්ඩිස් ඇ.අගාර් ප. හේස්ල්වුඩ් 1

බී.රාජපක්ෂ ඇ.වේඩ් ප. හේස්ල්වුඩ් 0

ඩී. ශානක ක.මු.ක. ප. හේස්ල්වුඩ් 0

ඩබ්.හසරංග ඇ.ෆින්ඩ් ප. ස්ටාක් 17

 

සී.කරුණාරත්න දුවද්දී දැවී ගියා 1

ඩී.චමීර ඇ.වෝනර් ප. ස්ටාක් 1

එම්. තීක්ෂණ ඇ.වෝනර් ප. රිචඩ්සන් 1

එන්. තුෂාර නොදැවී 0

අතිරේක 7

එකතුව සියලුදෙනා දැවී (ඕවර 19.3) 128

කඩුලු බිඳ වැටීම - 1-39, 2-100, 3-102, 4-103, 5-103, 6-116, 7-118, 8-127, 9-128, 10-128

පන්දු යැවීම - ස්ටාක් 4-0-26-3, හේස්ල්වුඩ් 4-0-16-4, මාෂ් 2-0-21-0, මැක්ස්වෙල් 2-0-18-0, රිචඩ්සන් 3.3-0-22-1, අගාර් 4-0-25-0

ඔස්ට්‍රේලියාව

ඒ.ෆින්ච් නොදැවී 61

ඩී.වෝනර් නොදැවී 70

අතිරේක 3

එකතුව කිසිවකු නොදැවී (ඕවර 14) 134

පන්දු යැවීම - තීක්ෂණ 4-0-25-0, තුෂාර 2-0-21-0, චමීර 4-0-48-0, හසරංග 2-0-27-0, චාමික 2-0-13-0

ක්‍රිකට් තරගයකට ඉතිහාසගත ආරක්ෂාවක්

කොළඹ ආර්. ප්‍රේමදාස ක්‍රීඩාංගණයේ හා ඒ අවට වෙනදාට වඩා දැඩි ආරක්ෂාක රැකවල් යොදා තිබිණි. ක්‍රිකට් තරගයකට ලබාදුන් ඉතිහාසයේ වැඩිම ආරක්ෂාව ඊයේ දිනයේ දක්නට ලැබුණු අතර ත්‍රිවිධ හමුදාව, පොලීසිය හා විශේෂ කාර්ය බලකා ආරක්ෂක බළඇණි විශාල ප්‍රමාණයක් ප්‍රේක්ෂකයන්ගේ ආරක්ෂාව වෙනුවෙන් යොදා තිබිණි.

මේ පිළිබඳ ශ්‍රී ලංකා ක්‍රිකට් ආයතනයේ උසස් නිලධාරියකුගෙන් කළ විමසීමකදී පැවැසුවේ රටේ පවතින වත්මන් තත්ත්වය අනුව වෙනදාට වඩා ආරක්ෂාව තහවුරු කිරීමට සැලසුම් කළ බවය. කොළඹ ආර්. ප්‍රේමදාස ක්‍රීඩාංගණයේ වසරකට පසුව අන්තර්ජාතික ක්‍රිකට් තරගයක් ඊයේ පැවැති අතර, ක්‍රීඩාංගණයට පිවිසෙන මාර්ගයේ පරීක්ෂා කිරීම් සිදු කිරීමට විධිවිධාන යොදා තිබිණි. ඒ සියලු ආරක්ෂක ක්‍රමවේද ප්‍රේක්ෂකයන්ට පීඩාවක් සිදු නොවන පරිදි සිදු කිරීමට ආරක්ෂක අංශ කටයුතු කොට තිබිණි. ශ්‍රී ලංකාව හා ඔස්ට්‍රේලියාව අතර පළමු විස්සයි 20 තරගය නැරැඹීමට ප්‍රේක්ෂකයින් 30000කට ආසන්න ප්‍රමාණයක් පැමිණ සිටියහ.

Posted On Wednesday, 08 June 2022 03:16

රන් පදක්කමක් දිනාගත් සැරයන් දිනේෂ් ප්‍රියන්ත හේරත්ට උසස්වීමක්

Posted On Tuesday, 31 August 2021 10:28

මෙවර ටෝකියෝ ඔලිම්පික් උළෙලේ පිරිමි උස පැනීමේ ඉසව්වේ අවසානය තෙක් පැමිණි කටාර් රාජ්‍යයේ මුටාස් එසා  සහ ඉතාලියේ ජියන්මර්කෝ තම්බෙරි මි.2.37 වූ උස පැනීමට සමත් වූ නමුත් ඊලග ඉලක්කය වූ මි.2.39 උස පැනීමට අසමත් විය. ඒ අවස්ථාවේ ඉතාලි ක්‍රීඩක ජියන්මර්කෝ යම් ආබධයකටද ලක් වූ බව දැකගත හැකි විය. කෙසේ වෙතත් රන් පදක්කම සදහා තව පැනීමක් හෝ පදක්කම බෙදාගැනීමක් කළ හැකි විය. කටාර් ක්‍රීඩක මුටාස්ට නිසැකවම නැවත මි.2.37ක් පැනීමට හැකි නමුත් ඉතාලි ක්‍රීඩකයාට නැවත එය කිරීම පහසු නොවන්නේ ඔහු යම් ආබාධයකට ලක් වූ නිසාවෙනි.විනිසුරු දෙදෙනාගෙන් විමසන්නේ කුමක්ද ඔබගේ තෝරාගැනීම ? යන්නයි .. දෙවරක් නොසිතු කාටාර් ක්‍රීඩක  මුටාස් එසා “අපට රන් පදක්කම් දෙකක් ලබා දිය හැකි දැයි විමසුවේ ය.”  ඉතාලි ක්‍රීඩක ජියන්මර්කෝ ට මෙය අදහාගත නොහැකි විය. ප්‍රේක්ෂකාගාර ඔල්වරසන් හඩින් ගිගුම් දෙන්නට විය.කදුළු පිරි දෑසින් බොහෝ ප්‍රේක්ෂකයින් මේ අපුරු මිනිසුන් දෙදෙනාගේ හැසිරීම ඇදහිය නොහැකි සේ බලා සිටියේය.

 

Posted On Monday, 02 August 2021 07:58

2021 ලෝක අනාගත ශුරයින් තේරීමේ කුඩා ප්රමාණයේ රේසීන් මෝටර් රථ ධාවන තරඟාවලියේ දෙවන වටය ස්පාඤ්ඤයේදී පැවත්වෙන අතර එහි දෙවන මුලික වටය තියුණු තරඟයකින් පසු ජය ගැනීමට 14 හැවිරිදි ශ්රී ලංකාවේ යෙවාන් ඩේවිඩ් සමත්වුනා.

Posted On Monday, 19 July 2021 04:52

එළඹෙන බටහිර ඉන්දීය කොදෙව් තරග සංචාරයේ දී ශ්‍රී ලංකා ක්‍රිකට් කණ්ඩායමේ වේග පන්දු යැවීමේ පුහුණුකරු ලෙස හිටපු ක්‍රිකට් ක්‍රීඩක චම්න්ද වාස් පත් කර ඇති බව වාර්තා වනවා.

ඒ, ශ්‍රී ලංකා කණ්ඩායමේ වේග පන්දු යැවීමේ පුහුණුකරු ලෙස මෙතෙක් කටයුතු කළ ඩේවිඩ් සේකර් සිය ධූරයෙන් ඉල්ලා අස් වීමට තීරණය කිරීම හේතුවෙන්.

මේ අතර, එළඹෙන කොදෙව් තරග සංචාරය සදහා වන ශ්‍රී ලංකා සංචිත තේරීමේ කටයුතු අද දිනයේ දී අවසන් වීමට නියමිත බව ද වාර්තා වනවා.

අසන්ත ද මෙල් මහතා තේරීම් කමිටුවේ සභාපතිධූරයෙන් ඉල්ලා අස්වීමෙන් පසු එම තේරිම් කම්ටුවේ ඉතිරි වූ සාමාජිකයන් දෙදෙනා වන ප්‍රමෝද්‍ය වික්‍රමසිංහ සහ චමින්ද මෙන්ඩිස් යන මහත්වරු දෙදෙනා විසින් මෙම තේරීම් සිදුකරනු ඇති බව සදහන්.

නව තේරීම් කමිටුවක් ද ඉදිරියේ දී පත් කිරීමට නියමිතව තිබෙනවා.

කොදෙව් සංචාරයේ දී දෙරට අතර 20යි 20 තරග 3ක්, එක්දින තරග 3ක් සහ ටෙස්ට් තරග 2ක් පැවැත්වීමට නියමිතයි.

ඒ සදහා සහභාගී වීමේ අරමුණින් ශ්‍රී ලංකා කණ්ඩායම එළඹෙන 23 වනදා දිවයිනෙන් පිටත්ව යනු ඇති.

Posted On Friday, 19 February 2021 07:37

ඊයේ දින පැවති පලමු LPL තරඟය මිලියන 100 කට අධික පිරිසක් නරඹා තිබෙනවා.

ශ්‍රී ලංකාවේ සමස්ත ජනගහණය මිලියන 20 ක් පමණ වන අතර මෙරට දේශීය තරඟාවලියක් මෙතරම් පිරිසක් නැරඹූ මුල්ම අවස්ථාව ලෙසින් මෙය සටහන් වෙනවා.

එමෙන්ම IPL හැරුනුකොට , අවම කණ්ඩායම් ප්‍රමාණයක් සහ අවම විදෙස් ක්‍රීඩකයින් පිරිසක් සහභාගී වෙමින් , එම තරඟය පැවති රටේ ජනගහණය මෙන් පස් ගුණයක ප්‍රමාණයක් තරඟයක් නැරඹූ මුල්ම අවස්ථාවද මෙය වනවා.

Posted On Friday, 27 November 2020 06:58

“ලංකා ප්‍රිමියර් ලීග්“ පන්දුවාර 20/20 ක්‍රිකට් තරඟාවලියේ ගෝල් ග්ලැඩියේටර්ස් කණ්ඩායමේ ප‍්‍රධාන දේශීය ක්‍රීඩකයා වන ලසිත් මාලිංග එම තරඟාවලියෙන් ඉවත් වීමට තීරණය කර තිබේ.‍

ඒ, තරඟාවලිය සඳහා සූදානම්වීමට ප්‍රමාණවත් කාලයක් නොමැතිවීම හේතුවෙන් බව ඔහු සඳහන් කරයි.

LPL තරඟාවලියට සහභාගීවීමට සිටි පුහුණුකරුවන් සහ ක්‍රීඩකයන් කිහිප දෙනෙකුට කොවිඩ් - 19 ආසාදනයවීම මෙන්ම තරඟාවලියේදී වඩාත් කැපී පෙනෙන ක්‍රීඩකයන් කිහිප දෙනෙකු තරඟාවලියෙන් ඉවත්වීමද සිදුව තිබේ.

එමෙන්ම ශ්‍රී ලංකා විස්සයි විස්ස නායක ලසිත් මාලිංග තරඟාවලියෙන් ඉවත්වීමට තීරණයකර ඇති අතර මාලිංග කියා සිටියේ මේ වසරේ පැවැති කොදෙව් තරඟාවලියෙන් පසු ක්‍රීඩාවට යොමුවීමට අවස්ථාවක් නොලැබුණු බවත්, ඉන් පසුව කිසිදු පුහුණුවීමක නිරතවීමට තමන්ට අවස්ථාවක් නොලැබුණු බවත්ය.

ඉහළ මට්ටමේ තරඟාවලියක් සඳහා පුහුණුවක් නොමැතිව සහභාගීවීම පන්දු යවන්නෙකුට පහසු දෙයක් නොවන බව සිය ඉවත් වීම සම්බන්ධයෙන් අදහස් දක්වමින් ලසිත් මාලිංග කියා සිටියේය.

මේ අතර තරඟාවලිය සඳහා සහභාගීවීමට පැමිණි කැනඩාවේ රවීන්දර්පාල් සිංට කොවිඩ් - 19 ආසාදනය වී ඇති බව අනාවරණය වී ඇති අතර ඔහු සහ සෙසු ක්‍රීඩකයන් මෙරටට පැමිණි අවස්ථාවේදී සිදුකළ PCR පරීක්ෂණයේදී ඒ බව තහවුරු වී තිබේ.

කලම්බු කිංග්ස් කණ්ඩායම නියෝජනය කිරීමට සිටි රවීන්දර්පාල් සිං සමඟ අන්ඬ්‍රේ රසල්ද එම ගුවන් යානයේ පැමිණි ඇති බැවින් රසල් නිරෝධායනට ලක්කර ඇති බව වාර්තා වේ.

එමෙන්ම කැන්ඩි ටස්කර්ස් කණ්ඩායම නියෝජනය කරන පාකිස්තානු ක්‍රීඩක සොහෙල් තන්වීර්ටත් කොවිඩ් ආසාදනය වී ඇති බව වාර්තා වේ.

මේ අතර තරඟාවලියට සහභාගීවීම සඳහා දකුණු අප්‍රිකාව, පාකිස්තානය, එංගලන්තය සහ ඇෆ්ගනිස්ථාන යන රටවල්හි ක්‍රීඩකයන් 8 දෙනෙකු ඊයේ රාත්‍රීයේදී දිවයිනට පැමිණ ඇති අතර PCR පරීක්ෂණයට යොමු කිරීමෙන් පසු නිරෝධානය සඳහා යොමු කෙරුණි.

ඒ අනුව, තරඟාවලියට සහභාගී වන විදේශීය ක්‍රීඩකයන්, කාර්ය මණ්ඩල සහ තරඟාවලිය සංවිධායකයින් මේ වන විට තරඟ පැවැත්වෙන හම්බන්තොටට පැමිණ සිටී.

මේ අතර ලංකා ප්‍රියමියර් ලීග් ක්‍රිකට් තරඟාවලියේ නිල තේමා ගීතය අද ශ්‍රී ලංකා ක්‍රිකට් ආයතනය විසින් එළිදැක්වුණි.

Posted On Friday, 20 November 2020 16:40

 

මහේල වත්මන් ක්‍රිකට් ලොව සැණකෙළියේ මහ මොළකරුවෙකි . අම්බානිගේ සල්ලි වැස්සේ තෙමෙන්නට පදම හොදින් දත් ඔහු ඔහුටම ආවේණික රිද්මයකින් මුම්බායි ඉන්දියන්ස් ජය මාවතක රැගෙන යන්නේය.

මහේල මුම්බායි ඉන්දියන්ස් භාර ගත් පසු කණ්ඩායම් විනයට අංක එක දුන්නේය. තම ක්‍රීඩකයින් ක්‍රමවත් කරන්නට එදා ඔහු අපූර්ව අදහසක් ගෙන ආවේය.කිසියම් ක්‍රීඩකයෙකු තරගයකදී හෝ ඉන් පිටතදී වරදක් කළහොත් විශේෂිත ඇදුමක් ඔහු වෙනුවෙන් වෙන් කළේය. යළි වෙනත් අයෙකු වරදක් කරන තෙක් කලින් ක්‍රීඩකයා කණ්ඩායම සමගින් වන සෑම විටම එම දඩුවම් ඇදුමින් සැරසිය යුතුය.

මහේලගේ මෙම දඩුවමට මුලින්ම ලක්වන්නේ කොල්කටා කණ්ඩායමෙන් මුම්බායි වෙත කැදවාගත් සූර්යකුමාර් යදාව් ය. වෙලාවට වැඩකරන හොද පුරුද්ද අමතක කල සූර්යකුමාර් වෙත මහේලගේ මෙම දඩුවම තදින්ම බලපෑවේය. මෙවර IPL තරග බිම හොල්ලන පිතිකරුවකු වන්නට ඔහුට හැකි වූයේ පුහුණුකරු මහේල ටොකු ඇන ඇන කියා දීපු පාඩම් නිසා බවයි ඔහු පවසන්නේ.

මුම්බායි පිළට වගේම ඉන්දීය ජාතික කණ්ඩායමේත් අනාගත බලාපොරොත්තුවක් වන ඉෂාන් කිෂාන් සම්බන්ධයෙන්ද අපූරු කතාවක් එළියට එන්නේය. පුහුණු සැසියකදී කිෂාන් වෙත පන්දුවක් මගහැරෙන අතර ඔහුගේ අලස ක්‍රීඩා විලාසය දුටු මහේල සැනෙකින් කෝප වන්නේය .

" ක්‍රිෂ් තමුසේ නිදිද .......? " මහ හඩින් එහෙම අහපු මහේල ඔහුව ළගට කැදවා කළ දේශනාව සමාජ මාධ්‍ය අතර හරි ජනප්‍රියය.

රාත්‍රී කාලයේ වැඩිපුර අවදිව හිටපු මේ තරුණ ක්‍රීඩකයා අනාගතය වෙනුවෙන් සුදානම් කළ මහේල ක්‍රමයෙන් ඔහුව වේලාසන නින්දට යවනවා පමණක් නොව ඔහුගේ උපරිමය කණ්ඩායම වෙත රදවන්නේය.

සමහර විට මහේලගේ ක්‍රිකට් ආගමනයේ ඔහු ලත් අත්දැකීම් මේ සියල්ලට හේතු වූවාට සැක නැත.

1997 දී මහේල SSC කණ්ඩායමට එනවිට දැවැන්තයින් රැසකගෙන් කණ්ඩායම සමන්විතය . අර්ජුන , ගුරුසිංහ , හේමන්ත වික්‍රමරත්න ආදීන් සමග මහේලට වෙන්වූයේ ආරම්භක පිතිකරු තනතුරයි. එය ඔහුගේ මංගල පළමු පෙළ තරගයද විය. බ්ලූම්ෆීල්ඩ් පිළට එරෙහි ඒ තරගයේ අර්ධ ශතකයද ඉක්මවා මහේල මතක හිටින ඉනිමක් දියත් කලේය. නමුත් දිනය නිමවන්නට ඕවර කීපයකට පෙර රුවන් කල්පගේ හමුවේ වැරදි පහරක් ගැසූ මහේල දැවී යන්නේය.

යොවුන් විය එළි පැත්තේ සිටි මහේල ප්‍රථම තරගයේ තම තරම ගැන සතුටින් SSC පඩිපෙළ නැග ක්‍රීඩාගාරයට ඇතුළු වනවාත් සමග කණ්ඩායම් නායක අර්ජුන යක්ෂාරූඩ විය. අමු සිංහලෙන් මහේල ඇමතූ ඔහු විකට්ටුව විසිකිරීම වෙනුවෙන් අපූරු දඩුවමක් දුන්නේය. ක්‍රීඩාගාරය ඇතුලට මහේල කැදවා නොගත් අර්ජුන පඩිපෙළ මත ඔහු ඉන්දවීය.

එදා එලෙස දඩුවම් විදි මහේල ලොව දකුණත් පිතිකරුවෙකු ලද ඉහළම ටෙස්ට් ඉනිම එම SSC පිටියේදීම ලබන්නේය. ලෝක කුසලාන තරග ඉතිහාසයේ අවසන් පූර්ව සහ අවසන් මහා තරග දෙකකදීම ශතක ලද ප්‍රථම ක්‍රීඩකයා බවටද ඔහු ඉතිහාසගත වන්නේ.

එදා අර්ජුන මහේලට නොකියා කියා දුන් පාඩම මෙදා මහේල අසල්වැසියාට බෙදන අයුරු හරි අපූරුය.

© මංජුල ලන්දෙකුඹුර

Posted On Saturday, 07 November 2020 14:19

ලංකා ප‍්‍රිමියර් ලීග් පන්දුවාර 20 ක‍්‍රිකට් තරගාවලිය සඳහා සහභාගී වන කැන්ඩි ටස්කර්ස් කණ්ඩායමේ හිමිකාරීත්වය ඉන්දීය බොලිවුඞ් සිනමා අධ්‍යක්‍ෂවරයකු වන සොහෙල් කාන් විසින් ලබා ගන්නා ලදි. ලංකා ප‍්‍රිමියර් ලීග් තරගාවලිය මේ වසරේ නොවැම්බර් 21වන දින සිට දෙසැම්බර් 13වන දින දක්වා පල්ලෙකැලේ සහ හම්බන්තොට දී පැවැත්වීමට නියමිතය.

කැන්ඩි ටස්කර්ස් කණ්ඩායමට බටහිර ඉන්දීය කොදෙව් කණ්ඩායමේ සුපිරි ක‍්‍රීඩක ක‍්‍රිස්ගේල් ඇතුලත් වන අතර ශ‍්‍රී ලංකා කණ්ඩායමේ සුපිරි ප‍්‍රහාරක පිතිකරු කුසල් ජනිත් පෙරේරා, කුසල් මෙන්ඩිස් සහ නුවන් ප‍්‍රදීප් ඇතුලත් වන අතර සුපිරි එංගලන්ත පන්දුයවන්නකු වන ලියම් ප්ලන්කට් ද කණ්ඩායමේ සෙසු ක‍්‍රීඩකයෝ වෙති. හෂාන් තිලකරත්න කැන්ඩි ටස්කර්ස් හි පුහුණුකරුවකු ලෙස කටයුතු කරනු ඇත.

‘‘ලංකා ප‍්‍රිමියර් ලීග් කුසලානය ජයගැනීමට වැඩි ඉඩ කඩක් ඇති කණ්ඩායමක් ලෙස කැන්ඩි ටස්කර්ස් හැඳින්විය හැකි අතර මෙහි හිමිකාරීත්වය ලබා ගැනීමට හැකි වීම පිළිබඳව මම සතුටට පත් වෙනවා. ශ‍්‍රී ලාංකිකයින් අතර ක‍්‍රිකට් උන්මාදයක් තරමටම පැතිර ඇති බැවින් මෙම තරගාවලිය නැරඹීමටත් තමන්ගේ ප‍්‍රියතම ක‍්‍රිකට් තරු දිරිගැන්වීමට විශාල වශයෙන් පැමිණෙනු ඇති බව මගේ විශ්වාසයයි. අපිට සමබර කණ්ඩායමක් සිටින බැවින් තරගාවලියේ වැඩි බලාපොරොත්තු තබා ගත හැකි බව මම විශ්වාස කරනවා’’ යනුවෙන් සොහෙල් කාන් මහතා වැඩිදුරටත් පැවසීය.

මේ පිළිබඳව අදහස් දක්වන ලංකා ප‍්‍රිමියර් ලීග් හී තරග සංවිධායක IPG හි ප‍්‍රධාන විධායක නිලධාරී අනිල් මෝහන් මහතා ‘‘ ජාත්‍යන්තර මට්ටමේ තරගාවලියක් සංවිධානය කිරීම අපගේ අරමුණ වූ බැවින් ශක්තිමත් අනුග‍්‍රාහකයින් කණ්ඩායම් සඳහා අපට අවශ්‍ය වෙනවා. සොහෙල් කාන් මහතා බොලිවුඞ් සිනමාවට අමුත්තකු නොවන අතරම ක‍්‍රිකට් ලෝලියකු ලෙස ඔහුගේ භූමිකාවද ලොව පුරා ප‍්‍රචලිතයි. ’’ යනුවෙන් පැවසීය.

ශී‍්‍ර ලංකා ක‍්‍රිකට් හි උපසභාපති සහ ලංකා ප‍්‍රිමියර් ලීග් හි අධ්‍යක්‍ෂ රවීන් වික‍්‍රමරත්න මහතා මේ පිළිබඳව අදහස් දක්වමින් ‘‘ කැන්ඩි ටස්කර්ස් හි හිමිකාරීත්වය ලබා ගනිමින් සොහෙල් කාන් මහතා ලංකා ප‍්‍රිමියර් ලීග් තරගාවලිය හා සම්බන්ධ වීම අපට සතුට දනවන්නක්. ක‍්‍රිකට් සහ චිත‍්‍රපටි ලෝකය ඉන්දියා තුළ දැඩි සහසම්බන්ධතාවක් සහිත ප්‍රෙක්ෂකයින් ප‍්‍රමෝදයට පත් කරන කරුණු 2ක් ලෙස හැඳින්විය හැකි අතර සොහෙල් කාන් මහතාගේ සම්ප‍්‍රාප්තියත් සමග ශ‍්‍රී ලාංකීය පේ‍්‍රක්ෂකයින්ගේ සහ ඉන්දියානු පේ‍්‍රක්ෂකයින්ගේ දැඩි අවධානය මෙම තරගාවලියට යොමු වනු ඇතැයි මම අපේක්ෂා කරනවා’’ යනුවෙන් පැවසීය. 

Posted On Wednesday, 21 October 2020 09:19

කොරෝනා තත්වය හේතුවෙන් අද සහ හෙට 10 සහ 11 දෙදින තුළ කතරගමදී පැවැත්වීමට නියමිතව තිබූ 46 වන ජාතික මහා ක්‍රීඩා තරඟයේ සියළුම තරඟ දින නියමයක් නොමැතිව කල් දැමීමට ක්‍රීඩා අමාත්‍යංශය තීරණය කර තිබේ.

Posted On Saturday, 10 October 2020 16:24

ඇෆ්ගනිස්තාන ක්රිකට කණ්ඩායමේ ආරභක පිතිකරුවෙකු වන නජීබ් තාරකායි හදිසි අනතුරකින් ජීවිතක්ෂයට පත් වී ඇති බව එරට ක්‍රිකට් පාලක මණ්ඩලය කියයි. වයස අවුරුදු 29 ක් වන තාරකායි ඔක්තෝබර 05 වැනිදා ඇෆ්ගනිස්තාන කාබුල් අගනුවරදී මෝටර් රථයක ගැටීමෙන් මෙම අනතුර සිදුවී ඇත. පසුව රෝහල ගත කලද 06 වෙනිදා ජීවිතක්ෂයට පත් වූ බව වාර්තා වේ.

Posted On Tuesday, 06 October 2020 06:21

තරුණ හා ක්‍රීඩා අමාත්‍යාංශය සහ ක්‍රීඩා සංවර්ධන දෙපාර්තමේන්තුව එක්ව සංවිධානය කරනු ලබන 46 වන ජාතික මහා ක්‍රීඩා උළෙලට සමගාමීව පවත්වනු ලබන මැරතන්/ තරඟ ඇවිදීම/ පාපැදි රේසිං (පිරිමි හා කාන්තා) තරඟ 2020 ඔක්තොම්බර් මස 10 සහ 11 යන දිනයන්හී කතරගම නගරය ආශ්‍රිතව පැවැත්වීමට අවශ්‍ය කටයුතු සංවිධානය කර ඇත.

Posted On Tuesday, 29 September 2020 09:43
 

දකුණු ආසියාවේ වේගවත්ම කී‍්‍රඩකයා බවට පත්වීමට ශ‍්‍රී ලංකාවේ යුපුන් අබේකෝන් සමත්වී තිබෙනවා.

ඒ, ජර්මනියේ ඊයේ (08) පැවැති ජාත්‍යන්තර මළල කී‍්‍රඩා තරගාවලයකදීයි.

එම තරගාවලියේදී මීටර් 100 පිරිමි ධාවන ඉසව්ව යුපුන් අබේකෝන් ජයගත්තේ තත්පර 10.16 ක දක්ෂතාවක් වාර්තා කරමින්. එය නව ශ‍්‍රී ලංකා වාර්තාවක් ද වනවා.

මීට පෙර දකුණු ආසියාවේ වේගවත්ම කී‍්‍රඩකයා සහ මීටර් 100 ධාවන ඉසව්වේ ශ‍්‍රී ලංකා වාර්තාවට හිමිකම් කීවේ හිමාෂ ඒෂාන්.

2016 වර්ෂයේ ඉන්දියාවේ ගුවාතිහිදී පැවැති 12 වන දකුණු ආසියානු කි‍්‍රඩා උළෙලේදී තත්පර 10.22 ක දක්ෂතාවක් වාර්තා කරමින් හිමාෂ ඒෂාන් එම වාර්තාව පිහිටුවා තිබුණා. 

Posted On Wednesday, 09 September 2020 04:56
 

සංචාරක එංගලන්ත කණ්ඩායම සමග පැවැති 03 වන සහ අවසන් පන්දුවාර විස්ස ක‍්‍රිකට් තරගයෙන් කඩුලූ 5ක ජයක් වාර්තා කිරීමට ඔස්ටේ‍්‍රලියානු කණ්ඩායම ඊයේ සමත් වුණා. කෙසේවෙතත් මුල් තරග 2ක ඔස්ටෙ‍්‍රලියානු කණ්ඩායම පරාජය වීම හේතුවෙන් 2 ට 1 ක් ලෙස මෙම තරගාවලිය ජය ගත්තේ එංගලන්ත කණ්ඩායමයි.

ඊයේ පැවැති තරගයේදී පළමුවෙන් පන්දුවට පහරදුන් එංගලන්ත කණ්ඩායම නියමිත පන්දුවාර 20 අවසානයේ කඩුලූ 6ක් දැවී ලකුණු 145ක් රැුස් කිරීමට සමත් වුණා. ඔස්ටේ‍්‍රලියානු කණ්ඩායම පන්දුවාර 19 යි පන්දු 3ක් අවසානයේ කඩුල 5ක් පමණක් දැවී එම ඉලක්කය පසුකර යමින් තරගයේ ජය වාර්තා කළා. මෙම තරගය පැවැත්වුණේ සදම්ප්ටන් හිදියි.

Posted On Wednesday, 09 September 2020 04:35
Page 1 of 4