Editor
සියළුම ශ්‍රී ලාංකිකයින්ට පෙබරවාරි මස සිට ඊ-හෙල්ත් කාඩ්පත නිකුත් කිරීමට සැලසුම්
ශ්‍රී ලංකාවේ මිලියන 21 ක ජනතාවටම ඊ-හෙල්ත් කාඩ්පත නිකුත් කිරීම පෙබරවාරි මාසයේ දී ආරම්භ කරන බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා ප්‍රකාශ කරයි.
නීල හරිත ආර්ථිකය යටතේ කාබන් බද්ද ලෙස ඉතා සුළු බද්දක් අය කරනුයේ පාරිසරික අවදානම අඩු කිරීමටයි
මෙම වසරේ ජනවාරි මස සිට වාහන සඳහා කාබන් බද්දක් අය කිරීමට රජය තීරණය කර ඇත. නීල හරිත ආර්ථිකය පදනම් කර ගත් රජයේ ආර්ථික වැඩපිළිවෙළ යටතේ පරිසර හිතකාමී පියවරක් ලෙස පාරිසරික අවදානම අඩු කිරීමේ තවත් පියවරක් ලෙස මෙය ක්‍රියාත්මක කෙරේ.
විශ්වවිද්‍යාල ප්‍රවේශය සඳහා අයදුම්පත් අද සිට කැඳවයි
2018 වසර සඳහා උසස් පෙළ විභාගයට විශ්වවිද්‍යාල ප්‍රවේශය සඳහා අද (11) සිට අයදුම්පත් කැඳවන බව විභාග විද්‍යාල ප්‍රතිපාදන කොමිෂන් සභාවේ ලේකම් ආචාර්ය ප්‍රියන්ත ප්‍රේමකුමාර මහතා පවසයි.
2018 වසරේ කාන්තාවන් විදේශ ගතවීම 31.7% ක් දක්වා පහළට
2017 වර්ෂයට සාපේක්ෂව 2018 වසරේ ශ්‍රමිකයින් විදේශ ගතවීමේ සංඛ්‍යාවේ සැලකිය යුතු වෙනසක් පෙන්නුම් නොකරන අතර, 2017 වර්ෂයට සාපේක්ෂව 2018 වර්ෂයේදී ශ්‍රමිකයින් විදේශ ගතවීම 0.24% න් පහළ ගොස් ඇතැයි විදේශ සේවා නියුක්ති කාර්යංශය පවසයි.
සුරක්ෂා රක්ෂණාවරණ ප්‍රතිලාභ ඉහළට
සුරක්ෂා රක්ෂණාවරණය 2019 වසර සඳහා ක්‍රියාත්මක කිරීමට අවශ්‍ය අනුමැතිය පසුගිය දා පැවති කැබිනට් මණ්ඩලයේ දී හිමි විය.
පසුගිය වසරේ දී (2018) සුරක්ෂා රක්ෂණාවරණය ලබාදීමේ දී ලද අත්දැකීම් සැළකිල්ලට ගනිමින් රජයට අවම වියදමක් දරා සිසුන්ට වැඩි ප්‍රතිලාභ හිමිවන පරිදි 2018/19 වර්ෂය සදහා නව යෝජනා ඇතුළත් කිරීමට අධ්‍යාපන අමාත්‍ය අකිල විරාජ් කාරියවසම් මහතාගේ මග පෙන්වීම අනුව අධ්‍යාපන අමාත්‍යාංශය කටයුතු යොදනු ලැබිණි.
ඒ අනුව 2018/19 වර්ෂයේ දී රෝහල් ගත වීමක දී රු. 200,000 ක් ද රජයේ රෝහලක හෝ රජයේ ආයුර්වේද රෝහලක නොගෙවන වාට්ටුවක නේවාසිකව ප්‍රතිකාර ලබන අවස්ථාවක දී රු.3,000 ක දෛනික දීමනාවක් ද බාහිර ප්‍රතිකාරවලදී රු. 20,000 ක් ද මාපියන් හෝ භාරකරු වියෝවකදී එක් අයෙකු සඳහා රු. 200,000 ක් ද ශිෂ්‍ය වියෝවකදී අවමංගල්‍යය කටයුතු වෙනුවෙන් රු. 150,000 ක් ද පුර්ණ හා සදාකාලීක අබලතා සදහා වාර්ෂිකව රු. 50,000 සිට රු. 200,000 ක් ද අසාධ්‍ය රෝග ආවරණය යටතේ රු. 200,000 ක් ලෙස ද සිසුන්ට සහ මාපියන්ට ප්‍රතිලාභ හිමිවෙයි
2018 වර්ෂයට සාපේක්ෂව 2019 වර්ෂයේ දී ලබාදෙන ප්‍රතිලාභවල වැඩිවීම
|
රැකවරණ අවස්ථා |
ප්‍රතිලාභය |
|
|
2018 |
2019 |
|
|
රෝහල්/ රෝග ප්‍රතිලාභ · නේවාසික ප්‍රතිකාර ප්‍රතිලාභ (රජයේ/පුද්ගලික) · රජයේ රෝහල් ගතවීම (දිනකට) · බාහිර ප්‍රතිකාර ප්‍රතිලාභ |
200,000 1,000 10,000 |
200,000 3,000 20,000 |
|
අනතුරු ප්‍රතිලාභ · පුර්ණ සදාකාලික ආබාධ සඳහා |
100,000 50,000-100,000 |
200,000 50,000- 200,000 |
|
වියෝව/ මියයාම · මාපිය වියෝවකදී · ශිෂ්‍ය වියෝවකදී අවමංගල්‍ය සහන |
75,000 100,000 |
200,000(එක් අයෙකු සඳහා) 150,000 |
|
අසාධ්‍ය රෝග ප්‍රතිලාභ |
- |
200,000 (හෝ ඊට වැඩි) |
නිසි ප්‍රමිතියෙන් යුතු ත්‍රීපෝෂ අඛණ්ඩව
නිසි ප්‍රමිතියෙන් යුත් “ත්‍රීපෝෂ” දරුවන්ගේ පෝෂණය වර්ධනය කිරිම සදහා අඛණ්ඩව ලබාදෙන බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පවසයි.
මාතර බෙලිඅත්ත නව දුම්රිය මාර්ගයේ මගී ප්‍රවාහන කටයුතු අලුත් අවුරුද්දට පෙර- ප්‍රවාහන ඇමති
මාතර - බෙලිඅත්ත නව දුම්රිය මාර්ගයේ මගී ප්‍රවාහන කටයුතු අලුත් අවුරුද්දට පෙර ආරම්භ කරන බව ප්‍රවාහන හා සිවිල් ගුවන් සේවා ඇමති අර්ජුන රණතුංග මහතා පවසයි.
2018 අ.පො.ස. (සා.පෙළ) විභාගයේ ඇගයීම් මධ්‍යස්ථාන ලෙස යොදවා ගන්නා පාසල් නැවත විවෘත කිරීම ජනවාරි 18
2018 අ.පො.ස. (සා.පෙළ) විභාගයේ දෙවන අදියරේ ඇගයීම් මධ්‍යස්ථාන ලෙස යොදවා ගනු ලබන ඇමුණුමෙහි සඳහන් පාසල් 26 න් පහත සඳහන් පාසල් 04 ක් පමණක් 2019.01.08 සිට 2019.01.17 දක්වා සම්පූර්ණයෙන් ම වසා තබන අතර එම පාසල් 2019 ජනවාරි 18 වන සිකුරාදා නැවත විවෘත වන බව අධ්‍යාපන අමාත්‍යාංශය පවසයි.
වියළි කාලගුණ තත්ත්වයක්- කාලගුණවිද්‍යා දෙපාර්තමේන්තුව
නැගෙනහිර වෙරළබඩ ප්‍රදේශවල වල ඇතිවිය හැකි සිහින් වැසි හැරුන විට දිවයිනේ බොහෝ ප්‍රදේශවල වියලි කාලගුණ තත්ත්වය තවදුරටත් පවන බව කාලගුනවිද්‍යා දෙපාර්තමේන්තුව නිවේදනය කරයි.
කොළඹ කොටුව සිට මාලඹේ දක්වා සැහැල්ලු දුම්රිය සේවාවකට ජපානයෙන් ඇ.ඩො.මි. 1850 ක ණය ආධාර
කොළඹ නගරය හා ඒ ආශ්‍රිතව පවතින දැඩි රථවාහන තදබදයට විසඳුමක් ලෙස සැහැල්ලු දුම්රිය මාර්ග පද්ධතියක් (LRT) ස්ථාපනය කිරීම මෙම වසර තුළ ආරම්භ කිරීමට නියමිත අතර ඒ සඳහා වැයවන ඇ.ඩො.මි. 1850 ක ණය ආධාර ලබාදීමට ජපානය එකඟතාවය පළකර තිබේ.