ගුවන් තොටුපලවල ගොඩබිම් හැසිරවීම, ආහාර සැපයීම සහ ජෙට් ඉන්ධන සැපයීමේ මෙහෙයුම් සඳහා පුද්ගලික අංශයට ඇතුළුවීමට ඉඩ ලබා දෙන බව සිවිල් ගුවන් සේවා අධ්‍යක්ෂ ජනරාල් පී.ඒ ජයකාන්ත මහතා සෙනසුරාදා (15) ප්‍රකාශ කළේය.
සිවිල් ගුවන් සේවා අධ්‍යක්ෂ ජනරාල් පී.ඒ ජයකාන්ත මහතා මාධ්‍ය වෙත කියා සිටියේ මෙම සේවාවන් දැනට රාජ්‍ය ඒකාධිකාරයක්බවයි.
ශ්‍රී ලංකාවේ ජාත්‍යන්තර ගුවන් තොටුපළවල ඉහත සඳහන් සේවා සැපයීම සඳහා පෞද්ගලික පාර්ශවවලට ආරාධනා කිරීමට රජයකටයුතු කරමින් සිටින බව ඔහු පැවසීය.
මේ සතිය මුලදී, වරාය, නාවික සහ ගුවන් සේවා අමාත්‍ය නිමල් සිරිපාල ද සිල්වා මහතා මාධ්‍යවේදීන්ට පැවසුවේ ශ්‍රී ලංකාවදැනටමත් ගුවන් තොටුපලවල ඉන්ධන සැපයීම ලිහිල් කිරීමේ ක්‍රියාවලියක යෙදී සිටින බවයි.
මේ අතර, ජාත්‍යන්තර මූල්‍ය අරමුදල සමඟ අත්සන් කර ඇති වැඩසටහනට අනුකූලව සීමාසහිත ශ්‍රී ලංකන් එයාර්ලයින්ස් ඇතුළුරජය සතු ව්‍යවසායන් ප්‍රතිසංස්කරණය කිරීමට ශ්‍රී ලංකා රජය තීරණය කර තිබේ.