කෘෂිකර්ම අමාත්‍ය මහින්ද අමරවීර මහතා සමඟ පැවති සාකච්ඡාවකින් අනතුරුව, දේශීය කුකුළු මස් කිලෝග්‍රෑමයක මිල රුපියල් 100කින් අඩු කිරීමට දේශීය කුකුළු නිෂ්පාදකයින් ඊයේ (02) එකඟතාව පළ කර ඇත.
පාරිභෝගිකයින්ට දැරිය හැකි මිලක් සහතික කරන අතරම දේශීය කුකුළු නිෂ්පාදන කර්මාන්තය ආරක්ෂා කර ගැනීම තම ප්‍රධාන අරමුණ බව ඔවුහු පැවසූහ.
දේශීය කුකුළු මස් නිෂ්පාදනය මෙරට ස්වයංපෝෂිත මට්ටමට පැමිණ ඇති බැවින් කර්මාන්තය රැක ගැනීමේ අවශ්‍යතාව රජය අවධාරණය කර ඇති බව අමාත්‍ය මහින්ද අමරවීර මහතා පැවසීය.